इफिसियों 1:7 - लाहौली बाइबिल

⁷ मसीहू शुहई बहाएक्च़िमी दोरच़ी हेंदिंङ छुटकारा खोकसिरी, मतलब, हेंदु पाप माफ शुहचे इलि, परमेश्वरो मोह्ड़े दाह महसे महान तोह अंऊ दोई हेंदिंङ महस रांहषी ततो।

इफिसियों 1:7 Iomraidhean Croise

मत्ती 20:28

छना कि गेह मीहू योह; दिऊ थल्जी अंज़े मशुह कि गिऊ सेवा टहल शुहबी जूंस, पर दिऊ थल्जी अंज़े शुह कि सेवा टहल लोहग, दंङ महसतिङ बचाएच़िमी थल्जी घेंङौ जान रमोग।”

मत्ती 26:28

दंङ यीशुज़ि कुतोह, “दि दाखो रस बि केहच़ी वाईदो गिऊ शुहई ञेंए च़रतुंई अंऊ महसे मीहतिंङ दोतु पापो सज़ाओ दोहरची माफी ऊ थल्जी बहाएकचिमी तोत। दिह दुह वाईदा बि पूरा लोहतो अंऊ परमेश्वरे एनोह मीहरंङ साते बणाएठ्रा।

मत्ती 6:12

छना ञेंहच़ी हेंदु गुहनेगारतिंङ माफ लहज़ातन, ध्वांए केई ञेंहतु गुनाह माफ लोह।

मरकुसो 14:24

दंङ यीशुज़ि कुतोह, “दि दाखो रस बि केहच़ी वाईदो गिऊ शुहई ञेंए च़रतुंई अंऊ महसे मीहतिंङ दोतु पापो सज़ाओ दोहरची बचाएकसिमी थल्जी बहाएकचिमी तोत। दिह दुह वाईदा बि पूरा लोहतो अंऊ परमेश्वरे एनोह मीहरंङ साते बणाएठ्रा।

लूको 1:77

कि दुह एनोह मीहतु पापो माफ लहज़िमीरंङ साते दोतिंङ उद्धारो पाहठी ज्ञान रमोतो।

लूको 24:47

दंङ यरूशलेम शहरो दोरच़ी भत्ते जातितु बिचंङ पापो दोरच़ी सेहम यहच़िमी ए पापो दोरच़ी माफिऊ प्रचार, मसीहू मिनज़ि शोतो।

यहून्नो 20:23

केहच़ी अतुला मीहू पाप माफ लोहन, ता दोतु पाप माफ शुहचे योतो, दंङ अंऊ मीहतु पाप केहच़ी माफ माह लोहन, दोतु पाप माफ माह शोतो।”

प्रेरित 10:43

दोऊ गवाही भत्ते भविष्यवक्तार रंड्रातोर कि अरिला दोऊ टोहकठे बिशवास लोहर, दोतिंङ यीशु ऊ मिन्दु दोरच़ी पापो माफी खोकसोतो।

प्रेरित 2:38

पतरसे दोतंङ साते कुतोह, “केनातु मदम कमो दोरच़ी सेहम किर्ज़ुंई, दंङ केहतु बिचंङ ज़ि हर इच्च़ा एनोह-एनोह पापो माफी ऊ थल्जी यीशु मसीहू मिंदंङ बपतिस्मा लेहप्तुंई; दंङ केतिंङ पवित्र आत्माओ दान खोकसोतो।”

प्रेरित 20:28

झांह लेह केरे केनातु ध्यान तंही दंङ दुह झुण्ड़ो ला, अतु पोहाल केतिंङ पवित्र आत्मा ज़ि अंङषी ततो कि केरे परमेश्वरो मीहतु देखभाल लंहि, अपि दोई एनोह शुई रें च़ुमसी शुह।

प्रेरित 3:19

झांह लेह केनातु मदम कमो दोरच़ी सेहम किर्तुंई दंङ परमेश्वरो हखा यह्च़ा अतंई कि केतिंङ केनातु पापो दोरच़ी माफी खोकसोतो।

रोमियो 2:4

छि कांह परमेश्वरो भलाई ए सहनशीलता, दंङ सब्ररूपी धन बि बेकार ञेंच़ातन? दंङ केई दि माह समझेक्च़ातन कि परमेश्वरो भलाई कनिंङ पश्चाताप काराच़ि सिखाएच़ा?

