इफिसियों 3:15 - लाहौली बाइबिल

¹⁵ दू इच्च़ा ए तोह अंऊ विशवासी तु भत्ते टबरातु बाह तोह अंऊ दिरंङ साते सर्गंङ ए धरतीऊ टोईच़ी तोह,

इफिसियों 3:15 Iomraidhean Croise

प्रेरित 11:26

दंङ अपेहल दोतंङ साते दोहरी ता दोतिंङ अन्ताकिया शहरो हखा वापिस रैंज़ा हति, दंङ झांह शुई कि शाऊल ए बरनबास इच्च़ा साल तचेक कलीसियाओ मीहतिंङ साते दोहा ए महस मीहतिंङ यीशु मसीहू पाहठी शिक्षा रंड्री लेहतिर, दंङ विशवासी भत्ते बे मुण्डा रिंङ अन्ताकिया शहरंङ ए मसीह कहलाएतिर।

इफिसियों 1:10

अपेहल दि हिटी पूरे शुहबिमी टेम अपतो, दंङ परमेश्वर स्वर्ग ए धरतीऊ चीज़ातिंङ मसीहू अधीन लेह च़रपोतो, ताकि मसीह भत्ते चीज़ो मुख्या शोतो।

इफिसियों 1:21

दू ठहरि भत्ते पाहठी प्रधानता ए अधिकार ए सामर्थ ए प्रभुता रांहषी ततो, दंङ दोऊ ओधा हर इच्च़ा अधिकारी बे मोह्ड़े तोह, अंऊ माह सिर्फ दि लोकारिंङ तोह, पर अंजा लोकारिंङ ला तोह।

इफिसियों 3:14

झांह लेह, गेह पोलुस पुष्टू भारे बंङज़ा केहतु थल्जी बाह परमेश्वरो हखा प्रार्थना लहज़ातग,

इफिसियों 3:16

गेह प्रार्थना लहज़ातग कि, परमेश्वर एनोह महिमा दू खज़ाना दोरच़ी केतिंङ दि दान रमतो, कि केरे दोऊ आत्माओ दोरच़ी केनातु-केनातु अंदरेग सामर्थ खोकच़े बलवन्त शुचे योंई।

कुलुस्सियों 1:20

परमेश्वरे एनोह योह च़रच़िमी फेंसला लहरी, अच़ि एनोह शुहई बहाएक्ति दंङ क्रूसो टोहकठे सिए इलि। परमेश्वरे झांह ठ्रोह एनोह ए दंङ भत्ते चीज़ा तु बिचंङ मेल मिलाप लहच़िमी थल्जी लहरी। झांह लेह, दोई एनोह ए, भत्ते चीज़ा तु बिचंङ शांति स्थापित लेह च़रति अंऊ स्वर्ग रिंङ तोह दंङ दुह भत्ते अंऊ धरतीरिंङ तोह।

प्रकाशित वाक्य 2:17

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा। दोरे मीहरे अंऊ जीत हासिल लहज़ातोर, गेह दोतिंङ दुह मन्ना ओ दोरच़ी छा रमोग अंऊ ब्याके तोह, गेह दोतु बिचंङ भत्ते तिंङ इच्च़ा छंङसी रह्घ ला रमोग, अंऊ दोऊ टोईच़ी इच्च़ा खरकोई मिन च़ेहसी शोतो। अंऊ मीह दोबि खोकपोतो, दोबि छोड़ेके ऊई अरिला दुह मिन ञेंई मरपोतो।

प्रकाशित वाक्य 3:12

अंऊ दोई जय खोकपोतो दुह मंदिरो थम्मो ठ्रोह शोतो, अतु गेह अराधना लहज़ातग, दंङ दोतिंङ दोबि अपेहल ला छोड़ेक्सी माह पढ़ेक्पोतो। गेह दोऊ फुका रिंङ गिऊ परमेश्वरे ए परमेश्वरो शहरो मिन च़ेओग, दि दुह ए शुह अपि खरकोई यरूशलेम ला कुट्री। दि दुह ए शहर शुह अंऊ स्वर्गंङ ज़ि, मतलब गिऊ परमेश्वरो दोरच़ी योंखा अपतो। गेह दोऊ फुकारिंङ इच्च़ा खरकोई मिन च़ेओग।