इफिसियों 2:16 - लाहौली बाइबिल

¹⁶ क्रूसो टोईच़ी एनोह मौतो दोरच़ी मसीह ज़ि झुह्ट झुण्डा बि इच्च़ा लेह च़रति दंङ दोतु मेल-मिलाप परमेश्वरा रंङ साते लेह च़रति, झांह लेह यहुदी ए ऊईजाति तु मीहतु बिचंङ दुश्मनी योह्च़े च़रति।

इफिसियों 2:16 Iomraidhean Croise

रोमियो 5:10

छना कुईनता बेरी शुहबी दशारिंङ दोऊ मीह सिऊ दोरच़ी हेंदु मेल परमेश्वरो साते शुई, ता यच़ाह मेल शुहचे इबिरंङ साते दोऊ जीवन कारणे हेंज़ी उद्धार छना मा खोकपोंई?

रोमियो 6:6

ञेंहच़ी ञेंहच़ातोंई कि ञेंहतु युई पापो स्वाभाव यीशु मसीह रंङ साते क्रूसो टोईच़ी चढ़ाके च़रतिर ताकि हेंदु फुका रिंङ पापो स्वाभाव नाश शुहचे योतो, दंङ हेनर तुंखा पापो गुलामीरिंङ माह बंङज़ोंई।

रोमियो 8:3

छना कुचे अंऊ कम, मुसाओ कानून पापो स्वाभावो दोरच़ी कमज़ोर शुहचे लेह मरति, दोबि परमेश्वरे लहरी। दोई पापो प्रायश्चितो थल्जी एनोह योह बि ए पापी मीहू ठ्रोह पापो बलि ऊ थल्जी च़चे च़रति, झांह ठ्रोह परमेश्वरे पाप मय फुकारिंङ ए पापो सामर्थ थाक्शे च़रति।

रोमियो 8:7

पापमय स्वाभावो टोईच़ी सेहम लगाईचि ता परमेश्वरारंङ साते बैर लहज़ी शुह, छना कुचे पापमय स्वाभाव माह ता परमेश्वरो कानूनो अधीन तोह, दंङ माह मुसाओ कानून भाषे लेह तरपोतो;

1 कुरिन्थियों 10:17

छना कुचे इच्च़ा रोटी दि गप्पो चिन्ह तोह कि हेनर महसे तोतोंई मसीह रिंङ, इच्च़ा ए फुक शुई, छना कुचे हेनर भत्तेर इच्च़ा ए रोटी ओ दोरच़ी ज़ोवातंई।

गलातियों 2:20

गेह ञेंहनि मसीह रंङ साते क्रूसो टोईच़ी सिए इलिगा, एंतेग गेह श्रींङी माह केहश्रिगा। दंङ गेह फुका रिंङ एंतेग श्रींङी तोतोग; दंङ सिर्फ परमेश्वरो योह टोहकठे विशवास रंङ साते श्रींङे तोतोग, अंऊ दोई गेरंङ साते धोंण दाह लहज़ा कि गिऊ थल्जी एनोह जहान रें च़रति।

इफिसियों 2:15

मसीह ज़ि एनोह मौतो दोरच़ी मूसा ओ कानून बि दिऊ भत्ते हुकुमे विधि रंङ साते मिटाके च़रति। ताकि दू यहुदी ए ऊईजाति मीहतिंङ एनाह रंङ साते जोड़ेके दोतु बिचंङ शांति तरपोतो। दंङ झांह लेह इच्च़ा खरकोई झुण्ड बणेंके योतो।

इफिसियों 3:6

भेद दि तोह कि यीशु मसीह रिंङ रूठे खबर दोरच़ी यहुदी तु ठ्रोह ऊईजाति ऊ मीहरे दू ए आशीष खोकपोरे, दंङ दोरे इच्च़ा ए फुको हिस्सा तोतोर, अंऊ परमेश्वरे यहुदी मीहतंङ साते लहसी तते।

इफिसियों 4:4

हेनर भत्तेर विशवासी दंङ इच्च़ा ए फुको अंङों ठ्रोह तोतोंई, दंङ हेंदिंङ भत्ते दि इच्च़ा ए पवित्र आत्मा खोकसा तोह। झांह ठ्रोह केतिंङ इच्च़ा उम्मीद रांहषी तोहई, अपेहल केरे परमेश्वरो मीह शुहबिमी थल्जी बुलासी तोतोंई।

कुलुस्सियों 2:14

दिह झांह ठ्रोह तोहई छना परमेश्वरे हेंदु दोष पत्र लाह मिटाके च़रति, अंऊर हेंदु खिलाप दोष च़ेहसी तोहई। अपेहल मसीह क्रूसो टोईच़ी चढ़ाके च़रतिर दुह मुक्का दोई दुह दस्तावेज पूरी तरह शत्‌ह लेह च़रति।

कुलुस्सियों 3:15

अंऊ मसीह शांति रंड्रा दोबि केनातु विचार रिंङ काबू लेह रांही छना कुचे केरे भत्तेर इच्च़ा फुको शुई। झांह लेह केतिंङ इदि-अईदिरंङ साते शांतिरिङ बंङज़िमी थल्जी बुलाईसी शुईं दंङ हमेशा परमेश्वरो धन्यवाद लोहवा लंहि।