इफिसियों 2:2 - लाहौली बाइबिल

² दू टेमारिंङ केरे संसारो दू मीहतु ठ्रोह श्रींङमातेंई अंऊ परमेश्वरा बि माह ञेंहच़ातोर, दंङ केरे मांजी आत्माओ प्रधान शेतानो अंऊ सर्गारिंङ तोह, हेंतेग ला दू मीहतिंङ काबू लहज़िमी कोशिश लहज़ी लेहकी तोह, अंऊ परमेश्वरो हुकुमो भाषे माह लहज़ातोर।

इफिसियों 2:2 Iomraidhean Croise

मत्ती 11:19

पर अपेहल गेह मीहू योह ज़ेहे तुंङमातोग दंङ केहच़ी कुट्रातंई कि गेह महस ज़ज़ा ए सरा तुंङज़ा, दंङ चुंगी लेहप्च़ातु ए पापीतु साथी शुगाह, पर अच़ि परमेश्वरो शिक्षा मनेके जोज़ा दोऊ ज़िंदगीरिङ परमेश्वरो ज्ञान हेले साबित शोतो।”

मत्ती 13:22

अंऊ बैएजा छ्वाक्तु विचंङ तोहई दुह हुंज़ी ए माह, दिऊ मतलब दिह शुह कि रेह मीहच़ी परमेश्वरो बचन ता रेड्री, पर संसारो चिंदारिंङ, टंगा-ढबाहऊ छलावा, दंङ ऊई चीज़ा तु लालच दोतु अंद्रेग अच़ा अपि दंङ परमेश्वरो विशवासरिंङ माह बड़ेक्पी।

मत्ती 13:38

रीह दीह संसार शुह, अंऊ रूठे बेजा तोह दोऊ मतलब दोरे मीहरे अंऊ परमेश्वरा बि एनोह सेहमरिंङ राज लेह रंड्रातोर, दंङ जंगली बेजो मतलब दोरे मीहरे अंऊ कम दोच़ी लहच़ातोर शेताना बि रुठे च़ेहसी।

मरकुसो 4:19

पर संसारो चिंदारिंङ, टंगा-ढबाहऊ छलावा, दंङ ऊई चीज़ा तु लालच दोतु अंद्रेग अच़ा अपि दंङ परमेश्वरो विशवासरिंङ माह बड़ेक्पी।

लूको 16:8

“दंङ साहुकारे दुह चलाक खज़ान्च़ी ओ तारीफ लहतो, कि केई अंयों चलाकी रंङ साते कम लहतन; छना कुचे ध्यांए ठ्रोह दिह संसारो मीहरेर एनातु साथीतंङ साते मुक्को रीति रिवाज़ ए चाल चलनारिंङ धर्मी मीहबे ला महस चलाक तोतोर।”

लूको 22:31

शमौन, “हे शमौन, शेताने परमेश्वरो दोरच़ी केतिंङ भत्ते तिंङ परखेक्च़िमी आज्ञा लेहपच़ी ततो कि रुठे तिंङ मदमो दोरच़ी शता लोहतो, छना इच्च़ा ज़िमदारे छ्वा बि भूसो दोरच़ी शता लेह चरच़ि।

यहून्नो 12:31

दा दिह टेम शुह अपेहल परमेश्वर संसारो मीहतु न्याय लोहतो, दंङ दा यीशु दिह संसारो मुख्या शेतानो शक्ति बि खत्म लोहतो।

यहून्नो 13:2

यीशु ए दोऊ चेलार यग ज़ेह लेहकी तोईरे। शेताने तुहई ए यीशु बि धोखा रंड्रीमी थल्जी शमौन ओ योह यहूदा इस्करियोति ओ सेहमंङ दिह हति, कि यीशु बि च़ुमज़ि लोह।

यहून्नो 13:27

छना ए यहूदा ज़ि रोटी ज़री दंङ ध्वांए शेतान दोऊ अंद्रेग अच्च़ा इलि। दंङ यीशु ज़ि दोबि कुई, छि केई लहज़िमी तातन दुह युरनाह लोहू।

यहून्नो 14:30

गिऊ दोर्तिंङ केतंङ साते गप्पा लहज़िमी थल्जी ऊई टेम माह, छना कुचे दिह संसारो मुख्या शेतान अपि लेहकी तोह, दंङ गिऊ टोहकठे दोऊ छले वश माह।

यहून्नो 15:19

अगर केहरे संसारो मीहतु ठ्रोह शुहचंङ, ता संसारो मीह ज़ि केतंङ साते दाह लहज़ी तोहई, पर दिह बजह च़ि कि केहरे दिह संसारो मीहतंङ साते नाता माह तहच़ातंई, पर गेह केतिंङ संसारो मीहतु बिचंङ च़ि अंङे केहतग; दिऊ थल्जी संसारो मीहरे केतंङ साते बैर लहज़ातोर।

