इफिसियों 3:19 - लाहौली बाइबिल

¹⁹ गेह प्रार्थना लहज़ातग कि, केरे मसीहू दि दाह ञेंए तरपोंई, अंऊ मीहु समझ बे धकते तोह, ताकि केहतु स्वाभाव परमेश्वरो स्वाभावो ठ्रोह शुहचे योतो।

इफिसियों 3:19 Iomraidhean Croise

मत्ती 5:6

धन्य शुहरे दोरे, अरी धार्मिकताऊ ज़िंदगीऊ हिटी तहच़ातेर। छना कुचे परमेश्वरे दोतु थल्जी पुरे लोहतो।

यहून्नो 1:16

छना कुचे दोऊ मोह्ड़े दाह ओ परिपूर्णतारंङ साते हेंज़ी भत्ते धिर खोकषातंई मतलब आशीषो टोईच़ी आशीष।

यहून्नो 17:3

दंङ अनंत जीवन दीह शुह कि मीहरे कनिंङ सेहपोर, मतलब सिर्फ इच्च़ा सच्चा परमेश्वरा बि, दंङ दोरे गिह्बी सेहपोर, मतलब यीशु मसीह बि, अरी केई च़रसी शुह।

रोमियो 8:35

अच़िला हेंदिंङ परमेश्वरो दाह ओ दोरच़ी शत्‌ह लेह मरपोतो। माह दुख, माह मुसीबत, माह झगड़ा, माह अकाल, माह कंगाली, माह जोखिम, माह तलवार,

2 कुरिन्थियों 5:14

छना कुचे मसीहू दाह हेंदिंङ मज़बूर लेह च़रच़ा; झांह लेह हेंदिंङ दि विशवास तोह अपेहल इच्च़ा मीह भत्ते मीहतु थल्जी सिए इलि, दंङ भत्ते मीहरे सिए इलिर।

गलातियों 2:20

गेह ञेंहनि मसीह रंङ साते क्रूसो टोईच़ी सिए इलिगा, एंतेग गेह श्रींङी माह केहश्रिगा। दंङ गेह फुका रिंङ एंतेग श्रींङी तोतोग; दंङ सिर्फ परमेश्वरो योह टोहकठे विशवास रंङ साते श्रींङे तोतोग, अंऊ दोई गेरंङ साते धोंण दाह लहज़ा कि गिऊ थल्जी एनोह जहान रें च़रति।

इफिसियों 1:23

कलीसिया मसीहू फुक शुह, मसीह हेंदु बिचंङ एनोह भत्ते सामर्थ इस्तेमाल ध्वांए लहज़ा छना दोई एनोह सामर्थो इस्तेमाल भत्ते ब्रहाम्डारिंङ लहज़ा।

इफिसियों 3:18

भत्ते पवित्र मीहतिंङ साते दि गप्पा बि रूठे रंङ समझेक्सिमी कोशिश लंहि कि मसीहू दाह बेले ए लाम्हे ए रंगीरिंङ, दंङ डुह्गे रिंङ अंयों तोत।

इफिसियों 5:2

मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

इफिसियों 5:25

हे गगसा रे केनातु-केनातु मेच़ा रंङ साते दाह तंही, छना मसीह ज़ि ला कलीसिया रंङ साते दाह लहच़ी एनाबि दोऊ थल्जी बलिदान लेह च़रति।

फिलिपियों 1:7

चाहे गेह जेलारिंङ तोतोग या गेह दि साबित लहज़ातग कि रूठे खबर हेले शुह। ठीक तोह कि गेह केहतु थल्जी झांह ठ्रोह विचार लोहग, छना कुचे गेह केतंङ साते महस दाह लहज़ातग चाहे गेह जेलारिंङ तोतोग या गेह रूठे खबरो बचाब लहज़ी लेहकी तोतोग दि साबित लहज़िमी थल्जी कि रूठे खबर हेले शुह, झांह लेह केरे भत्तेर गेरंङ साते परमेश्वरो मोह्ड़े दाह रिंङ सहभागी शोंई।

फिलिपियों 4:7

दोहपल परमेश्वरो शांति, अंऊ मीहू समझबे परे तोह, केहतु सेहम ए केहतु विचार मसीह यीशु रिंङ सोटेगे ताऊतो।

कुलुस्सियों 1:10

दंङ ञेंहच़ी दि प्रार्थना लहज़ातंई ताकि केहच़ी झांह ठ्रोह जीवन श्रींङमोंई छना प्रभु ज़ि जुंज़ा, दंङ केहच़ी भत्ते पाहठी रंङ साते प्रभु बि खुश लोंहई, कि केरे भत्ते पाहठी रूठे कम लोहवा लंहि, दंङ परमेश्वरा बि ञेंहच़िमी थल्जी लगातार बणेक्पा लंहि,

1 पतरस 1:8

केहच़ी यीशु बि अपेहला तंङसी माह तंई, तांला केहच़ी दोरंङ साते दाह लहज़ातंई। केहच़ी दू हेंतेग ला माह तंङज़ातंई, पर केहच़ी विशवास लहज़ातंई। झांह लेह, केरे खुशीऊ मोह्ड़े दाह ज़ि महस खुश तोतोंई अंऊ दोबि शब्दा रिंङ बयान लेह मरपोंई।

2 पतरस 3:18

पर केतिंङ हेंदु प्रभु ए उद्धारकर्ता यीशु मसीहू मोह्ड़े दाह बि ऊई महसे बे महसे महसूस लेह जूंशी तोह, दंङ दोऊ थल्जी हेंदु समझा रिंङ बढ़ेक्पि जूंशी तोह। दोऊ महिमा हेंतेग हमेशा थल्जी शुहबी जूंस। अमीन।