इफिसियों 2:15 - लाहौली बाइबिल

¹⁵ मसीह ज़ि एनोह मौतो दोरच़ी मूसा ओ कानून बि दिऊ भत्ते हुकुमे विधि रंङ साते मिटाके च़रति। ताकि दू यहुदी ए ऊईजाति मीहतिंङ एनाह रंङ साते जोड़ेके दोतु बिचंङ शांति तरपोतो। दंङ झांह लेह इच्च़ा खरकोई झुण्ड बणेंके योतो।

इफिसियों 2:15 Iomraidhean Croise

2 कुरिन्थियों 5:17

झांह लेह अगर अरिया मसीहू टोहकठे विशवास लहज़ा ता दंङ दोई इच्च़ा खरकोई स्वाभाव खोक्शातो, युई गप्पा बीतेगी इलजी तोह दंङ हेंतेग खरकोई गप्पा अच़ा अंज़े तोह।

गलातियों 3:10

झांह लेह अंयों मीहरे मूसा ओ कानूनो कमो टोईच़ी विशवास तहच़ातेर, दोरे परमेश्वरो शापो अधीन तोतोर, छना कुचे पवित्र शास्त्रारिंङ च़ेहसी तोह, “अंऊ मूसा ओ कानूनारिंङ च़ेहसी भत्ते गप्पो भाषे माह लहज़ातोर, दोरे परमेश्वरो शापो अधीन तोतोर।”

गलातियों 3:28

दंङ हेंतेग माह ए अरिया यहुदी तोह दंङ माह ए ऊई जाति, माह अरिया दास तोह दंङ माह ए अरिया आज़ाद, ए स्वतंत्र, माह ता अरिया गंङमी दंङ माह ए मेच़िमी, केरे भत्तेर यीशु मसीह रिंङ इच्च़ा शुहचे इलजी तोतोंई।

गलातियों 6:15

अतुआ खतना शुचि शुह आ माह शुह आ, दि छल्ले मतलब माह तहज़ा, पर परमेश्वरे दोरच़ी इच्च़ा खरकोई मीह बणेषी ए मलतब तहज़ा।

इफिसियों 2:10

छना कुचे हेनर परमेश्वरे बणाषी शुई; दंङ यीशु मसीह रिंङ दू रूठे कमो थल्जी बणाषी अपि परमेश्वरे तुहई बेहच़ी हेंदु लहज़िमी थल्जी तेयार लहसी ततो।

इफिसियों 2:14

मसीह एनाह ए हेंदु बिचंङ शांति रैंज़ा हति। इलजी टेम रिंङ, दि झांह तोहई छना भिती यहुदी ए ऊईजातिऊ मीहरे शत्‌ह लेह च़रति। दोरे इदि-अई दिरंङ साते नफरत लहज़ातेर। पर हेंतेग मसीह ज़ि दू शत्‌ह लहज़ा भिती थचिह च़रति,

इफिसियों 2:16

क्रूसो टोईच़ी एनोह मौतो दोरच़ी मसीह ज़ि झुह्ट झुण्डा बि इच्च़ा लेह च़रति दंङ दोतु मेल-मिलाप परमेश्वरा रंङ साते लेह च़रति, झांह लेह यहुदी ए ऊईजाति तु मीहतु बिचंङ दुश्मनी योह्च़े च़रति।

इफिसियों 4:16

छना ठ्रोह इच्च़ा मीहु फुक दोऊ भत्ते जोड़ो दोरच़ी इच्च़ा साते जुड़ेके बंङज़ा, ध्वांए ठ्रोह मसीह हेंदिंङ भत्ते तिंङ अंऊ दोऊ टोहकठे विशवास लहज़ातंई, एनोह फुको अंङों ठ्रोह जोड़ेके तहज़ा। दंङ, अपेहल फुको भत्ते अंङ रूठे रंङ कम लहज़ातोर दंङ फुक बणेक्पा दंङ पक्‍का शवाह; ध्वांए, अपेहल हेंदु बिचंङ ज़ि इच्च़ा ज़ि दू कम लहज़ा अंऊ मसीह हेंदिंङ रांहषी ततो दंङ हेनर ला सिद्ध ए पक्‍का शुहचे बड़ेकी योंई, दंङ इदि-अई दिरंङ साते ऊई ला महस दाह लोहनि।

