इफिसियों 1:5 - लाहौली बाइबिल

⁵ छना कुचे परमेश्वरे हेंदंङ साते दाह लहरी दंङ दोई महस तुहई फेंसला लेह च़रते कि यीशु मसीह लहसी कमो दोरच़ी हेंदिंङ एनोह कटुरे बणाके च़रपोतो। परमेश्वरे झांह एनोह हिटी ए खुशी ऊ हिसाबे लहरी।

इफिसियों 1:5 Iomraidhean Croise

मत्ती 1:25

अपेहल तचेक मरियमे योह माह जेह्कते दोपहल तचेक यूसुफो मरियमरंङ साते छले ब्याऊ संबध माह तोहई; यूसुफे कटु मिन यीशु केहते।

मत्ती 11:26

वेई हे बाह। छना कुचे कनिंङ दिए लहज़ी रूठे अति।

लूको 10:21

दोथरे यीशु पवित्र आत्मा रंङ साते शुहचे खुशी रंङ साते बिंङे इलि, दंङ कुट्री लेहती, “हे बाह स्वर्ग ए धरतीऊ प्रभु गेह कांह धन्यवाद लहज़ातग कि केई दिह गप्पारे ञेंच़ाहरे ए समझकार मीहतु दोरच़ी प्याके त्याहतेन दंङ अंऊ मीहरे कटुतु ठ्रोह सीधे तोतोर दोतु टोईच़ी प्रगट लहतन। वेई! हे बाह। छना कुचे कनिंङ दिए लहज़ी रूठे अति।”

लूको 11:32

नीनवे शहरो मीहरे न्याय ध्याड़ारिंङ दिह पीढ़ीऊ मीहतंङ साते खड़े शुहचे, दोतिंङ दोषी ठहराएपोतो, छना कुचे दोच़ी योना भविष्यवक्ताओ प्रचार थशे; एनोह पापो दोरच़ी सेहम यहच़ातेर; पर केहच़ी केनातु पाप मनेक्च़िमीरंङ साते ला इन्कार लहज़ातन, दिह दुहए शुह अरी योना भविष्यवक्ताबे लाह मोह्ड़े तोह।”

लूको 12:32

“केहरे गिऊ नज़रा त्रेंईतु क्वाच़ी झुण्डो ठ्रोह शुई, बेंईन था; छना कुचे केहतु बाह परमेश्वर बि दी रुठे चेहसिरी कि केहतु सेहमरिंङ राज लोहतो।

यहून्नो 1:12

पर अच़िला दुह अपनाएक्तोर, दोई दोतिंङ परमेश्वरो कटुरे शुहबिमी अधिकार रेंई, या दोरे अच़ि दोऊ टोहकठे विशवास लहज़ातोर।

यहून्नो 11:52

पर सिर्फ दोतु ए थल्जी मशत। दुह परमेश्वरो ऊई कटुतु थल्जी ला सीओतो अरी दिह संसार रिंङ देखा नोखा शुहचे इल्जी तोतोर, कि दोतिंङ ठ्रोहका लोहतो।

यहून्नो 20:17

यीशु ज़ि दोबि कुहतो, “गिऊ कोन्ज़ा रिंङ ज़िल्ज़ाते गिह्बी था चऊ, छना कुचे अईता गेह पिता परमेश्वरो कछंङ इल्जी माह तोग, गिऊ चेला तु कछंङ इलजे दोतंङ साते कुडू, कि गेह घेंङौ पिता परमेश्वर ए केहतु पिता परमेश्वर दंङ घेंङौ परमेश्वर ए केहतु परमेश्वरो कछंङ य्वातग।”

प्रेरित 13:48

अपेहल ऊईजाति ज़ि दिह रेड्रीर ता दोरे महस खुश शुहचे इलिर, दंङ दोऊ दि खबरो थल्जी प्रभु बि धन्यवाद रंड्री लेहतिर, दंङ अंयों ला अनंत जीवनो थल्जी ठहराएसी तातेर दोच़ी बिशवास लहरिर।

रोमियो 8:23

सिर्फ धोंण ए मशत, पर हेनरे ला, अतिंङ शुहबिमी महिमा बे तुहई स्वादो रूपारिंङ पवित्र आत्मा बसेक्पा। एनोह अंदरेग ए अंदरेग क्रिम्बातोर। हेंतेग ञेंरे दू ध्याड़ा बि रुमज़ा तोतोंई अपेहल परमेश्वर हेंदिंङ एनोह गोद लेहपसी कटुतु रूपारिंङ भत्ते अधिकार रें च़रपोतो। मतलब हेंदिंङ खरकोई फुक रें हेंदु फुक आज़ाद लेह च़रपोतो।

