इफिसियों 1:8 - लाहौली बाइबिल

⁸ दि मोह्ड़े दाह परमेश्वरे भत्ते ज्ञान ए समझरंङ साते हेंदु टोईच़ी महसे लहरी।

इफिसियों 1:8 Iomraidhean Croise

मत्ती 11:19

पर अपेहल गेह मीहू योह ज़ेहे तुंङमातोग दंङ केहच़ी कुट्रातंई कि गेह महस ज़ज़ा ए सरा तुंङज़ा, दंङ चुंगी लेहप्च़ातु ए पापीतु साथी शुगाह, पर अच़ि परमेश्वरो शिक्षा मनेके जोज़ा दोऊ ज़िंदगीरिङ परमेश्वरो ज्ञान हेले साबित शोतो।”

रोमियो 11:33

आह, परमेश्वरो मोह्ड़े दाह ओ टंगा ढबाह, बुद्धि ए ज्ञान छि घटे गंभीर तोह! अरिला दोऊ फेंसला ओ व्याख्या लेह मरपोतो; दंङ माह ए अरिया दोऊ अम समझेकी तरपोतो।

रोमियो 5:15

पर आदमो पाप दू वरदानो ठ्रोह माह अंऊ परमेश्वर हेंदिंङ एनोह मोह्ड़े दाह ओ दोरच़ी रंड्रा। छना कुचे इच्च़ा मीहू पाप महसे मीहतु थल्जी मौत रैंज़ा हति। पर परमेश्वरो मोह्ड़े दाह ए धर्मिकता ओ वरदान अंऊ दोई हेंदिंङ रांहषी ततो, दोऊ कीमत महस मीहतु थल्जी दोबि ला महस तोह। दंङ यीशु मसीह ज़ि इच्च़ा मीहू रूपा रिंङ एनोह मोह्ड़े दाह रंङ साते लहरी, दोई दि संभव लहरी।

1 कुरिन्थियों 2:7

पर अंऊ ज्ञानो हेंज़ी गप्पा लहज़ातंई दू ज्ञान परमेश्वरो ज्ञान शुह अंऊ ब्याके तोहई। हेंतेग तचेक अरिला दिबी माह ञेंहच़ाते। परमेश्वरे धरती बणाषी बे तुहई ए फेंसला लहज़ी चरच़ाते कि दोऊ ज्ञान हेंदिंङ महिमा रमतो।

इफिसियों 1:11

दिऊ अलावा, हेंदिंङ मसीह रिंङ एकता शुहबी साते परमेश्वरो दोरच़ी विरासता रिंङ खोकसा तोह, छना कुचे दोई हेंदिंङ तुहई बेहच़ी अंङषी ततो, दंङ दू एनोह योजना ओ हिसाबे भत्ते कम लहज़ा।

इफिसियों 1:7

मसीहू शुहई बहाएक्च़िमी दोरच़ी हेंदिंङ छुटकारा खोकसिरी, मतलब, हेंदु पाप माफ शुहचे इलि, परमेश्वरो मोह्ड़े दाह महसे महान तोह अंऊ दोई हेंदिंङ महस रांहषी ततो।

इफिसियों 1:9

परमेश्वरे एनोह हिटी ओ भेद हेंदु टोहकठे एनोह रूठे इरादो थल्जी प्रकट लहसी ततो, अंऊ दोई तुहई ए मसीहू दोरच़ी पूरा लहज़िमी ठानेगी च़रसी तहरे।

इफिसियों 3:10

ताकि एंतेग कलीसिया ओ दोरच़ी, परमेश्वरो शताह पाहठी ज्ञान दुह प्रधान ए मोह्ड़े अधिकारितु टोईच़ी अंऊ स्वर्गारिंङ तोतोर, प्रगट लोहर।

कुलुस्सियों 2:3

छना कुचे दुह, दुह ए शुह अच़ि परमेश्वरो बुद्धि ए ज्ञानो पहचान लहज़ा अंऊ दुह, दुह ब्याके खज़ानो ठ्रोह तोह अंऊ ब्याके तोहई।

प्रकाशित वाक्य 5:12

दंङ दोरे जोरे-जोरे कुट्रातेर, “दुह कुरच़ा अतिंङ बलिदान लेह चरच़ातेर, दुह महिमा ओ जोगे तोह। दोऊ अधिकार महस मोह्ड़े तोह। दोऊ ज्ञान महस डुह्गे तोह। दुह महस शाक्तिशाली तोह दंङ दुह महस साहुकार तोह। अतंई हेनर दोऊ आदर लोहनि। अतंई हेंज़ी दोऊ स्तुति लोहनि।”