इफिसियों 2:8 - लाहौली बाइबिल

⁸ छना कुचे अपेहल केहच़ी विशवास लहज़ातंई दंङ परमेश्वरे एनोह मोह्ड़े दाह ओ दोरच़ी केतिंङ बचाएक्तो, पर दि परमेश्वरो दान तोह।

इफिसियों 2:8 Iomraidhean Croise

मत्ती 16:17

यीशुज़ि दोबि जुबाब रेंई, “हे शमौन योना ओ योह कांह धन्य शुनाह; छना कुचे अरीया मीह मशत पर गिऊ पिता परमेश्वरे अरी स्वर्गंङ तोह दिह गप्पा कनिंङ टोहकठे प्रगट लह्तो।

मत्ती 20:9

अपेहल दोरे अतिरे अंऊ ञोंकल कि लगभग 5 बजे कमा लगासी तोईरे दोतिंङ पूरा ध्याड़ो इच्च़ा मुलतु टंगा खोकसिरी।

मरकुसो 16:16

अंऊ ला गिऊ टोहकठे विशवास लोहतो दंङ बपतिस्मा लेहपतो दोऊ ए उद्धार शोतो, दंङ अंऊ विशवास मा लोहतो दुह परमेश्वरो दोहरची एनोह पापो सज़ा खोकसोतो।

लूको 7:50

पर यीशुज़ि दुह मेच़मी रंङ साते कुतोह, “परमेश्वरे कनिंङ बचाके केहतो छना कुचे केई गिऊ टोहकठे बिशवास लहतन, शांति रंङ साते इला।”

यहून्नो 3:36

अच़ि परमेश्वरो योहू टोहकठे विशवास लहज़ा, अनंत जीवन दोऊ शुह; पर अच़ि योहू टोहकठे विशवास माह लहज़ा, दोबि अनंत जीवन माह खोकसोतो, पर परमेश्वरो सज़ा दोऊ टोहकठे शोतो।

यहून्नो 4:10

यीशु ज़ि दोबि जुबाब रेंई, “केई माह ञेंहच़ातन कि परमेश्वरे कनिंङ छि रंड्री ततो, दंङ केई माह ञेंहच़ातन कि अरी कांह दोरच़ी ती पेट्री लेहकी तोह। अगर कनिंङ पता शुंईयां ता केई गिऊ दोरच़ी दिह पेट्री तोहई दंङ गेह कनिंङ जीवनो ती रेंईयां अच़ि जीवन रंड्री।”

यहून्नो 5:24

गेह केतंङ साते हेले कुट्रातग, अंऊ गिऊ शिक्षा रेड्रा ते गिह्बी च़रच़ा दोऊ टोहकठे विशवास लहज़ातोर, अनंत जीवन दोऊ शुह; दंङ दोबि सज़ा महा रमोर पर दोरे अनंत कालो सीमी दोरच़ी बचेके इलोर दंङ तुई ए खरकोई जीवनारिंङ अच़ा इलोर।

यहून्नो 6:35

यीशु ज़ि दोतंङ साते कुंई, “जीवनो रोटी गेह शुगाह; अंऊ गिऊ कछंङ अपा, दुह अपेहला योंई माह केषतो, दंङ अरी गिऊ टोहकठे विशवास लोहतो दुह अपेहला तीस्करे माह शोतो।

यहून्नो 6:37

अंऊ धिर ला पिता परमेश्वरे गिह्बी रंड्रा दुह भत्ते धिर गिऊ कछंङ अपतो, दंङ अंऊला गिऊ कछंङ अपतो दोबि गेह अपेहल ला माह हुंपोग।

यहून्नो 6:40

छना कुचे गिऊ पिता परमेश्वरो हिटी दिह तोह, कि अच़िला गिह्बी खमोर, दंङ गिऊ टोहकठे विशवास लोहर, दोई अनंत जीवन खोक्पोतो; दंङ गेह अंतिम ध्याड़ा रिंङ यच़ाह षीङमी लोहग।”

यहून्नो 6:44

अरीला गिऊ कछंङ दोहपल तचेक अपि मरच़ि अपेहल तचेक गिऊ पिता परमेश्वर अच़ि गिह्बी च़रसी शुह, दोबि गिऊ कछंङ माह हपतो; दंङ गेह दोबि अंतिम ध्याड़ारिंङ यह्च़ा श्रींङमी लोहग।

