इफिसियों 3:1 - लाहौली बाइबिल

¹ झांह लेह, गेह पोलुस केहतु थल्जी प्रार्थना लहज़ातग। गेह जेलारिंङ तोतोग छना कुचे गेह केरे ऊईजाति मीहतिंङ रूठे खबर सुनाके यीशु मसीहू सेवा लहज़ातग।

इफिसियों 3:1 Iomraidhean Croise

लूको 21:12

पर दिह गप्पा बे तुहई दोच़ी गिऊ मिन्दु बजाहच़ि केतिंङ चुमोर, बरदो रमोर ए यहुदी सभा घरबारंङ रेंज़ा शोर, जेलंङ केओर, दंङ रज्ज़ातु ए हाकिमो तुईज़ी शोर।

प्रेरित 21:33

दंङ सेनिकातु सरदारे पोलुस ओ कछंङ अंज़े दुह च़ुमने च़रतिर; दंङ झुह्ट षंङणी रंङ साते छ़ुह्च़ी मीहरे रुहक्च़ी लेहती, दीह अरी शुह, दंङ दीह छी लह्सी ततो?

प्रेरित 23:18

दिऊ थल्जी सुबेदार पोलुसाबि रोमी सेनिकातु मुख्या कछंङ लेन्ज़ा इलि दंङ कुई, “कैदी पोलुसे ए गिह्बी बुलाके बिनती लहरी कि दि जावाने रोमी सेनिकातु मुख्या ओ हखा छा कुट्रिमी ततो; दिबी दोऊ कछंङ रेंज़ा शिल।”

प्रेरित 26:29

पोलुसे कुई, “परमेश्वरो हखा गिऊ प्रार्थना दि तोह कि छि थोड़े रिंङ, छि महसे रिंङ, सिर्फ कांह ए मशत, पर अंयों मीहच़ी तोग गिऊ रेड्रातोर, गिऊ दि बन्धन केट्रा दोरे गिऊ ठ्रोह मसीह विशवासी बणेंके योर।”

प्रेरित 9:15

पर प्रभु यीशु ज़ि हनन्याह रंङ साते कुई, “काह अच्च़ा ईला; छना कुचे दुह ता ऊईजाति तु दंङ रज्ज़ातु ए इस्राएली मीहतु तुईज़ी गिऊ पाहठी प्रचार लहज़िमी थल्जी अंङषी मीह शुह।

2 कुरिन्थियों 1:6

अगर हेनर क्लेश खोकच़ातंई, दंङ दि केहतु शांति ए उद्धारो थल्जी शुह; दंङ अगर शांति खोकच़ातंई, दंङ दि केहतु शांति ओ थल्जी शुह; अतु प्रभावरंङ साते केरे धीरज़ारंङ साते दू दुख ला ज़कि केट्रातंई, अंऊ ञेंहच़ी ला सहन लहज़ातंई।

2 कुरिन्थियों 10:1

गेह दू ए पोलुस शुगाह अंऊ केहतु तुईज़ी डरपोक तोतोग, पर थाह्को थले केहतु हखा याहब लहज़ातग; गेह केतंङ साते मसीहू नम्रता, दंङ नगी शुहचे निवेदन लहज़ातग।

2 कुरिन्थियों 11:23

छि दोरे ए मसीहू सेवक शुरे आ? (गेह बमजी बराबर कुट्रातग) गेह दोतु बे बढ़कर शुगाह! गेह दोतु बे महस मेहनत लाहतग, दोतु बे महस कैदी बणेंके इलिगा, महस फेरा तेंङसी शुगाह, महस फेरा गिह्बी मौतो सामना लहज़ी लेहती।

गलातियों 5:11

हे गिऊ प्यारे साथी विशवासी रे, अगर गेह दि प्रचार लहज़ातग कि मीहतु खतना लेह जूंशी तोह, दंङ गिह्बी मुसीबतो सामना लेह माह पढ़ेक्पोतो। दंङ अगर गेह दि प्रचार माह लोहग ताकि उद्धार सिर्फ मसीहू क्रूसो दोरच़ी ए तोह, दंङ अरिला नाराज़ माह शोतो।

गलातियों 5:2

गेह पोलुस, अंऊ गेह केतंङ साते कुट्री जुंज़ातग, दोबि ध्यानारंङ साते रेड्रुंई! अगर केरे परमेश्वरो नज़रारिंङ धर्मी शुहबिमी थल्जी खतना लहज़ातोनि, दंङ मसीह ज़ि छि केहतु थल्जी लहसी ततो, दोऊ छल्ले लस माह केहश्रोतो।

गलातियों 5:24

अंऊ मीहरे यीशु मसीह रंङ साते संबध तहच़ातेर दोरे एनोह पापी स्वाभावो हिसाबे जीवन माह श्रींङमातोर। दिरे झांह ठ्रोह तोतोर छना कि दोच़ी एनोह पापी स्वाभावा बि क्रूसो टोईच़ी चड़ाएगी केहतोर।

इफिसियों 3:11

परमेश्वरे एनोह हिसाबे झांह लाहते, अंऊ दोई हेंदु प्रभु यीशु मसीहरिंङ पूरा लहरी।

इफिसियों 3:13

झांह लेह गेह विनती लहज़ातग कि अंऊ दुख केहतु थल्जी गिह्बी शुहबी लेहकी तोह, दोतु वहज़ा ज़ि परेशान शुहबी मेस, छना कुचे दि भत्ते केहतु महिमा ओ थल्जी तोह।

