इफिसियों 2:14 - लाहौली बाइबिल

¹⁴ मसीह एनाह ए हेंदु बिचंङ शांति रैंज़ा हति। इलजी टेम रिंङ, दि झांह तोहई छना भिती यहुदी ए ऊईजातिऊ मीहरे शत्‌ह लेह च़रति। दोरे इदि-अई दिरंङ साते नफरत लहज़ातेर। पर हेंतेग मसीह ज़ि दू शत्‌ह लहज़ा भिती थचिह च़रति,

इफिसियों 2:14 Iomraidhean Croise

लूको 1:79

पापारिंङ जोज़ा ए सीमी बेह्दारिंङ बंङज़ा दोतिंङ छंङी रंड्रीमी थल्जी, कि दिह छंङी ञेंतिंङ दुह अमो मार्गदर्शन लोहतो शांति ओ अम रिंङ सीधा चलाएपोतो।

लूको 2:14

“स्वर्गंङ परमेश्वरो महिमा दंङ धरतीऊ टोईच़ी दुह मीहतु बिचंङ अतु दोरच़ी दुह खुश तोह, शांति शोतो।”

यहून्नो 10:16

गिऊ ऊई ला त्रैंईर तोतोर, अरी दिह पोङों माशुहरे; गिह्बी दोरे ला हपि ज़रूरी तोह, दोरे गिह्बी सेहपोर; दंङ इच्च़ा ए थाच ए इच्च़ा पोहाल शोतो।

यहून्नो 11:52

पर सिर्फ दोतु ए थल्जी मशत। दुह परमेश्वरो ऊई कटुतु थल्जी ला सीओतो अरी दिह संसार रिंङ देखा नोखा शुहचे इल्जी तोतोर, कि दोतिंङ ठ्रोहका लोहतो।

यहून्नो 16:33

गेह दीह गप्पा केतंङ साते दिऊ थल्जी कुट्रातग, छना कुचे केहरे गिऊ चेलारे शुई; संसारा रिंङ केतिंङ दुख सेहन लहच़ी लेह्पोतो, पर याहऊ तांहई, छना कुचे गेह दिह संसारो मुख्या शेतान बि यरच़ी चरच़ातग।”

प्रेरित 10:28

पतरसे दोरंङ साते कुई, “केतिंङ पता तोह कि ऊईजाति ऊ संगति लहज़ी या दोतु दोर्तिंङ इबि ञेंहतु यहुदी मीहतु खिलाप तोह, पर परमेश्वरे गिह्बी कांहषी ततो कि अरिला मीहबी अपवित्र या अशुद्ध माह कोहग।

प्रेरित 10:36

केतिंङ दुह रूठे खबरो पाहठी पता तोह, अंऊ परमेश्वरे ञेंहतु थल्जी मतलब इस्राएल देशो मीहतिंङ रंदे। दोई शांति ऊ पाहठी रूठे खबर सुनाएती अंऊ मीहतिंङ यीशु मसीहू टोहकठे बिशवास लहज़िमी दोरच़ी खोकसी तरपोतो। दि मीह यीशु सिर्फ इस्राएली मीहतु प्रभु माह शुह पर दुह भत्ते मीहतु प्रभु शुह।

रोमियो 5:1

झांह लेह हेनर विशवासो दोरच़ी धर्मी ठहरेक्सा इलिन, दोहपल प्रभु यीशु मसीहू दोरच़ी परमेश्वरा रंङ साते हेंदु मेल-मिलाप शुचि इलजी तोह।

गलातियों 3:28

दंङ हेंतेग माह ए अरिया यहुदी तोह दंङ माह ए ऊई जाति, माह अरिया दास तोह दंङ माह ए अरिया आज़ाद, ए स्वतंत्र, माह ता अरिया गंङमी दंङ माह ए मेच़िमी, केरे भत्तेर यीशु मसीह रिंङ इच्च़ा शुहचे इलजी तोतोंई।

इफिसियों 2:15

मसीह ज़ि एनोह मौतो दोरच़ी मूसा ओ कानून बि दिऊ भत्ते हुकुमे विधि रंङ साते मिटाके च़रति। ताकि दू यहुदी ए ऊईजाति मीहतिंङ एनाह रंङ साते जोड़ेके दोतु बिचंङ शांति तरपोतो। दंङ झांह लेह इच्च़ा खरकोई झुण्ड बणेंके योतो।

इफिसियों 2:17

दंङ मसीह अंज़े केतिंङ ऊईजाति ऊ मीहतिंङ, अंऊ परमेश्वरो दोरच़ी ऊईतार तोईरे, दंङ यहुदी मीहरे अंऊ दोऊ कछंङ तोईरे, झुल्लातिंङ मेल-मिलापो रूठे खबर सुनाएति।