यहून्नो 6:65

दंङ यीशु ज़ि कुंई, “दिऊ थल्जी गेह केतंङ साते कुहतेग कि अपेहल तचेक अतिया पिता परमेश्वरो दोरच़ी दिह वरदान माह रमोर दोहपल तचेक दुह गिऊ कछंङ अपि मरच़ि।”

प्रेरित 13:39

अच़िला मीह दोऊ टोईच़ी विशवास लहज़ा परमेश्वरा रंङ साते निर्दोष ठहरेसोतो, झांह ठ्रोह अंऊ मूसा ओ कानूनो अपेहल ला लेह मरपोतो।

प्रेरित 14:27

अन्ताकिया शहरंङ पिचे, दोच़ी कलीसिया ओ मीहरे ठ्रोहका लहरिर दंङ कुईर, कि परमेश्वरे ञेंतंङ साते शुहचे छना मोह्ड़े-मोह्ड़े कम लहरी! दंङ छना परमेश्वरे ऊईजाति ऊ मीहतिंङ यीशु मसीहू टोहकठे बिशवास लहज़िमी जोगे लहरी।

प्रेरित 15:11

वोई, झांह लेह ठीक माह, पर दिह पक्‍का तोह कि छना ठ्रोह दोरे मीहरे प्रभु यीशु ऊ मोह्ड़े दाह दोरच़ी उद्धार खोक्पोर; ध्वांए ठ्रोह ञेंतिंङ ला उद्धार खोकसोतो। माह मूसा ओ कानून मनेकच़िमी रंङ साते।

प्रेरित 16:14

दंङ लुदिया मिंदंङ थुआतीरा नगरो पोरलो खमज़े लंङज़ा अंऊ परमेश्वरो अराधना लहज़ार तोहई, रेड्राते, दंङ प्रभु ज़ि दोऊ सेहम अल्ज़े च़रति, कि दोई पोलुसो गप्पारिंङ ध्यान रमोतो।

प्रेरित 16:31

दोच़ी जुबाब रेंई, प्रभु यीशु ऊ टोहकठे विशवास लोहू, दंङ कांह ए कांह घराना बि उद्धार खोकसोतो।

रोमियो 10:14

पर दिऊ तुहई कि मीहरे परमेश्वरो दोरच़ी मदत पेट्रोर, दोतिंङ मसीहू टोहकठे विशवास लहज़ी जूंस; दंङ दिऊ तुहई कि दोरे दोऊ टोईच़ी विशवास लेह तरपोर, दोतिंङ दोऊ पाहठी रेड्री जूंस; दंङ मीहतिंङ प्रभु पाहठी रेड्रीमी थल्जी, अतिंङ अई दोतिंङ कंड्री जूंस।

रोमियो 10:17

झांह लेह विशवास दू मुक्का अपा अपेहल केरे खबर रेड्रातंई, दंङ दि खबर मसीहू पाहठी बचन तोह।”

रोमियो 4:16

झांह लेह मीहच़ी विशवासो दोरच़ी परमेश्वरो वाईदा खोक्तिर। दि दिऊ थल्जी शुहबी ताकि मोह्ड़े दाह दोरच़ी खोकसोतो। दंङ अब्राहमो भत्ते कटुतिंङ दुह वाईदा खोकसोतो। दि सिर्फ दोतु थल्जी मशत पर अंऊ मुसाओ कानूनो अधीन बंङज़ातोर, पर हर इच्च़ा दुह मीहू थल्जी तोह, अंऊ अब्राहमो ठ्रोह विशवासरिंङ श्रींङी बंङज़ा, अंऊ हेंदु भत्ते तु पूर्वज शुह।

रोमियो 4:5

पर अंऊ परमेश्वर रंङ साते जोगे ठहरासिमी थल्जी कम माह लहज़ा पर अंऊ पापी मीहतिंङ धर्मी बणाषा परमेश्वरो टोईच़ी विशवास लहज़ा, दोऊ विशवास दोऊ थल्जी धर्मिकता शोतो।

रोमियो 9:16

झांह लेह दि मीहू हिटी या दोऊ मेहनतो टोहकठे मशत, पर दया लहज़ार परमेश्वरो टोहकठे निर्भर शुहवा।