यहून्नो 16:11

दंङ न्याय ओ पाहठी दिऊ थल्जी याकीन दिलाएपोतो, छना कुचे परमेश्वरे तुईए शेतान बि दोषी ठेहराएसी ततो।

यहून्नो 7:7

संसारो मीहरे केतंङ साते बैर लेह मरपोर पर दोरे गेरंङ साते बैर लहज़ातोर, छना कुचे गेह दोतु खिलाप दिह गवाही रंड्रातग, कि दोतु कम मांजी तोह।

यहून्नो 8:23

यीशु ज़ि दोतंङ साते कुंई, “केहरे दिह संसारा रिंङ जेह्की शुई पर गेह स्वर्गंङ च़ि अंज़े शुगाह; केहरे संसारो शुई गेह संसारो माह शुगाह।

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

प्रेरित 19:35

दंङ इलाको मंत्री ज़ि मीहतिंङ शांत लेह कुट्री लेहतिर, हे इफिसुसो मीहरे, हर इच्चे दिह ञेंहच़ा कि इफिसियों शहरो मीहतु मोह्ड़े देवी अरतिमिसो मंदिरो देखभाल लहज़ातोर, दंङ दोऊ पवित्र रहघ सर्गंङ च़ि दहचते।

प्रेरित 5:3

पर पतरसे कुंई, हे हनन्याह! अंऊ शेताने कांह सेहम रिंङ पवित्र आत्मा रंङ साते हप्सी कुट्रिमी बिचार केहतो दंङ केई केनोह लंङसी ज़मीनो लसो इच्च़ा हिस्सा केनोह थल्जी तओ।

रोमियो 12:2

दंङ दि संसारो मीहतु ठ्रोह था बणेक्तुंई; पर केनातु सोचेक्च़िमी तरीका परमेश्वर बि लेहक्सी रांऊ अंऊ दोरच़ी केहतु चाल-चलन ला लेक्सा योतो, दंङ केरे परमेश्वराबि रूठे, गमेकी ए सिद्ध हिटी ओ खोज लोहवा लंहि।

1 कुरिन्थियों 5:10

दि माह कि केरे बिल्कुल दि संसारो कुकम, ए लालची तु, या दू मीहतु अंऊ ऊईतिंङ धोखा रंड्रातोर, या मुर्ति पूजा लहज़ा तु संगति थालंही; छना कुचे दि दशारिंङ ता केतिंङ संसारो दोरच़ी हुंच़ा इबि पढ़ेक्पोतो।

1 कुरिन्थियों 6:11

तुहई केहतु बिचंङ रे ध्यांए ठ्रोह श्रींङमातेर, पर केरे प्रभु यीशु मसीहू मिंदंङ साते ए हेंदु परमेश्वरो आत्मा रंङ साते केहतु पाप शुहल्ज़े चरच़तो, दंङ केतिंङ एनोह थल्जी शत्‌ह लहरी दंङ केतिंङ एनोह नज़ारारिंङ धर्मी बणाके चरच़तो।

2 कुरिन्थियों 4:4

दि संसारो भगवान शेताने दू अविशवासी तु बुद्धि काणे लेह चरच़तो, अंऊ वहज़ा ज़ि दोरे मसीहू रूठे खबर ए दंङ दोऊ महिमा ओ पाहठी ञेंई मरतिर कि मसीह परमेश्वरो स्वरूप शुह।

गलातियों 1:4

हेंदु परमेश्वर ए बाह ओ हिटीऊ हिसाबे यीशु मसीह ज़ि एनाबि हेंदु पापो वहज़ा ज़ि बलिदान लेह च़रति ताकि दोई हेंदिंङ दू मदम शाक्ति ओ दोरच़ी बचाके च़रपोतो अंऊ तोग दि संसारारंङ कम लहच़ी लेहकी तोह।

इफिसियों 1:21

दू ठहरि भत्ते पाहठी प्रधानता ए अधिकार ए सामर्थ ए प्रभुता रांहषी ततो, दंङ दोऊ ओधा हर इच्च़ा अधिकारी बे मोह्ड़े तोह, अंऊ माह सिर्फ दि लोकारिंङ तोह, पर अंजा लोकारिंङ ला तोह।

इफिसियों 2:11

दिऊ थल्जी, केरे ता ऊईजाति जेह्की शुई, हिद लंहि कि, केरे तुहई छना ठ्रोह तोईनि। यहुदी मीहच़ी केहतु दि कुचे मज़ाक लहरिर कि केरे खतना माह लहज़ातंई पर दोतु दि रिति सिर्फ अंऊ फुका रिंङ ए लागू शवाह।