रोमियो 3:24

पर परमेश्वरो मोह्ड़े दाह ओ दोरच़ी दोई हेंदिंङ यीशु मसीहू ज़ि हेंदु पापो सज़ाओ दोरच़ी छुड़ाके च़रति, दंङ हेंदु छा लहज़ी मेह परमेश्वरे घोषित लहज़ा कि हेनर धर्मी शुई।

रोमियो 3:25

परमेश्वरे यीशु मसीह बि हेंदु पापो थल्जी बलि शुहबिमी थल्जी च़चे च़रति। यीशु मसीह ज़ि एनोह जीवनो बलि दिऊ थल्जी रें च़रति, ताकि दोऊ टोहकठे विशवास लहज़ा हेनर परमेश्वरो कछंङ अपि तरपोंई। दंङ परमेश्वरे दि दिऊ थल्जी लहरी कि दोई तुहई दि सही लहरी, अपेहल दोई पापी तिंङ माफ लहज़िमी थल्जी धीरज़ लहरी। दिरंङ दि ला पता लेहकी यवात कि परमेश्वर सही तोह, अपेहल दोई दुह मीहतिंङ अपनाएच़ा अंऊ यीशु टोहकठे विशवास लहज़ातोर।

रोमियो 9:23

दोई झांह दिऊ थल्जी लहरी छना कुचे दोई दि कंड्री तते, कि दू अंयों महान तोह अपेहल दोई दू मीहतु टोईच़ी दया लहरी अंऊ दोतिंङ दोई एनोह महिमा रिंङ भागीदार शुहबिमी थल्जी अंङषे ततो।

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

2 कुरिन्थियों 8:9

केहच़ी ञेंहतु प्रभु यीशु मसीहू मोह्ड़े दाह ञेंच़ातंई, कि दू साहुकार शुहचे ला केहतु थल्जी गरीब शुहचे इलि ताकि दोऊ गरीब शुहबी रंङ साते केरे साहुकार शुहचे ईलांई।

इफिसियों 1:14

परमेश्वर इच्च़ा बयाना ओ ठ्रोह तोह अंऊ हेंदिंङ भरोसा रंड्रा कि परमेश्वर हेंदिंङ दू विरासत रंड्रा अपि रंड्रीमी दोई वाईदा लहसी ततो दंङ दि ला कि दोई एनोह मीहरे शुहबिमी थल्जी च़ुमने चरच़तो। अंऊ दोरच़ी परमेश्वरो महिमा ए स्तुति शोतो।

इफिसियों 1:18

गेह दि ला प्रार्थना लहज़ातग कि दू सच्चाई बि समझेक्सिमी थल्जी केहतु मदत लोहतो, दंङ दू उम्मीद अंऊ केतिंङ रांहषी ततो अपेहल परमेश्वरे केतिंङ अंङे चरच़ाते। ताकि केहच़ी ञेंई च़रतुंई कि दू आशीष अंयों मोह्ड़े ए महिमामय तोह अतु वाईदा परमेश्वरे एनोह मीहतंङ साते लहसी तहरे।

इफिसियों 1:6

अंऊ दोरच़ी कि हेनर दोऊ अद्धभुत मोह्ड़े दाह ओ थल्जी दोऊ स्तुति लोंहि, दि मोह्ड़े दाह हेंदिंङ दोऊ प्यारे योह वहज़ा ज़ि मुफ्तारिंङ खोकसिरी।

इफिसियों 1:8

दि मोह्ड़े दाह परमेश्वरे भत्ते ज्ञान ए समझरंङ साते हेंदु टोईच़ी महसे लहरी।

इफिसियों 2:4

पर परमेश्वर महस दयालु तोह, दू एनोह दू मोह्ड़े दाह ओ वहज़ाज़ि अंऊ दोई हेंदंङ साते दाह लहरी।

इफिसियों 2:7

परमेश्वर झांह दिऊ थल्जी लहरी ताकि अंजा ध्याड़ा रिंङ दू संसारो मीहतिंङ कंङे तरपोतो कि दोऊ मोह्ड़े दाह अंयों महान तोह। छिल्ला धिर दोई ञेंहतु थल्जी लहरी ञेंतिंङ दि मोह्ड़े दाह कंङातो अंऊ मसीह यीशु ऊ एकता रिंङ तोतोर।

इफिसियों 3:16

गेह प्रार्थना लहज़ातग कि, परमेश्वर एनोह महिमा दू खज़ाना दोरच़ी केतिंङ दि दान रमतो, कि केरे दोऊ आत्माओ दोरच़ी केनातु-केनातु अंदरेग सामर्थ खोकच़े बलवन्त शुचे योंई।

इफिसियों 3:8

गेह परमेश्वरो भत्ते मीहतु बिचंङ कवचि शुगाह, पर परमेश्वरो मोह्ड़े दाह गिऊ टोहकठे शुई, कि गेह ऊईजाति मीहतिंङ मसीहू महसे आशीषो पाहठी रूठे खबर सुनाएपोग। दि आशीष अंऊ मसीहू दोरच़ी खोकसा, दुह मीहतु समझ बे धकते तोह।

फिलिपियों 4:19

दंङ गिऊ परमेश्वर ला एनोह दुह साहुकारी ऊ हिसाबे अंऊ महिमा रंङ साते यीशु मसीह रिंङ तोह, केहतु भत्ते कमी पूरा लोहतो।

कुलुस्सियों 1:14

एनोह योह बलिदानो दोरच़ी परमेश्वरे हेनर शेतानो शाक्ति ऊ दोरच़ी आज़ाद लेह केई दंङ हेंदु पाप माफ लेह केई।