गलातियों 3:14

मसीह दि दिऊ थल्जी लहरी ताकि ऊईजाति तिंङ दोऊ आशीष खोकसोतो अतु वाईदा परमेश्वरे अब्राहमा रंङ साते यीशु मसीहू दोरच़ी लाहते। दंङ मसीह रिंङ विशवासो दोरच़ी, हेनर पवित्र आत्मा खोकपोंई अतु वाईदा दोई हेन्दिंङ रंड्रीमी थल्जी लाहते।

गलातियों 3:22

पर पवित्र शास्त्र हेंदिंङ कंड्रा कि हेनर भत्तेर पापी शुई, भत्ते संसार पापो शाक्ति ओ अधीन। झांह लेह अच़िला यीशु मसीहू टोईच़ी विशवास लहज़ा, परमेश्वरो वाईदा दुह मीहतु थल्जी ए शोतो।

इफिसियों 1:19

गेह जुंज़ातग कि केरे दू मोह्ड़े ए शक्तिशाली सामर्थो पाहठी ञेंए च़रतुंई अंऊ परमेश्वरो कछंङ हेंदु थल्जी तोह, अंऊ दू मसीहू टोहकठे भरोसा लहज़ातोर। दि दू ए मोह्ड़े शाक्ति शुह,

इफिसियों 2:10

छना कुचे हेनर परमेश्वरे बणाषी शुई; दंङ यीशु मसीह रिंङ दू रूठे कमो थल्जी बणाषी अपि परमेश्वरे तुहई बेहच़ी हेंदु लहज़िमी थल्जी तेयार लहसी ततो।

इफिसियों 2:5

अपेहल हेनर पापो वहज़ा ज़ि सिऊ बराबर तोईनी, दंङ दोई मसीह रंङ साते हेंदु एकता ओ वहज़ा ज़ि हेंदिंङ आत्मिक जीवन श्रींङमी जोगे बणाके च़रति। दंङ परमेश्वरो मोह्ड़े दाह दोरच़ी हेंदु उद्धार शुई।

फिलिपियों 1:29

छना कुचे मसीह वहज़ा ज़ि केहतु टोईच़ी दि मोह्ड़े दाह शुई, कि माह सिर्फ दोऊ टोईच़ी विशवास लंहि पर दोऊ थल्जी दुख लाह उठाकतेंई।

कुलुस्सियों 2:12

अपेहल केहच़ी बपतिस्मा लेहपच़ातंई, दंङ केरे मसीहू ठ्रोह पथेक्च़ा इलांई दंङ खरकोई स्वाभावा रंङ साते मसीहू ठ्रोह श्रींङमी लेह केहनि। झांह ठ्रोह दिऊ थल्जी शुई छना कुचे केहच़ी विशवास लहज़ा तंई कि परमेश्वरे एनोह सामर्थो दोरच़ी, मसीह बि सिमी थल यह्च़ा श्रींङमी लेह केई।

2 थिस्सलुनीकियों 1:9

दंङ दोरे अनंत जीवन थल्जी प्रभु दोरच़ी शत्‌ह शुहचे योर दंङ दोऊ महिमारंङ शक्ति ऊ भागीदार माह शोर। दोई दोतिंङ अनंत विनाशो सज़ा रमतो।

इब्रानियों 6:4

अंऊ मीहरे एनोह विशवास छोड़ेके चरच़ातोर, दोतिंङ यह्च़ा पश्चाताप ओ हालातरिंङ वापिस हपि मरच़ि। दोच़ी इच्च़ा फेरा परमेश्वरो सच्चाई ञेंई चरच़ातोर, अंऊ परमेश्वरे तरफे अपा, दंङ दोतिंङ स्वर्गो दोरच़ी वरदान खोकसा तोह दंङ दोतिंङ ऊईतु दोरच़ी वरदान ला खोकसा तोह।

1 पतरस 1:5

दंङ केहतु विशवासो दोरच़ी, परमेश्वर एनोह सामर्थरंङ साते केहतु रखवाली लहज़ा अपेहल तचेक कि केरे रूठे रंङ उद्धार खोकच़ातंई कि मसीहू वापिस अपिमी ध्याड़ा कंड्रिमी थल्जी तेयार तोतोंई।