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

इफिसियों 4:1

झांह लेह अंऊ गेह प्रभु यीशु सेवा लहज़िमी वहज़ा रिंङ जेलारिंङ तोतोग, केतंङ साते बिनती लहज़ातग, कि केरे दू बुलाहट रंङ साते अतंङ परमेश्वर एनोह कटुरे शुहबिमी थल्जी बुलाएक्तो, दोऊ हिसाबे केनातु जीवन श्रींङमातंई।

इफिसियों 6:20

दिऊ थल्जी गेह षंङणी रिंङ छ़ुह्च़ी राजदूतो ठ्रोह सेवा लहज़ातग। प्रार्थना लांहि कि, छना ठ्रोह गिह्बी कुट्री जूंस, ध्वांए गेह हिम्मत रंङ साते रूठे खबरो प्रचार लेह तरपोग।

फिलिपियों 1:7

चाहे गेह जेलारिंङ तोतोग या गेह दि साबित लहज़ातग कि रूठे खबर हेले शुह। ठीक तोह कि गेह केहतु थल्जी झांह ठ्रोह विचार लोहग, छना कुचे गेह केतंङ साते महस दाह लहज़ातग चाहे गेह जेलारिंङ तोतोग या गेह रूठे खबरो बचाब लहज़ी लेहकी तोतोग दि साबित लहज़िमी थल्जी कि रूठे खबर हेले शुह, झांह लेह केरे भत्तेर गेरंङ साते परमेश्वरो मोह्ड़े दाह रिंङ सहभागी शोंई।

कुलुस्सियों 1:24

दंङ हेंतेग गेह केहतु थल्जी अंऊ दुख सहन लहज़ातग दोऊ वहज़ा ज़ि खुश तोतोग। दंङ गेह लगातार घेंङौ फुको दुख सहन लहज़ातग, छना मसीह सहन लाहते, दंङ दि दुख गेह मसीहू कलीसियाओ थल्जी सहन लहज़ातग अंऊ मसीहू फुक शुह।

कुलुस्सियों 4:18

गेह पोलुस, घेंङौ गुह्ट्र दिह डाकरिंङ केतिंङ नमस्कार चेहच़ातग। हिद तंही कि गेह जेलारिंङ तोतोग दंङ गिऊ थल्जी प्रार्थना लंहि केहतु टोईच़ी परमेश्वरो मोह्ड़े दाह शुहवा लोहतो। अमीन।

कुलुस्सियों 4:3

दंङ दिरंङ साते ए ञेंहतु थल्जी प्रार्थना लोहवा लंहि कि परमेश्वर हेंदु थल्जी प्रचार लहज़िमी मोका रमतो, कि हेनरे मसीहऊ दुह भेदो पाहठी समझाके तरपोंई, अतु वहज़ा ज़ि गेह कैदारिंङ तोतोग,

2 तीमुथियुस 1:16

उनेसिफुरूसो टबरातु टोहकठे प्रभु दया लोहतो, छना कुचे दुह गेरंङ साते दोहई अति दंङ महस फेरा गिऊ मदत लहतो, दंङ देर जेलारिंङ गेरंङ साते दोईमी थल्जी अपिमी शर्मिन्दा माह शुई।

2 तीमुथियुस 1:8

झांह लेह ऊई मीहतिंङ हेंदु प्रभु यीशु मसीहू पाहठी कंड्रिमी शर्मिन्दा था शुई, दंङ माह ए कनिंङ दि गप्पो दोरच़ी षेहपि जूंस कि गेह परमेश्वरो सेवा लहच़िमी रंङ साते कैदारिंङ तोतोग। पर कनिंङ दुह सामर्थो इस्तेमाल लेह जूंशी तोह अंऊ परमेश्वर कनिंङ रंड्रा, दंङ रूठे खबरो थल्जी गेरंङ साते दुखा रिंङ साथी शुई।

फिलेमोंन 1:1

गेह पोलुस अंऊ यीशु मसीहू सेवकाई ऊ थल्जी जेलारिंङ तोतोग। दिह डाक चेहच़ातग। ञेंहतु विशवासी न्वा तीमुथियुसो तरफे कनिंङ फिलेमोनबि ला नमस्कार। काह हेंदु साथी मित्र शुनाह दंङ हेंदु ठ्रोह ए मसीहू सेवा लहज़ातन।

फिलेमोंन 1:23

इपफ्रास, अंऊ यीशु मसीहू पाहठी प्रचार लहज़िमी रंङ वहज़ा गेरंङ साते कैदारिंङ तोह, दोई केतिंङ नमस्कार लहज़ा।

प्रकाशित वाक्य 2:10

दुह दुखा रंङ साते थाबेईनि अंऊ कनिंङ खोकसोतो। शेतान केहतु बिचंङ रेहतिंङ गिरफ्तार लोहतो दंङ केतिंङ कैदारिंङ केहच़ी च़रपोतो ताकि दोई केहतु परीक्षा लोहतो। केरे साह ध्याड़ा तचेक महस मुसीबतो अनुभव लोहनि। पर गिऊ टोईच़ी विशवास लहज़ी अपेहल ला था छोडे़क्तेंई, चाहे केतिंङ सिए पढ़ेक्पोतो, छना कुचे गेह केतिंङ जीतो थल्जी ईनामो रूपारिंङ अनंत जीवन रमोग।