इफिसियों 2:5 - लाहौली बाइबिल

⁵ अपेहल हेनर पापो वहज़ा ज़ि सिऊ बराबर तोईनी, दंङ दोई मसीह रंङ साते हेंदु एकता ओ वहज़ा ज़ि हेंदिंङ आत्मिक जीवन श्रींङमी जोगे बणाके च़रति। दंङ परमेश्वरो मोह्ड़े दाह दोरच़ी हेंदु उद्धार शुई।

इफिसियों 2:5 Iomraidhean Croise

लूको 15:24

छना कुचे दिह गिऊ योह सिए इलजी तोहई, दाह षीङे इलजे; योंहंषा इलजी तोहई, धह खोकसा इलज़ा। दंङ दोरे खुशी मनाएच़ि लेहतिरे।

यहून्नो 5:21

छना पिता परमेश्वर सीए मीहतिंङ षीङे ला, ध्वांए गेह ला अतिंङ जुंज़ातग दोतिंङ षीङमी लहज़ातग।

यहून्नो 6:63

आत्मा ता जीवन रड्रा शुह, शरीरो दोरच़ी छले फायदा माह। अंऊ गप्पा गेह केतंङ साते कुट्रातग दुह आत्मा शुह, दंङ जीवन ला शुह।

प्रेरित 15:11

वोई, झांह लेह ठीक माह, पर दिह पक्‍का तोह कि छना ठ्रोह दोरे मीहरे प्रभु यीशु ऊ मोह्ड़े दाह दोरच़ी उद्धार खोक्पोर; ध्वांए ठ्रोह ञेंतिंङ ला उद्धार खोकसोतो। माह मूसा ओ कानून मनेकच़िमी रंङ साते।

रोमियो 16:20

परमेश्वर अंऊ शांति ऊ दाता तोह, दू शेतान बि नाश लेह च़रपोतो दंङ दोबि केहतु अधीन लेह च़रपोतो। हेंदु प्रभु यीशु मसीहू मोह्ड़े दाह केहतु टोहकठे शुहवा लोहतो। हेंदु प्रभु यीशु मसीहू मोह्ड़े दाह केहतु टोईच़ी शुहवा लोहतो।

रोमियो 3:24

पर परमेश्वरो मोह्ड़े दाह ओ दोरच़ी दोई हेंदिंङ यीशु मसीहू ज़ि हेंदु पापो सज़ाओ दोरच़ी छुड़ाके च़रति, दंङ हेंदु छा लहज़ी मेह परमेश्वरे घोषित लहज़ा कि हेनर धर्मी शुई।

रोमियो 4:16

झांह लेह मीहच़ी विशवासो दोरच़ी परमेश्वरो वाईदा खोक्तिर। दि दिऊ थल्जी शुहबी ताकि मोह्ड़े दाह दोरच़ी खोकसोतो। दंङ अब्राहमो भत्ते कटुतिंङ दुह वाईदा खोकसोतो। दि सिर्फ दोतु थल्जी मशत पर अंऊ मुसाओ कानूनो अधीन बंङज़ातोर, पर हर इच्च़ा दुह मीहू थल्जी तोह, अंऊ अब्राहमो ठ्रोह विशवासरिंङ श्रींङी बंङज़ा, अंऊ हेंदु भत्ते तु पूर्वज शुह।

रोमियो 5:10

छना कुईनता बेरी शुहबी दशारिंङ दोऊ मीह सिऊ दोरच़ी हेंदु मेल परमेश्वरो साते शुई, ता यच़ाह मेल शुहचे इबिरंङ साते दोऊ जीवन कारणे हेंज़ी उद्धार छना मा खोकपोंई?

रोमियो 5:6

छना कुचे अपेहल हेनर कमज़ोर ए तोहनी, दंङ परमेश्वरो ठहरासी टेमा रिंङ मसीह हेनर मदम मीहतु थल्जी सिए इलि।

रोमियो 5:8

पर परमेश्वरे हेंदु टोईच़ी एनोह दाह ओ भलाई दि रीति रंङ प्रगट लहज़ा, कि अपेहल हेनर पापी ए तोहनि दोहथर मसीह हेंदु थल्जी सिए इलि।

रोमियो 8:2

छना कुचे पवित्र आत्माज़ि केतिंङ दू जीवन रांहषी ततो अंऊ यीशु मसीहू दोरच़ी खोकसिरी दंङ दोई केतिंङ पाप ए मौतो दोरच़ी आज़ाद लहरी।

2 कुरिन्थियों 13:14

गेह प्रार्थना लहज़ातग कि प्रभु यीशु मसीहू मोह्ड़े दाह ए परमेश्वरो दाह ए पवित्र आत्माओ सहभगिता केतंङ भत्ते तंङ साते शुहवा लोहतो। अमीन।

इफिसियों 2:1

तुहई अपेहल केहच़ी परमेश्वरो टोहकठे विशवास माह लहज़ातंई, दोहपल केरे केनातु मदम कम ए पापो वहज़ा ज़ि सिए मीहतु ठ्रोह तोईनि।

इफिसियों 2:8

छना कुचे अपेहल केहच़ी विशवास लहज़ातंई दंङ परमेश्वरे एनोह मोह्ड़े दाह ओ दोरच़ी केतिंङ बचाएक्तो, पर दि परमेश्वरो दान तोह।

इफिसियों 5:14

झांह लेह इच्च़ा कहावत तोह, अंऊ दि कंड्रा, “हे इमरिंङ इलज़ा रे, अच़ुई! दंङ मुर्दा तु बिचंङ ज़ि श्रींङे ईला; दंङ मसीह एनोह छंङी कांह टोईच़ी चमकेक्पोतो।”

कुलुस्सियों 2:13

दंङ परमेश्वरे केतिंङ, अंऊ पापमय स्वाभाव रिंङ तोईनी शाक्ति रंङ आज़ाद माह तोहनी, मसीह रंङ श्रींङमी लहरी दंङ हेंदु भत्ते गुनाह लाह माफ लहरी।

तीतुस 2:11

परमेश्वरे भत्ते मीहतिंङ बचाएच़िमी थल्जी इच्च़ा अम बणाएच़िमी ज़रिया ज़ि एनोह मोह्ड़े दाह कंड्रिरी। अंऊ भत्ते मीहतु उद्धारो कारण तोत,

तीतुस 3:5

दोई हेंदिंङ पापो सज़ा ओ दोरच़ी बचाएति दंङ दि धर्मिकता ओ कमो थल्जी मशत, अंऊ हेंज़ी लाहतंई, पर दोई एनोह दाह ओ हिसाबे लहरी, दोई हेंदु पाप शुल्ज़े शत्‌ह लेह च़रति, दंङ पवित्र आत्माओ दोरच़ी हेंदिंङ खरकोई जीवन रें च़रति।

प्रकाशित वाक्य 22:21

गेह प्रार्थना लहज़ातग कि प्रभु यीशु, परमेश्वरो भत्ते मीहतु टोईच़ी मोह्ड़े दाह लोहतो। अमीन!