इफिसियों 2:13

इच्च़ा टेम तोहई अपेहल केरे परमेश्वरो दोरच़ी महस ऊईतार तोईनी, पर हेंतेग परमेश्वर केतिंङ यीशु मसीहू शुहई दोरच़ी एनोह कछंङ रैंज़ा हति।

इफिसियों 2:3

ञेंरे ला तुहई कि ए ठ्रोह जीवन श्रींङमातंई, दंङ पापी स्वाभावो हिटी पूरा लहज़ातेर, अंऊ ला हेंदु मदम हिटी दंङ मदम विचार ञेंहतु दोरच़ी लोहवातेर ञेंहच़ी दू ए लहज़ातंई। ऊईतु ठ्रोह, ञेंरे ला स्वाभाविक रूपारिंङ ज़ि मदम तोतोर, दंङ परमेश्वरो सज़ाओ अधीन तोहनि।

इफिसियों 4:17

झांह लेह दू अधिकार रंङ साते अंऊ प्रभु ज़ि गिह्बी रांहषी तोह, गेह केतिंङ दि कुट्रातग कि केरे अविशवासी मीहतु ठ्रोह बेकार विचारा रंङ साते केनातु जीवन बरबाद था लंहि।

इफिसियों 4:22

केहतु सिखाएच़ा दोच़ी केतिंङ दू तरीका छोड़ेक्च़िमी शिक्षा रेंईर, अतु हिसाबे केहच़ी व्यवहार लहज़ातंई। केहतु मदम हिटी केतिंङ धोखा रें च़रति दंङ केहतु जीवन बरबाद लेह च़रति।

इफिसियों 5:6

दिरे मीहतु दोरच़ी मुर्ख था बणेक्तेंई अंऊ दि पापो थल्जी बहाना बणाएषिमी कोशिश लहज़ातंई। छना कुचे दिए कमो दोरच़ी परमेश्वरो रोहष हुकुम माह मनेक्च़ा दोतु टोईच़ी भड़केक्पा।

इफिसियों 5:8

तुहई केरे हंयार बंङज़ा मीहतु ठ्रोह तोईनी, पर हेंतेग केरे छंङीरिंङ बंङज़ा मीह शुई छना कुचे केरे प्रभु मीहरे बणेंके इलजी तोतोंई झांह लेह छंङीरिंङ बंङज़ा मीहतु ठ्रोह कम लंहि।

कुलुस्सियों 1:21

दिबे तुहई केरे परमेश्वरे बे ऊई तार तोहनि। केरे परमेश्वरो बैरी तोईनी छना कुचे केहतु विचार ए केहतु कम मांजी तोहई।

2 तीमुथियुस 4:10

छना कुचे देमासे दि संसारो चीज़ारे प्यारे चेहके गेह छोड़ेके चरच़तो दंङ थिस्लुनीके शहरो हखा अच़ा इलज़ा। क्रेसकेंस ला गलातिया प्रदेशो हखा दंङ तीतुस दलमतिया प्रदेशो हखा अच़ा इलज़ा।

याकूब 1:27

हेंदु बाह परमेश्वरो कछंङ रूठे ए निर्मल भक्ति दि तोह, कि याह मेह बाह मेह ए रंणीतु झगड़ारिंङ दोतु सुधि लेहप्तुंई, दंङ केनातिंङ संसारो दोरच़ी निष्कलंक तंही।

याकूब 1:7

झांह ठ्रोह मीह दि था समझेक्तेंई, कि गिह्बी प्रभु दोरच़ी छा खोकसोतो,

याकूब 4:4

हे विशवास घाती रे, छि केहच़ी दि माह ञेंच़ातंई आ कि संसार रंङ साते मित्रता लहच़ी परमेश्वरारंङ साते बैर लहज़ी शुह? झांह लेह अंऊ संसारो मित्रता रिंङ शोतो, दोई एनाबि परमेश्वरो बैरी बणाके चरच़तो।

1 पतरस 1:14

परमेश्वरो हुकुमो भाषे लंहि छना कुचे केरे दोऊ कटुरे शुई। दंङ दू मदम कम थालंही अतिंङ केरे दू मुक्का लहज़िमी हिटी तहज़ातंई, अपेहल केरे परमेश्वरो सच्चाई माह ञेंहच़ातंई।

1 पतरस 4:3

इलज़ा दू टेमारिंङ केहच़ी संसारिक मीहतु ठ्रोह मदम लहज़िमी थल्जी महस टेम बर्बाद लेह चरच़ातंई, छना कि कुकम ए वासना, महस तुंङमी ए ऐश-मस्ती लहज़ी, दंङ दोतु मुर्ति तु पूजा, अंऊ दोतंङ परमेश्वरे नफरत लहज़ा।

