इफिसियों 2:3 - लाहौली बाइबिल

³ ञेंरे ला तुहई कि ए ठ्रोह जीवन श्रींङमातंई, दंङ पापी स्वाभावो हिटी पूरा लहज़ातेर, अंऊ ला हेंदु मदम हिटी दंङ मदम विचार ञेंहतु दोरच़ी लोहवातेर ञेंहच़ी दू ए लहज़ातंई। ऊईतु ठ्रोह, ञेंरे ला स्वाभाविक रूपारिंङ ज़ि मदम तोतोर, दंङ परमेश्वरो सज़ाओ अधीन तोहनि।

इफिसियों 2:3 Iomraidhean Croise

मरकुसो 4:19

पर संसारो चिंदारिंङ, टंगा-ढबाहऊ छलावा, दंङ ऊई चीज़ा तु लालच दोतु अंद्रेग अच़ा अपि दंङ परमेश्वरो विशवासरिंङ माह बड़ेक्पी।

यहून्नो 1:13

दोरे माह, बाह-मेमेतु दोरच़ी, माह मीहू हिटी रंङ, माह मीहतु कटुऊ प्राप्ति थल्जी पर परमेश्वरो दोरच़ी जेह्की शुहर।

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

प्रेरित 14:16

दोई तुईकी टेमा रिंङ, भत्ते जातितिंङ एनोह-एनोह हिसाबे जोज़ी रेंई।

रोमियो 1:24

झांह लेह परमेश्वरे दोतिंङ दोतु सेहमो हिटी हिसाबे, मदम कमो थल्जी केहच़ी च़रति, कि दोरे एनातु बिचंङ एनातु फुको अनादर लोहर।

रोमियो 11:30

छना कुचे केहच़ी तुहई परमेश्वरो हुकुम माह मनेक्तंई, पर हेंतेग इस्राएली मीहतु हुकुम माह मनेक्च़िमी रंङ साते केहतु टोईच़ी दया शुई।

रोमियो 13:14

पर प्रभु मसीह यीशु बि धारण लेह च़रतेंई, दंङ फुको हिटी पूरा लहज़िमी कोशिश थालंही।

रोमियो 2:14

दंङ ऊईजाति मीहरे अतु कछंङ मुसाओ कानून माह, एनेह ए दोऊ हुकुमो भाषे लहज़ातोर, दंङ मुसाओ कानून दोतु कछंङ माह शुहबीरंङ साते दोरे दि साबित लहज़ातोर कि दोतु सेहमरिंङ कानून तोह।

रोमियो 5:10

छना कुईनता बेरी शुहबी दशारिंङ दोऊ मीह सिऊ दोरच़ी हेंदु मेल परमेश्वरो साते शुई, ता यच़ाह मेल शुहचे इबिरंङ साते दोऊ जीवन कारणे हेंज़ी उद्धार छना मा खोकपोंई?

रोमियो 5:9

झांह लेह अपेहल हेनर परमेश्वरे रंङ साते धर्मी घोषित शुहचे इलांई, छना कुचे मसीह हेंदु थल्जी सिए इलि दंङ हेंदु पापो थल्जी एनोह शुहई बहाएक्ति। दंङ मसीह हेंदिंङ पक्‍का ए परमेश्वरो रोहषो दोरच़ी बचाएपोतो।

रोमियो 6:12

झांह लेह पापमय हिटी केनातु जीवनारिंङ राज लेह थारोंऊ, केहच़ी केनातु पापमय हिटी ऊ हिसाबे कम थालंही।

रोमियो 7:18

छना कुचे गेह ञेंच़ातग, कि गिऊ पाप रूपी मीहतु स्वाभावा रिंङ छल्ले रूठे चीज़ वास माह लहज़ा। रूठे कम लहज़िमी हिटी ता गिह्बी तोह, पर दोतिंङ गेह लेह माहरच़ातग।

रोमियो 9:22

परमेश्वर बि अधिकार तोह कि अंऊ मीहतिंङ दोई बणाषी ततो दोतंङ साते एनोह हिटी हिसाबे छना जुंज़ा ध्वांए लेह तरपोतो परमेश्वर एनोह रोहष कंड्री ततो दंङ हर इच्च़ा खिलाप एनोह शाक्ति प्रगट लहज़ा अंऊ नष्ट शुहबिमी हकदार तोह। पर दिऊ वहज़ा, दोई धीरज़ारंङ साते दोतु सहन लहरी।

1 कुरिन्थियों 4:7

अच़िला केतिंङ ऊईदि बे खास बणाषी माह! छिल्ला धिर केहतु कछंङ तोह दू केतिंङ परमेश्वरो दोरच़ी खोकसा तोह। दंङ केतिंङ घमण्ड लहज़िमी छल्ले अधिकार माह।

2 कुरिन्थियों 7:1

हे गिऊ प्यारे साथी विशवासी रे, अपेहल परमेश्वरे हेंदंङ साते वाईदा लोहतो, दंङ अतंई हेनर फुक ए सेहमो भत्ते पाहठी बुराई दोरच़ी हेंदिंङ शत्‌ह तोहनि, दंङ परमेश्वरो बेह्द चेहके हेंदिंङ भत्ते रिति रंङ पवित्र जीवन श्रींङमी कोशिश लंहि।

गलातियों 3:22

पर पवित्र शास्त्र हेंदिंङ कंड्रा कि हेनर भत्तेर पापी शुई, भत्ते संसार पापो शाक्ति ओ अधीन। झांह लेह अच़िला यीशु मसीहू टोईच़ी विशवास लहज़ा, परमेश्वरो वाईदा दुह मीहतु थल्जी ए शोतो।

