इफिसियों 3:10 - लाहौली बाइबिल

¹⁰ ताकि एंतेग कलीसिया ओ दोरच़ी, परमेश्वरो शताह पाहठी ज्ञान दुह प्रधान ए मोह्ड़े अधिकारितु टोईच़ी अंऊ स्वर्गारिंङ तोतोर, प्रगट लोहर।

इफिसियों 3:10 Iomraidhean Croise

रोमियो 11:33

आह, परमेश्वरो मोह्ड़े दाह ओ टंगा ढबाह, बुद्धि ए ज्ञान छि घटे गंभीर तोह! अरिला दोऊ फेंसला ओ व्याख्या लेह मरपोतो; दंङ माह ए अरिया दोऊ अम समझेकी तरपोतो।

रोमियो 8:38

गिह्बी पक्‍का विशवास तोह कि माह ता मौत माह ए जीवन, माह स्वर्गदूत माह सर्गो शाक्ति, माह वर्तमान माह भविष्य, माह सामर्थ, माह सर्ग माह पाताल रिंङ अरिया शाक्ति, दंङ माह ए भत्ते संसारारिंङ छा चीज़ हेंदिंङ परमेश्वरो दू दाह ओ दोरच़ी शत्‌ह लेह तरपोतो, अंऊ हेंदिंङ हेंदु प्रभु यीशु मसीहू दोरच़ी खोकसा तोह।

1 कुरिन्थियों 1:24

पर दोरे अतिंङ परमेश्वरे एनोह मीहरे शुहबी थल्जी अंङे चरच़तो, छि यहुदी छि ऊई जाति, दिए मसीहू सामर्थ ए परमेश्वरो ज्ञान तोह।

1 कुरिन्थियों 2:7

पर अंऊ ज्ञानो हेंज़ी गप्पा लहज़ातंई दू ज्ञान परमेश्वरो ज्ञान शुह अंऊ ब्याके तोहई। हेंतेग तचेक अरिला दिबी माह ञेंहच़ाते। परमेश्वरे धरती बणाषी बे तुहई ए फेंसला लहज़ी चरच़ाते कि दोऊ ज्ञान हेंदिंङ महिमा रमतो।

इफिसियों 1:21

दू ठहरि भत्ते पाहठी प्रधानता ए अधिकार ए सामर्थ ए प्रभुता रांहषी ततो, दंङ दोऊ ओधा हर इच्च़ा अधिकारी बे मोह्ड़े तोह, अंऊ माह सिर्फ दि लोकारिंङ तोह, पर अंजा लोकारिंङ ला तोह।

इफिसियों 1:23

कलीसिया मसीहू फुक शुह, मसीह हेंदु बिचंङ एनोह भत्ते सामर्थ इस्तेमाल ध्वांए लहज़ा छना दोई एनोह सामर्थो इस्तेमाल भत्ते ब्रहाम्डारिंङ लहज़ा।

इफिसियों 1:3

हेंदु परमेश्वर ए प्रभु यीशु मसीहू बाहऊ महिमा शुहबी जूंस, अच़ि हेंदिंङ मसीहू दोरच़ी स्वर्गंङ ज़ि खोकसा, भत्ते पाहठी आशीष रें च़रति। दि मसीहरंङ हेंदु एकता ओ वहज़ा ज़ि शुई।

इफिसियों 1:8

दि मोह्ड़े दाह परमेश्वरे भत्ते ज्ञान ए समझरंङ साते हेंदु टोईच़ी महसे लहरी।

कुलुस्सियों 1:16

छना कुचे मसीहरिंङ ए भत्ते चीज़ो सृष्टि शुई, स्वर्ग शुह या धरतीऊ, तंङषे या माह तंङषे, छि रज्ज़ा, छि प्रधानताऐ, छि अधिकार भत्ते चीज़ा रे दोऊ सेवा ओ थल्जी बणेषी शुह।

कुलुस्सियों 2:10

दंङ मसीह संसारो शाक्ति ए अधिकारो टोहकठे भत्ते बे प्रधान तोह। झांह लेह अगर केरे मसीह रंङ जुड़ेके तोतोंई, दंङ केतिंङ छिल्ला धिरो कमी माह।

कुलुस्सियों 2:15

दंङ परमेश्वरे मसीहू क्रूसो टोहकठे सिमी दोरच़ी संसारो प्रधानता ए अधिकार यहरच़े दोतिंङ भत्ते तु तुईज़ी बेइज्ज़त लेह केह, दंङ दोतु टोईच़ी द्रक्शे दोतु खुले आम तमाशा बणाएतिर।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

1 पतरस 1:12

पर परमेश्वरे दि भविष्यवक्ता तिंङ कंड्रिरी कि दोतु खबर दोतु एनातु थल्जी मशत पर केहतु थल्जी तोहई। दू खबर यीशु मसीहू पाहठी रूठे खबर शुह अंऊ केहच़ी हेंतेग रेड्रातंई। परमेश्वरे स्वर्गंङ ज़ि एनोह पवित्र आत्मा चरच़तो कि केतिंङ रूठे खबर प्रचार लहज़िमी थल्जी मीहतु मदत लोहतो। दि भत्ते धोंण अद्धभुत तोह कि देर तचेक कि स्वर्ग दूत कि स्वर्गदूत ला खुशी रंङ दि चीज़ा बि खंड्रातोर।

1 पतरस 3:22

दंङ दुह स्वर्गो हखा अच़ा इलज़ा। हेंतेग दू दोर्तिंङ परमेश्वरो सुचंङ हासी भत्ते बे खास ठहरि बंङज़ा तोह, दंङ दू भत्ते स्वर्गदूत ए भत्ते अधिकारी दंङ शाक्ति तु टोईच़ी राज लहज़ा।