6 परमेश्वरे हेंदिंङ यीशु मसीह रंङ साते हेंदु एकता ओ वहज़ा ज़ि, सिऊ दोतु बिचंङ ज़ि श्रींङमी लहरी दंङ हेंदिंङ स्वर्ग रिंङ मसीह रंङ साते राज लहज़िमी जोगे बणाएक्तो।
गेह केतंङ साते हेले कुट्रातग कि दाखो रस दुह ध्याड़ा तचेक मा तुंङमोग अपेहल तचेक केतंङ साते घेंङौ बाहऊ राजंङ खरकोई मा तुंङमोग।”
धन्य शुह दुह परगर अरी एनोहो मालिको इंतज़ार लहज़ा दंङ दुह ध्याड़ो थल्जी तेयार तोह, गेह केतंङ साते हेले कुट्रातग कि दुह मालिक एनोह परगराबि बगत ज़ेइमी थल्जी बेठाएपोतो दंङ एनोह उम छ़ुचे दोऊ सेवा लोहतो।
अगर अच़िया गिऊ सेवा लोहतो, ता दोरे गिऊ चेलार बणेक्तुंई; दंङ अंऊर गेह बंङज़ोग दोर्तिंङ गिऊ सेवा लहज़ा ला शोतो; अगर अच़िया गिऊ सेवा लोहतो, ता पिता परमेश्वरे दोऊ आदर लोहतो।
दंङ अगर गेह इलजे केहतु थल्जी ठहरि तेयार लोहग, दंङ यच़ाह अंज़े केतिंङ घेंङा रंङ साते रेंज़ा शोहग कि अंऊर गेह बंङज़ोग दोर्तिंङ केहरे ला बंङज़ुंई।
गेह, पोलुस, दि डाक चेह्ची लेहकी तोतग। गेह परमेश्वरो हिटी ऊ हिसाबे यीशु मसीहू प्रेरित शुगाह, गेह दि डाक इफिसुस शहरो बंङज़ा परमेश्वरो मीहतिंङ चेहच़ातग, अंऊ मसीहू यीशु थल्जी वफादार तोह।
हेंदु परमेश्वर ए प्रभु यीशु मसीहू बाहऊ महिमा शुहबी जूंस, अच़ि हेंदिंङ मसीहू दोरच़ी स्वर्गंङ ज़ि खोकसा, भत्ते पाहठी आशीष रें च़रति। दि मसीहरंङ हेंदु एकता ओ वहज़ा ज़ि शुई।
छना कुचे हेनर परमेश्वरे बणाषी शुई; दंङ यीशु मसीह रिंङ दू रूठे कमो थल्जी बणाषी अपि परमेश्वरे तुहई बेहच़ी हेंदु लहज़िमी थल्जी तेयार लहसी ततो।
इच्च़ा टेम तोहई अपेहल केरे परमेश्वरो दोरच़ी महस ऊईतार तोईनी, पर हेंतेग परमेश्वर केतिंङ यीशु मसीहू शुहई दोरच़ी एनोह कछंङ रैंज़ा हति।
मसीह कलीसियाओ अगुवाई ध्वांए ठ्रोह लहज़ा, छना इच्च़ा मीहू पुंज़ा दोऊ फुका बि काबू लाह। दुह ए शुरूआत शुह दंङ सिऊ दोतु बिचंङ श्रींङज़ा दोतु बिचंङ जेठे तोह कि भत्ते गप्पारिंङ दुह ए प्रधान शोतो।