इफिसियों 2:17 - लाहौली बाइबिल

¹⁷ दंङ मसीह अंज़े केतिंङ ऊईजाति ऊ मीहतिंङ, अंऊ परमेश्वरो दोरच़ी ऊईतार तोईरे, दंङ यहुदी मीहरे अंऊ दोऊ कछंङ तोईरे, झुल्लातिंङ मेल-मिलापो रूठे खबर सुनाएति।

इफिसियों 2:17 Iomraidhean Croise

मत्ती 10:13

अगर दुह घरबारो मीहरे रूठे शुईरेता केहतु आशीर्वाद दोतु कछंङ पीपोह्तो पर अगर दोरे दोऊ जोगे माह शुईरेता केहतु आशीर्वाद केहतु हखा यह्च़ा अपतो।

लूको 15:8

“दंङ यीशुज़ि अई इच्च़ा कथारंङ साते कुहतो, अगर अरीया मेच़मीऊ कछंङ सा मुलतु सिक्का तोह दंङ इच्च़ा सिक्का योंहंषा योतो ता, दोई लम्प तुप्चे ए चुंङ निहके लोहतो दंङ दुह मुका तचेक ध्यानारंङ साते पेट्रोतो अपेहल तचेक दुह सिक्का माह खोकसोतो?

लूको 2:14

“स्वर्गंङ परमेश्वरो महिमा दंङ धरतीऊ टोईच़ी दुह मीहतु बिचंङ अतु दोरच़ी दुह खुश तोह, शांति शोतो।”

प्रेरित 10:36

केतिंङ दुह रूठे खबरो पाहठी पता तोह, अंऊ परमेश्वरे ञेंहतु थल्जी मतलब इस्राएल देशो मीहतिंङ रंदे। दोई शांति ऊ पाहठी रूठे खबर सुनाएती अंऊ मीहतिंङ यीशु मसीहू टोहकठे बिशवास लहज़िमी दोरच़ी खोकसी तरपोतो। दि मीह यीशु सिर्फ इस्राएली मीहतु प्रभु माह शुह पर दुह भत्ते मीहतु प्रभु शुह।

प्रेरित 2:39

छना कुचे दिह वाईदा केतिंङ ए केहतु कटुतु थल्जी, दंङ दोरे भत्ते ऊई तारो मीहतु थल्जी ला शुह अतिंङ हेंदु परमेश्वर एनोह कछंङ बुलाएक्पोतो।

रोमियो 10:14

पर दिऊ तुहई कि मीहरे परमेश्वरो दोरच़ी मदत पेट्रोर, दोतिंङ मसीहू टोहकठे विशवास लहज़ी जूंस; दंङ दिऊ तुहई कि दोरे दोऊ टोईच़ी विशवास लेह तरपोर, दोतिंङ दोऊ पाहठी रेड्री जूंस; दंङ मीहतिंङ प्रभु पाहठी रेड्रीमी थल्जी, अतिंङ अई दोतिंङ कंड्री जूंस।

रोमियो 5:1

झांह लेह हेनर विशवासो दोरच़ी धर्मी ठहरेक्सा इलिन, दोहपल प्रभु यीशु मसीहू दोरच़ी परमेश्वरा रंङ साते हेंदु मेल-मिलाप शुचि इलजी तोह।

2 कुरिन्थियों 5:20

झांह लेह हेनर मसीहू राजदूतारे शुहनि; परमेश्वरे दोऊ खबर स्वीकार लहज़िमी थल्जी हेंदु थल्जी दोरच़ी मीहतु बिनती लहज़ा। हेनर मसीहू हखा निवेदन लहज़ातंई, कि परमेश्वरारंङ साते मेल मिलाप लोहनि।

इफिसियों 4:21

छिल्ला धिर केहच़ी यीशु मसीहू पाहठी रेड्री तातंई दंङ छिल्ला धिर केहतु सिखाएच़ा दोच़ी केतिंङ सिखासी तोह, दू पक्‍का रूपारिंङ दोऊ खबर शुह।