2 पतरस 2:14

दोरे हर इच्च़ा मेच़िमी रंङ साते कुकम लेह जुंज़ातोर, अतिंङ दोच़ी खंड्रातोर। दोरे पाप लहज़िमी मुक्का अपेहल ला माह छोड़ेक्च़ातोर। दोरे दुह मीहतिंङ धोखा रंड्रातोर अंऊ मसीहू टोईच़ी पक्‍का रंङ विशवास माह लहज़ातोर, दंङ दोरे दोतिंङ पापो हखा रैंज़ा शिलज़ातोर। दोतु महस बे महस चीज़ारे खोकच़िमी थल्जी हमेशा बढेक्च़ा लालचो वहज़ा ज़ि परमेश्वर दोतिंङ सज़ा रमतो।

1 यूहन्ना 3:10

झांह लेह दिरंङ परमेश्वरो कटुरे ए शेतानो कटुरे ञेंच़ातेंई अंऊ मीहरे धर्मो कम लहज़ातोर, दोरे परमेश्वरो दोरच़ी शुरे, दंङ दोरे लाह अंऊ एनोह न्वा रंङ साते दाह तहच़ातोर।

1 यूहन्ना 3:8

अच़ि लाह लगातार पाप लहज़ी लेहकी शवात, दुह शेतानो दोरच़ी शुह, छना कुचे शेतान शुरूआत बे पाप लहज़ा अंज़े तोह, परमेश्वरो योह झांह लेह अंज़े शुह कि शेतानो कमो नाश लोहतो।

1 यूहन्ना 4:4

हे प्यारे कटुरे, केरे परमेश्वरो शुई, दंङ केहच़ी दुह हप्साड़ भविष्यवक्तातु टोहकठे जय खोकशी केहतंई; छना कुचे पवित्र आत्माओ सामर्थ अंऊ केहतु अन्द्रेग तोह, दुह शेतानो सामर्थ बे मोह्ड़े तोह, अंऊ दि संसारारंङ तोह।

1 यूहन्ना 5:19

ञेंहच़ी ञेंहच़ातोंई कि, हेनर परमेश्वरो कटुरे शुई, दंङ भत्ते संसारो मीहरे दुह मांजी शेतानो वशारिंङ तोतोर।

1 यूहन्ना 5:4

छना कुचे परमेश्वरो हर इच्च़ा कटु, संसारो टोईच़ी जीत प्राप्त लहज़ा, दंङ दुह जीत अतंङ संसारो टोईच़ी जीत खोकसा, दुह हेंदु विशवास ए शुह।

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।

प्रकाशित वाक्य 13:14

महस मीहरे अई घ्वंणो दुह अद्धभुत कमो दोरच़ी महस खुश शुहचे धोखा खोकसिरी अंऊ दुह तुहई घ्वंणो शाक्ति ओ दोरच़ी तंङफाते। अई घ्वंणो दोरच़ी मीहतु हखा कुई कि दुह मुण्डो घ्वंणो पूजा लहज़िमी थल्जी इच्च़ा मुर्ति बणाएतुंई, अंऊ हथियार रें घायल शुहचे इलजी तोहई, दंङ यह्च़ा ठीक शुहचे इलजी तोह।

प्रकाशित वाक्य 13:8

धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।

प्रकाशित वाक्य 16:17

सातवें स्वर्गदूते अंऊ दोऊ कोली रिंङ तोहई दोबि लन्न दि थोरच़ी च़रति, दंङ गेह स्वर्गो मंदिरो अंदरेग च़ि परमेश्वरो सिंहासनो दोरच़ी अतिंङ आ जोरे कुट्री रेड्रीगा, “पूरा शुहचे इलि!”

प्रकाशित वाक्य 20:2

दोई अजगर मतलब ऊई ओमड्रा अपि शेतान ला कुट्री, झपटेगी च़ुमने च़रति। दोई दोबि छ़ुह्च़ी च़रति दंङ महसे डुह्गे गड्डा रिंङ छङें च़रति, दोई पेतंङ बन्द लेह च़रति दंङ दोर्तिंङ मोहर लगाके च़रति ताकि दोबि इच्च़ा हज़ार साल तचेक युप्सी माह जूंस। झांह लेह, दुह मुक्का ओ टेमा रिंङ, शेतान इच्च़ा हज़ार साल तचेक मीहतिंङ धोखा रें मरपोतो। दोऊ थल, दोबि यह्च़ा थोड़े टेमो थल्जी आज़ाद लेह च़रपोतो।