इफिसियों 3:16 - लाहौली बाइबिल

¹⁶ गेह प्रार्थना लहज़ातग कि, परमेश्वर एनोह महिमा दू खज़ाना दोरच़ी केतिंङ दि दान रमतो, कि केरे दोऊ आत्माओ दोरच़ी केनातु-केनातु अंदरेग सामर्थ खोकच़े बलवन्त शुचे योंई।

इफिसियों 3:16 Iomraidhean Croise

मत्ती 6:13

दंङ ञेंतिंङ परीक्षा रिंङ था हता पर शेतानो दोरच़ी बचाएतु छना कुचे, राज्य पराक्रमऐ महिमा हमेशा कांह ए शुहरे, आमीन।

रोमियो 2:29

इच्च़ा सच्चा यहुदी दुह ए शुह अतु सेहम परमेश्वरा रंङ साते सही तोह। दंङ हेले खतना सिर्फ मुसाओ कानूनो भाषे लहज़ी मशत; पर, दि सेहम किरच़ी ला शुह, अंऊ पवित्र आत्माओ कमो दोरच़ी पैदा शुहवा। झांह ठ्रोह मीह, मीहतु दोरच़ी मशत, पर परमेश्वरो दोरच़ी षटणा खोकच़ा।

रोमियो 7:22

छना कुचे गेह घेंङौ सेहमे ता परमेश्वरो कानूनो दोरच़ी महस खुश बंङज़ातग।

रोमियो 9:23

दोई झांह दिऊ थल्जी लहरी छना कुचे दोई दि कंड्री तते, कि दू अंयों महान तोह अपेहल दोई दू मीहतु टोईच़ी दया लहरी अंऊ दोतिंङ दोई एनोह महिमा रिंङ भागीदार शुहबिमी थल्जी अंङषे ततो।

1 कुरिन्थियों 16:13

खबरदार बंङज़ुंई, विशवासा रिंङ ढकाह तोहई, हिम्मत तंही, दंङ विशवासा रिंङ पक्‍का शुहचे तोहई।

2 कुरिन्थियों 12:9

दंङ दोई गेरंङ साते कुई, “गिऊ मोह्ड़े दाह कनु थल्जी झोबड़ी तोह; छना कुचे गिऊ सामर्थ कमज़ोरी रिंङ प्रगट शवाह।” झांह लेह गेह मोह्ड़े खुशी साते घेंङौ कमज़ोरी टोईच़ी घमण्ड लोहग, कि मसीहू सामर्थ गिऊ टोईच़ी सिल्मोग लोहवा लोहतो।

2 कुरिन्थियों 4:16

झांह लेह हेनर याहब माह छोड़ेक्च़ातंई; हेंदु धकते कि इन्सानी रूप कमज़ोर शुहचे यवात पर हेंदु तोंखी अन्तरात्मा हर ध्याड़ा खरकोई शुहचे यवाह।

इफिसियों 1:18

गेह दि ला प्रार्थना लहज़ातग कि दू सच्चाई बि समझेक्सिमी थल्जी केहतु मदत लोहतो, दंङ दू उम्मीद अंऊ केतिंङ रांहषी ततो अपेहल परमेश्वरे केतिंङ अंङे चरच़ाते। ताकि केहच़ी ञेंई च़रतुंई कि दू आशीष अंयों मोह्ड़े ए महिमामय तोह अतु वाईदा परमेश्वरे एनोह मीहतंङ साते लहसी तहरे।

इफिसियों 1:7

मसीहू शुहई बहाएक्च़िमी दोरच़ी हेंदिंङ छुटकारा खोकसिरी, मतलब, हेंदु पाप माफ शुहचे इलि, परमेश्वरो मोह्ड़े दाह महसे महान तोह अंऊ दोई हेंदिंङ महस रांहषी ततो।