इफिसियों 3:15

दू इच्च़ा ए तोह अंऊ विशवासी तु भत्ते टबरातु बाह तोह अंऊ दिरंङ साते सर्गंङ ए धरतीऊ टोईच़ी तोह,

इफिसियों 4:16

छना ठ्रोह इच्च़ा मीहु फुक दोऊ भत्ते जोड़ो दोरच़ी इच्च़ा साते जुड़ेके बंङज़ा, ध्वांए ठ्रोह मसीह हेंदिंङ भत्ते तिंङ अंऊ दोऊ टोहकठे विशवास लहज़ातंई, एनोह फुको अंङों ठ्रोह जोड़ेके तहज़ा। दंङ, अपेहल फुको भत्ते अंङ रूठे रंङ कम लहज़ातोर दंङ फुक बणेक्पा दंङ पक्‍का शवाह; ध्वांए, अपेहल हेंदु बिचंङ ज़ि इच्च़ा ज़ि दू कम लहज़ा अंऊ मसीह हेंदिंङ रांहषी ततो दंङ हेनर ला सिद्ध ए पक्‍का शुहचे बड़ेकी योंई, दंङ इदि-अई दिरंङ साते ऊई ला महस दाह लोहनि।

कुलुस्सियों 1:20

परमेश्वरे एनोह योह च़रच़िमी फेंसला लहरी, अच़ि एनोह शुहई बहाएक्ति दंङ क्रूसो टोहकठे सिए इलि। परमेश्वरे झांह ठ्रोह एनोह ए दंङ भत्ते चीज़ा तु बिचंङ मेल मिलाप लहच़िमी थल्जी लहरी। झांह लेह, दोई एनोह ए, भत्ते चीज़ा तु बिचंङ शांति स्थापित लेह च़रति अंऊ स्वर्ग रिंङ तोह दंङ दुह भत्ते अंऊ धरतीरिंङ तोह।

कुलुस्सियों 2:20

छना कुचे केहतु पापो स्वाभाव मसीह रंङ साते सिए इलज़ा, झांह लेह हेंतेग केतिंङ दि संसारो कानून मनेक्च़िमी ज़रूरत माह। दंङ केरे छारिंङ हेंतेग लाह दिह कानूनो भाषे लहज़ातंई, छना कि हेंतेग लाह संसार केतिंङ वशरिंङ लहज़ा।

कुलुस्सियों 3:11

झांह लेह यूनानी मीहतु ए यहुदी तु मीहतु बिचंङ छल्ले भेदभाव माह केहषीरि, माह अरिया खतना दंङ माह ए अरिया खतना मेह मीहतु बिचंङ, माह परदेशी मीहरे, माह बेढंघा मीहरे (असभ्य), माह परगर मीहरे दंङ माह ए आज़ाद मीहतु; पर मसीह ए भत्ते बे मोह्ड़े तोह, दंङ दुह एनोह भत्ते मीहतंङ साते बंङज़ा।

कुलुस्सियों 3:15

अंऊ मसीह शांति रंड्रा दोबि केनातु विचार रिंङ काबू लेह रांही छना कुचे केरे भत्तेर इच्च़ा फुको शुई। झांह लेह केतिंङ इदि-अईदिरंङ साते शांतिरिङ बंङज़िमी थल्जी बुलाईसी शुईं दंङ हमेशा परमेश्वरो धन्यवाद लोहवा लंहि।

इब्रानियों 13:20

शांति रंड्रा परमेश्वरे, हेंदु प्रभु यीशु बि सिए दोतंङ बिचंङ ज़ि यह्च़ा श्रींङमी लेह च़रति, केतिंङ दू भत्ते चीज़ातंङ साते भरपूर लोहतो अतु केतिंङ दोऊ हिटी पूरे लहज़िमी ज़रूरत तोह। यीशु मसीहू सामर्थो दोरच़ी दू केतिंङ दू भत्ते धिर उत्पन्न लोहतो अंऊ दोबि खुश लहज़ा। यीशु मोह्ड़े वाईदा रंङ साते त्रैंईतु मोह्ड़े रखवाला बणेंके इलज़ा, अंऊ त्रैंईतु तु झुण्डो टोईच़ी दोऊ शुहई दोरच़ी हमेशा ओ थल्जी वाईदा ओ स्थापना ओ छाप लगाएसी तोह। दोऊ महिमा हमेशा तचेक शुहवा लोहतो। अमीन।

इब्रानियों 7:2

अब्राहमे मलिकिसिद्क बि लड़ाई रिंङ द्रक्शे हासी भत्ते चीज़ो दसवां हिस्सा रांई, मलिकिसिद्को मिन्दु मतलब शुह, “धर्मो राजा” शुह, दंङ शालेमो मतलब शुह, “शांति” शुह, दंङ दू “शान्तिऊ रज्ज़ा” ला शुह।