कुलुस्सियों 1:27

छना कुचे परमेश्वरे जुंज़ाते कि दोऊ मीहच़ी दिह ञेंओर कि मसीहू टंगा ढबाह ए दोऊ महिमा केरे ऊईजाति तु थल्जी ला शुह। दंङ भेद दिह तोह कि: मसीह केहतु बिचंङ बंङज़ा। दि केतिंङ दोऊ महिमा रिंङ शामिल शुहबिमी उम्मीद रंड्रा।

कुलुस्सियों 2:13

दंङ परमेश्वरे केतिंङ, अंऊ पापमय स्वाभाव रिंङ तोईनी शाक्ति रंङ आज़ाद माह तोहनी, मसीह रंङ श्रींङमी लहरी दंङ हेंदु भत्ते गुनाह लाह माफ लहरी।

कुलुस्सियों 2:2

गेह मेहनत दिऊ थल्जी लहतेग ताकि दोतु विशवास बणेक्पोतो दंङ दोरे दाह रंङ साते ऐनातु बिचंङ बणेंके बंङज़ोर, गेह जुंज़ातग कि दोतिंङ पूरा भरोसा शुहबी जूंस छना कुचे दोतिंङ परमेश्वरो गुप्त योजना ओ पूरा समझ तोह अंऊ ऐनाह ए मसीह तोह।

1 तीमुथियुस 2:6

अच़ि पाप ए सिमी शाक्ति ओ दोरच़ी भत्ते मीह तिंङ आज़ाद लेह च़रच़िमी थल्जी एनाबि बलिदान लेह केहई दोऊ मौतो दोरच़ी, परमेश्वरे ठीक टेमारिंङ दि सबूत रें च़रति कि दुह भत्ते मीहतिंङ बचाएच़ी जुंज़ा।

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

तीतुस 3:6

हेंदु उद्धारकर्ता यीशु मसीह छि लहसी ततो दोऊ दोरच़ी परमेश्वरे हेंदिंङ पवित्र आत्मा रांहषी ततो, ताकि दुह हेंदिंङ सामर्थो कम लेह तरपोतो।

इब्रानियों 9:22

मूसा ओ कानूने कुट्रा कि लगभग भत्ते चीज़ातिंङ शुहई पुरच़िमी दोरच़ी शुद्ध लेह जूंशी तोह। शुई बहाके मेह, परमेश्वर मीहतिंङ दोतु पापो थल्जी माफ लेह मरपोतो।

1 पतरस 2:24

अपेहल मसीह सिए इलि, दंङ हेंदु पापो थल्जी क्रूसो टोईच़ी दोऊ फुका बि तकलीफ रेंईर ताकि हेनर पाप लेह बन्द लेह केओनि दंङ धर्मिकता रंङ साते श्रींङमी शुरू लोहनि। दंङ दू घाहो वहज़ा ज़ि अंऊ दोई सहन लहरी, हेनर ठीक शुहचे इलजे तोतोंई।

1 पतरस 3:18

गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।

1 यूहन्ना 2:12

हे कटुरे, गेह केतिंङ झांह लेह चेहच़ातग, कि यीशु मसीहू मिंदंङ केहतु पाप माफ शुहचे तोतोर।

1 यूहन्ना 2:2

दंङ दुह हेंदु पापो माफी ऊ थल्जी बलिदान शुहचे इलि, दुह सिर्फ हेंदु ए मशत पर भत्ते संसारो मीहतु पापो थल्जी लाह बलि शुहचे इलि।

1 यूहन्ना 4:10

हेंदु दाह परमेश्वरो थल्जी सच्चे माह, पर परमेश्वरो दाह हेंदु थल्जी सच्चा तोह। परमेश्वरे हेंदु पाप ऊई तार लहच़िमी थल्जी एनोह योह बलिदान लेह च़रति अतु वहज़ा ज़ि हेंदु पाप माफ शुहचे इलिर।

प्रकाशित वाक्य 14:4

दिरे दोरे शुरे अंऊ दोच़ी पवित्र जीवन श्रींङमोंई, दिरे दुह मीहतु ठ्रोह तोतोर अच़ि इच्च़ा फेरा ला अंऊ मेच़िमी तंङ साते अशुद्ध कम माह लहरिर, दंङ माह ए दोच़ी अपेहला छा चीज़ो पूजा लहरिर, दिरे सिर्फ कुरच़ो ए अराधना लहज़ातोर, अंऊर ला कुरच़ा यवात। दिरे मीहरे दोरे शुरे अंऊ दोतिंङ धरतीऊ भत्ते मीहतु दोरच़ी शत्‌ह लहसी शुह। छना मीहच़ी एनोह रिहू भत्ते बे रूठे हिस्सा परमेश्वराबि रंड्री ध्वांए दिरे मीहरे ला एनोह जीवना बि भत्ते पवित्रता रंङ साते परमेश्वर ए कुरच़ा बि रंड्रातोर।

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”