कुलुस्सियों 2:14

दिह झांह ठ्रोह तोहई छना परमेश्वरे हेंदु दोष पत्र लाह मिटाके च़रति, अंऊर हेंदु खिलाप दोष च़ेहसी तोहई। अपेहल मसीह क्रूसो टोईच़ी चढ़ाके च़रतिर दुह मुक्का दोई दुह दस्तावेज पूरी तरह शत्‌ह लेह च़रति।

कुलुस्सियों 2:20

छना कुचे केहतु पापो स्वाभाव मसीह रंङ साते सिए इलज़ा, झांह लेह हेंतेग केतिंङ दि संसारो कानून मनेक्च़िमी ज़रूरत माह। दंङ केरे छारिंङ हेंतेग लाह दिह कानूनो भाषे लहज़ातंई, छना कि हेंतेग लाह संसार केतिंङ वशरिंङ लहज़ा।

कुलुस्सियों 3:10

दंङ हेंतेग केहच़ी खरकोई स्वाभाव धारण लेह केहतंई, दिह खरकोई स्वाभाव महसे बे महसे एनोह सिरजनहारो ठ्रोह शुहबी लेहकी तोह दंङ दोबि रूठे रंङ समझेक्पोतो।

कुलुस्सियों 3:11

झांह लेह यूनानी मीहतु ए यहुदी तु मीहतु बिचंङ छल्ले भेदभाव माह केहषीरि, माह अरिया खतना दंङ माह ए अरिया खतना मेह मीहतु बिचंङ, माह परदेशी मीहरे, माह बेढंघा मीहरे (असभ्य), माह परगर मीहरे दंङ माह ए आज़ाद मीहतु; पर मसीह ए भत्ते बे मोह्ड़े तोह, दंङ दुह एनोह भत्ते मीहतंङ साते बंङज़ा।

कुलुस्सियों 3:15

अंऊ मसीह शांति रंड्रा दोबि केनातु विचार रिंङ काबू लेह रांही छना कुचे केरे भत्तेर इच्च़ा फुको शुई। झांह लेह केतिंङ इदि-अईदिरंङ साते शांतिरिङ बंङज़िमी थल्जी बुलाईसी शुईं दंङ हमेशा परमेश्वरो धन्यवाद लोहवा लंहि।

इब्रानियों 7:16

यीशु खास मीहू मतलब लेवीऊ खानदाना रंङ साते तालुक तहज़ा कानूनो वहज़ा ज़ि यहुदी पुरोहित माह बणेक्ति पर दू जीवनो सामर्थो दोरच़ी यहुदी पुरोहित बणेंके इलि अंऊ अपेहल ला योह्सोतो माह।

इब्रानियों 8:13

परमेश्वरे दिबी इच्च़ा खरकोई वाईदा कुहषी ततो, झांह लेह दोई मुण्डो वाईदा बि पुराना लेह च़रति। दंङ छिल्ला युई तोह दंङ घाषेक्सी तोह दू नाश शुहबिमी थल्जी तेयार तोह।

इब्रानियों 9:23

झांह लेह संसारिक तम्बू बि दंङ दोर्तिंङ मौजूद भत्ते चीज़ा तिंङ जानवरा तु शुई दोरच़ी शुद्ध लेह पढ़ेक्पाते। दि दू चीज़ा तु नकल शुह अंऊ स्वर्गंङ तोह। पर स्वर्गंङ चीज़ा तिंङ शुद्ध लहज़िमी थल्जी जानवरतु शुई बे बढ़कर रूठे बलिदानो दोरच़ी शुद्ध लहज़िमी ज़रूरत तोहई।