इफिसियों 2:7

परमेश्वर झांह दिऊ थल्जी लहरी ताकि अंजा ध्याड़ा रिंङ दू संसारो मीहतिंङ कंङे तरपोतो कि दोऊ मोह्ड़े दाह अंयों महान तोह। छिल्ला धिर दोई ञेंहतु थल्जी लहरी ञेंतिंङ दि मोह्ड़े दाह कंङातो अंऊ मसीह यीशु ऊ एकता रिंङ तोतोर।

इफिसियों 3:15

दू इच्च़ा ए तोह अंऊ विशवासी तु भत्ते टबरातु बाह तोह अंऊ दिरंङ साते सर्गंङ ए धरतीऊ टोईच़ी तोह,

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

इफिसियों 6:10

आखरी गप्पा दि तोह कि केरे प्रभु सामर्थो दोरच़ी आत्मिक तरीका रंङ पक्‍का शुहचे इलांई।

फिलिपियों 4:13

मसीहू दोरच़ी अंऊ गिह्बी दोई सामर्थ रंड्रा दोऊ मदते गेह भत्ते धिर ले तरच़ातग।

फिलिपियों 4:19

दंङ गिऊ परमेश्वर ला एनोह दुह साहुकारी ऊ हिसाबे अंऊ महिमा रंङ साते यीशु मसीह रिंङ तोह, केहतु भत्ते कमी पूरा लोहतो।

कुलुस्सियों 1:11

ञेंहच़ी प्रार्थना लहज़ातेंई कि परमेश्वर एनोह महिमा ओ शक्ति ऊ हिसाबे केतिंङ महस बलवन्त लोहतो, ताकि केरे सामर्थ ए खुशी रंङ साते केनातु दुख सहन लेह तरपोंई,

कुलुस्सियों 1:27

छना कुचे परमेश्वरे जुंज़ाते कि दोऊ मीहच़ी दिह ञेंओर कि मसीहू टंगा ढबाह ए दोऊ महिमा केरे ऊईजाति तु थल्जी ला शुह। दंङ भेद दिह तोह कि: मसीह केहतु बिचंङ बंङज़ा। दि केतिंङ दोऊ महिमा रिंङ शामिल शुहबिमी उम्मीद रंड्रा।

कुलुस्सियों 2:2

गेह मेहनत दिऊ थल्जी लहतेग ताकि दोतु विशवास बणेक्पोतो दंङ दोरे दाह रंङ साते ऐनातु बिचंङ बणेंके बंङज़ोर, गेह जुंज़ातग कि दोतिंङ पूरा भरोसा शुहबी जूंस छना कुचे दोतिंङ परमेश्वरो गुप्त योजना ओ पूरा समझ तोह अंऊ ऐनाह ए मसीह तोह।

2 तीमुथियुस 4:17

पर प्रभु ज़ि गिऊ मदत लहरी दंङ गिह्बी सामर्थ रांई, ताकि गेह यीशु मसीहू पाहठी रूठे खबरो प्रचार रूठे रंङ लहज़िमी जोगे बणेंके तरपोग, दंङ ऊई जातिऊ भत्ते मीहरे दि रेड्री तरपोर; दंङ दोई गेह सिमी दोरच़ी झांह ठ्रोह बचाएके च़रति छना गेह योंञें ब्राघातु दोरच़ी बचाएकतो।

इब्रानियों 11:34

मेह ला दोतिंङ रोह्चे मरति, दंङ तलवारो धार ला दोतिंङ सच़ी मरति। इच्च़ा फेरा कमज़ोर शुहबी रंङ साते दोतिंङ यह्च़ा ताकतवर बणाके च़रतिर; लड़ाई रिंङ वीर हुंच़ा इलिरे; दंङ दोच़ी एनोह बैरीतु सेना पोकफी लहज़ी च़रतिर।

1 पतरस 3:4

पर केतिंङ केनातु नह्की ए शांत व्यवहारो दोरच़ी केनातिंङ सलटे लेह जूंशी तोह अंऊ सलटे अपेहल ला योहसिमी माह। दंङ अंऊ परमेश्वरो नज़रारिंङ महस कीमती तोह।