इफिसियों 2:11 - लाहौली बाइबिल

¹¹ दिऊ थल्जी, केरे ता ऊईजाति जेह्की शुई, हिद लंहि कि, केरे तुहई छना ठ्रोह तोईनि। यहुदी मीहच़ी केहतु दि कुचे मज़ाक लहरिर कि केरे खतना माह लहज़ातंई पर दोतु दि रिति सिर्फ अंऊ फुका रिंङ ए लागू शवाह।

इफिसियों 2:11 Iomraidhean Croise

मत्ती 20:7

दोई दोतिंङ कुहतो केरे लाह दाखो बगीचारिंङ ईलांई दंङ कम लांई।

रोमियो 11:17

इस्राएलो मीहरे इच्च़ा रूठे जैतूनो बुटो ब्रन्ज़ो ठ्रोह तोह दंङ पूर्वज अब्राहम, इसहाक ए याकूब दू बुटो जड़ो ठ्रोह तोतोर। ऊई जाति बंणो जैतूनो बुटो ब्रन्ज़ेर शुरे, अंऊ कलम लहज़ी दू ट्रिक्शी ब्रन्ज़ेतु ठाहरिरिंङ दू बूटारिंङ लगाके च़रति, हेंतेग दू ब्रन दू जड़ो खुराको हकदार तोह।

रोमियो 2:26

झांह लेह अगर अरिया खतना मेह मीह मुसाओ कानूनो हुकुमो भाषे लहज़ा, दंङ परमेश्वर झांह ठ्रोह मीहबी दुह मीहू ठ्रोह खंड्रा अतु खतना शुहचे तोह।

रोमियो 2:27

अंऊ खतना लहज़ी मेह कानूनो भत्ते भाषे लहज़ा, दोई केहतु फेंसला लोहतो; छना कुचे केहतु कछंङ मुसाओ कानून तोह दंङ केरे खतना लहज़ी ला कानूनो भाषे माह लहज़ातंई।

1 कुरिन्थियों 12:2

केहच़ी ञेंहच़ातंई कि केरे विशवासी बणेक्पिमी तुहई छना ठ्रोह जीवन श्रींङमातंई। दंङ केरे टटे मुर्ति तु थल्जी जोज़िमी थल्जी भटकेगी इलजी तोतोंई।

1 कुरिन्थियों 6:11

तुहई केहतु बिचंङ रे ध्यांए ठ्रोह श्रींङमातेर, पर केरे प्रभु यीशु मसीहू मिंदंङ साते ए हेंदु परमेश्वरो आत्मा रंङ साते केहतु पाप शुहल्ज़े चरच़तो, दंङ केतिंङ एनोह थल्जी शत्‌ह लहरी दंङ केतिंङ एनोह नज़ारारिंङ धर्मी बणाके चरच़तो।

गलातियों 2:15

हेनर अंऊ जेहक्पी बे यहुदी तोतोंई, दंङ ऊईजाति तु ठ्रोह पापी माह तोंई, छना कि हेंज़ी दोतिंङ कुट्रातंई।

गलातियों 6:12

अंऊ मीहरे ऊई यहुदी तिंङ खुश लहज़ी जुंज़ातोर, दोरे ए केतिंङ खतना लहज़िमी थल्जी दबाब केओर। दोरे दि सिर्फ दिऊ थल्जी लहज़ातोर ताकि मीहरे दोतिंङ दि प्रचार लहज़िमी वहज़ा ज़ि सताएपोर कि मसीह क्रूसो टोहकठे सिए इलि।

इफिसियों 2:2

दू टेमारिंङ केरे संसारो दू मीहतु ठ्रोह श्रींङमातेंई अंऊ परमेश्वरा बि माह ञेंहच़ातोर, दंङ केरे मांजी आत्माओ प्रधान शेतानो अंऊ सर्गारिंङ तोह, हेंतेग ला दू मीहतिंङ काबू लहज़िमी कोशिश लहज़ी लेहकी तोह, अंऊ परमेश्वरो हुकुमो भाषे माह लहज़ातोर।

इफिसियों 5:8

तुहई केरे हंयार बंङज़ा मीहतु ठ्रोह तोईनी, पर हेंतेग केरे छंङीरिंङ बंङज़ा मीह शुई छना कुचे केरे प्रभु मीहरे बणेंके इलजी तोतोंई झांह लेह छंङीरिंङ बंङज़ा मीहतु ठ्रोह कम लंहि।

फिलिपियों 3:3

छना कुचे परमेश्वरो सच्चा मीह ता हेनर शुई, अंऊ परमेश्वरो अराधना दोऊ आत्माओ दोरच़ी लहज़ातोर दंङ एनोह जीवनारिंङ मसीह यीशु एकता रिंङ खुश शवाहतोर दंङ एनोह कोशिशो टोहकठे भरोसा माह लहज़ातोर।

कुलुस्सियों 1:21

दिबे तुहई केरे परमेश्वरे बे ऊई तार तोहनि। केरे परमेश्वरो बैरी तोईनी छना कुचे केहतु विचार ए केहतु कम मांजी तोहई।

कुलुस्सियों 2:11

अपेहल केहच़ी मसीहू टोहकठे विशवास लहतंई, दंङ केहतु खतना मीहतु दोरच़ी माह शुई छना यहुदी मीहच़ी लेह, पर मसीहू दोरच़ी केहतु खतना शुहचे इलि अंऊ केहतु पापी स्वाभाव बि केहतु दोरच़ी शत्‌ह लेह च़रति।

कुलुस्सियों 2:13

दंङ परमेश्वरे केतिंङ, अंऊ पापमय स्वाभाव रिंङ तोईनी शाक्ति रंङ आज़ाद माह तोहनी, मसीह रंङ श्रींङमी लहरी दंङ हेंदु भत्ते गुनाह लाह माफ लहरी।

कुलुस्सियों 3:11

झांह लेह यूनानी मीहतु ए यहुदी तु मीहतु बिचंङ छल्ले भेदभाव माह केहषीरि, माह अरिया खतना दंङ माह ए अरिया खतना मेह मीहतु बिचंङ, माह परदेशी मीहरे, माह बेढंघा मीहरे (असभ्य), माह परगर मीहरे दंङ माह ए आज़ाद मीहतु; पर मसीह ए भत्ते बे मोह्ड़े तोह, दंङ दुह एनोह भत्ते मीहतंङ साते बंङज़ा।