इफिसियों 2:19 - लाहौली बाइबिल

¹⁹ झांह लेह हेंतेग केरे ऊईजाति ऊ मीहरे परदेशी ए मुसाफिर माह केहषी, पर परमेश्वरो मीहतंङ साते संगी वासी (नातारे) ए दंङ परमेश्वरो टबर शुहचे इलांई।

इफिसियों 2:19 Iomraidhean Croise

मत्ती 10:25

दिह झोबड़ी शोतो कि चेला एनोह गुरु बराबर शोतो, दंङ परगरो एनोह मालिको बराबर; अगर दोच़ी घरबारो घ्याता बि मांजी आत्माओ मुख्या, शेतान कुहषी ततोर, अगर दोच़ी गेह चुंङो मालिकारंङ साते मांजी व्यवहार लोहर दंङ दोबि लाह मांजी व्यवहार चुंङी टबरारंङ साते लाह लोहर।

गलातियों 6:10

झांह लेह अंऊर तचेक मोका खोकसोतो हेनर भत्ते मीहतंङ साते भलाई लोहनि; खास लहज़ी साथी विशवासी तंङ साते।

इफिसियों 2:12

केरे मीहरे दू मुक्का मसीह बि माह ञेंहच़ातंई, दंङ केरे इस्राएलो झुंडो दोरच़ी धकते तोंई। परमेश्वरे एनोह वाईदा ओ हिसाबे अंऊ वाईदा यहुदी रंङ साते लहरी, केरे दोर्तिंङ ला भागीदार माह तोईनि। दंङ बिना उम्मीद मेह ए परमेश्वरा बि ञेंए मेह दि संसारारिंङ बंङज़ातंई।

इफिसियों 3:15

दू इच्च़ा ए तोह अंऊ विशवासी तु भत्ते टबरातु बाह तोह अंऊ दिरंङ साते सर्गंङ ए धरतीऊ टोईच़ी तोह,

इफिसियों 3:6

भेद दि तोह कि यीशु मसीह रिंङ रूठे खबर दोरच़ी यहुदी तु ठ्रोह ऊईजाति ऊ मीहरे दू ए आशीष खोकपोरे, दंङ दोरे इच्च़ा ए फुको हिस्सा तोतोर, अंऊ परमेश्वरे यहुदी मीहतंङ साते लहसी तते।

फिलिपियों 3:20

पर हेंदु देश स्वर्ग शुह, दंङ हेनर हेंदु उद्धार लहज़ा प्रभु यीशु मसीहू स्वर्गंङ ज़ि वापिस अपिमी थल्जी रुमज़ा तोतोंई।

इब्रानियों 11:13

दि भत्ते मीहरे अच़ि परमेश्वरो टोईच़ी विशवास लहरी, दू चीज़ खोक्शे मेह सिए इलिर अतु वाईदा परमेश्वरे लहसी ततो। पर दोच़ी दि गप्पा तिंङ तुंखा अंजा टेमारिंङ शुहबिमी तंङरिर दंङ खुश शुचि इलिर। समझेकी इलिर कि परमेश्वर अंजा टेमारिंङ छि लोहतो। दोच़ी दि गप्पा ला ञेंई च़रतिर कि हेनर दि धरती ऊ टोईच़ी परदेशी ए पराया शुंई।

इब्रानियों 13:14

छना कुचे दि संसारारंङ हेंदु हमेशा ओ थल्जी बंङज़िमी घरबार माह, पर हेनर दू स्वर्गो घरबारो खोजारिंङ तोतोंई, अंऊ हमेशा ओ थल्जी तोह।

1 पतरस 2:11

हे प्यारे साथी विशवासी रे, गेह केतंङ साते बिनती लहज़ातग कि केरे दि संसारारंङ परदेशी ए यात्री तु ठ्रोह तोतोंई। गेह केतिंङ चेतावनी रंड्रातग कि दू भत्ते मदम फुको हिटी ओ दोरच़ी बचेक्तेंई छना कुचे दू केहतु केनातु आत्माओ खिलाप हमेशा लड़ाई लहज़ा।

1 यूहन्ना 3:1

विचार ता लंहि, कि बाह परमेश्वरे हेन्दंङ साते अंयों दाह लहसी ततो, कि हेनर परमेश्वरो कटुरे शोंई दंङ हेनर दोऊ ए कटुरे शुंई, पर रेह मीहरे दि संसारो शुहरे दोरे दिह माह ञेंच़ातोर कि हेनर परमेश्वरो कटुरे शुंई, छना कुचे दोच़ी बाह परमेश्वर बि माह ञेंच़ातोर।