इफिसियों 2:2

दू टेमारिंङ केरे संसारो दू मीहतु ठ्रोह श्रींङमातेंई अंऊ परमेश्वरा बि माह ञेंहच़ातोर, दंङ केरे मांजी आत्माओ प्रधान शेतानो अंऊ सर्गारिंङ तोह, हेंतेग ला दू मीहतिंङ काबू लहज़िमी कोशिश लहज़ी लेहकी तोह, अंऊ परमेश्वरो हुकुमो भाषे माह लहज़ातोर।

इफिसियों 4:22

केहतु सिखाएच़ा दोच़ी केतिंङ दू तरीका छोड़ेक्च़िमी शिक्षा रेंईर, अतु हिसाबे केहच़ी व्यवहार लहज़ातंई। केहतु मदम हिटी केतिंङ धोखा रें च़रति दंङ केहतु जीवन बरबाद लेह च़रति।

कुलुस्सियों 1:21

दिबे तुहई केरे परमेश्वरे बे ऊई तार तोहनि। केरे परमेश्वरो बैरी तोईनी छना कुचे केहतु विचार ए केहतु कम मांजी तोहई।

1 थिस्सलुनीकियों 4:13

हे गिऊ प्यारे साथी विशवासी रे, ञेंहच़ी दि ञेंच़ातंई कि केहच़ी दि ञेंई च़रतेंई कि दुह विशवासी तंङ साते छि शोतो अंऊ तुहई ए सिए इलोर। झांह शुहबी मेस, कि केरे ऊईतु ठ्रोह शोक लंहि अंऊ दोतिंङ उम्मीद ए माह, कि सिमी थल दोरे यह्च़ा श्रींङी योर।

1 थिस्सलुनीकियों 5:6

झांह लेह हेनर अविशवासी ठ्रोह इमरिंङ माह बंङज़ी मेस, पर चेहके ए खबरदार बंङज़ुंई।

1 तीमुथियुस 6:9

पर अंऊ साहुकार शुहबी जुन्ज़ातोर, दोरे भत्ते पाहठी पाप लहज़िमी थल्जी युरनाह धोखा रंड्रातोर दंङ इच्च़ा जानवरो ठ्रोह फंदारिंङ फसेके यवातोर दोरे दुह कम लहच़ी जुन्ज़ातोर अंऊ दोतु थल्जी मुर्ख ए खतरनाक तोह दंङ दि हिटी दोतिंङ बरबाद लेह केट्रा दंङ पूरी तरह नाश लेह केट्रा।

तीतुस 3:3

छना कुचे हेनर ला तुहई, मुर्ख ए परमेश्वरो हुकुम माह मनेक्च़ा मीहरे, मीहतु दोरच़ी धोखा खोकसिमी तातंई, दंङ हेनर मदम हिटी ए संसारो चीज़ा तु गुलाम तोईरे, छना बैर-भाव, दंङ जलन तहच़ि रिंङ एनोह जीवन श्रींङज़ातेर, दंङ मीहतंङ साते नफरत लहज़ातेर, दंङ इदि-अई दिरंङ साते बैर तहच़ातेर।

1 पतरस 1:14

परमेश्वरो हुकुमो भाषे लंहि छना कुचे केरे दोऊ कटुरे शुई। दंङ दू मदम कम थालंही अतिंङ केरे दू मुक्का लहज़िमी हिटी तहज़ातंई, अपेहल केरे परमेश्वरो सच्चाई माह ञेंहच़ातंई।

2 पतरस 2:14

दोरे हर इच्च़ा मेच़िमी रंङ साते कुकम लेह जुंज़ातोर, अतिंङ दोच़ी खंड्रातोर। दोरे पाप लहज़िमी मुक्का अपेहल ला माह छोड़ेक्च़ातोर। दोरे दुह मीहतिंङ धोखा रंड्रातोर अंऊ मसीहू टोईच़ी पक्‍का रंङ विशवास माह लहज़ातोर, दंङ दोरे दोतिंङ पापो हखा रैंज़ा शिलज़ातोर। दोतु महस बे महस चीज़ारे खोकच़िमी थल्जी हमेशा बढेक्च़ा लालचो वहज़ा ज़ि परमेश्वर दोतिंङ सज़ा रमतो।

2 पतरस 2:18

अपेहल दोरे मीहतिंङ धोखा रंड्रातोर, दंङ दोरे शुह्के ए घमण्डो शब्दा तु इस्तेमाल लहज़ातोर। दोच़ी मीहतिंङ कंड्रातोर कि दोच़ी दुह षेह्द अपिमी जोगे कम लेह तरच़ातोर अंऊ दोतु फुक लेह जुंज़ा दंङ दोरे दुह मीहतिंङ यह्च़ा पाप लहज़िमी थल्जी भरमाके केट्रातोर, अंऊ हेंतेग-हेंतेग झांह ठ्रोह मदम कमो दोरच़ी बचेके हुंच़ा तोतोर।

1 यूहन्ना 2:16

छना कुचे छिल्ला दिर संसारारिंङ तोह, मतलब फुको हिटी, टिरो लालच, दंङ ढबोह घमण्ड, दुह बाह परमेश्वरो दोरच़ी मशत पर संसारो दोरच़ी ए शुह।

1 यूहन्ना 2:8

तांला अंऊ हुकुम गेह केतिंङ च़ेहच़ी लेहकी तोतोग दुह खरकोई हुकुम शुह, छना कुचे दिऊ सच्चाई मसीह रिंङ ए केतिंङ लाह तंङफोतो छना कुचे हंयार योह्सा यवात पर सच्चाई ऊ छंङी हेंतेग चमकेपी लेहकी तोह।