1 कुरिन्थियों 1:1

गेह, पोलुस दि डाक च़ेहसी लेहकी तोतोग। गेह परमेश्वरो हिटी रंङ साते यीशु मसीहू प्रेरित शुहबी थल्जी अंङषी शुगाह। गेह देर हेंदु साथी विशवासी सोस्थिनेस रंङ साते तोतोग।

1 कुरिन्थियों 1:21

परमेश्वरे एनोह ज्ञाना रिंङ दि खंई कि दि संसार मीहतु ज्ञानो दोरच़ी दोबि अपेहल ला ञेंई मरपोतो, झांह लेह दोई दू मीहतिंङ बचाच़िमी थल्जी अंऊ विशवास लहज़ातोर दि रूठे खबरो प्रचारो इस्तेमाल लहरिर, हालांकि रे मीहरे दिबी मुर्खता चेहच़ातोर।

2 कुरिन्थियों 6:18

“दंङ गेह केहतु बाह षोहग, दंङ केरे गिऊ योह ए मियोरे शोंई; दि सर्वशक्तिमान प्रभु परमेश्वरो वचन तोह”।

गलातियों 3:26

अपेहल केहच़ी मसीहू मिंदिंङ बपतिस्मा लेहपच़ातेंई, दंङ केहच़ी मसीहू खरकोई जीवन लेहकी चरच़ातंई। झांह लेह, अपेहल केहच़ी यीशु मसीहू टोईच़ी विशवास लाहतंई, दोहपल केरे भत्तेर परमेश्वरो कटुरे बणेंके इलोंई।

इफिसियों 1:11

दिऊ अलावा, हेंदिंङ मसीह रिंङ एकता शुहबी साते परमेश्वरो दोरच़ी विरासता रिंङ खोकसा तोह, छना कुचे दोई हेंदिंङ तुहई बेहच़ी अंङषी ततो, दंङ दू एनोह योजना ओ हिसाबे भत्ते कम लहज़ा।

इफिसियों 1:9

परमेश्वरे एनोह हिटी ओ भेद हेंदु टोहकठे एनोह रूठे इरादो थल्जी प्रकट लहसी ततो, अंऊ दोई तुहई ए मसीहू दोरच़ी पूरा लहज़िमी ठानेगी च़रसी तहरे।

फिलिपियों 2:13

छना कुचे परमेश्वर ए तोह, अच़ि केहतु अंदरेग कम लहज़ा दंङ दोई ए केतिंङ कम लहज़िमी हिटी ए शाक्ति रंड्रा अंऊ दोई दोबि खुश लहज़ा।

कुलुस्सियों 1:19

छना कुचे बाह परमेश्वरो खुशी दिरिंङ ए तोह कि परमेश्वरो भत्ते स्वभाव मसीह रिंङ बंङज़ु।

2 थिस्सलुनीकियों 1:11

झांह लेह ञेंहच़ी लगातार केहतु थल्जी प्रार्थना ला लहज़ातंई, ताकि परमेश्वर केतिंङ दुह जीवनो जोगे बणाएक्पोतो अतिंङ श्रींङमी थल्जी दोई केतिंङ बुलाएसी शुई, दंङ दोई केहतु भत्ते रूठे हिटी एनोह शाक्ति रें पूरा लोहतो दंङ दुह कम ला पूरा लोहतो अंऊ केहतु विशवासो नतीज़ा तोह।

इब्रानियों 2:4

दंङ परमेश्वर चिन्ह ए अद्धभुत कमो, महस पाहठी चमत्कारो दंङ पवित्र आत्माओ दोरच़ी मीहतिंङ वरदान रंड्रा दि खबरा बि ठीक ध्वांए साबित लहरी, छना दोई जुंज़ाते।

1 यूहन्ना 3:1

विचार ता लंहि, कि बाह परमेश्वरे हेन्दंङ साते अंयों दाह लहसी ततो, कि हेनर परमेश्वरो कटुरे शोंई दंङ हेनर दोऊ ए कटुरे शुंई, पर रेह मीहरे दि संसारो शुहरे दोरे दिह माह ञेंच़ातोर कि हेनर परमेश्वरो कटुरे शुंई, छना कुचे दोच़ी बाह परमेश्वर बि माह ञेंच़ातोर।

प्रकाशित वाक्य 21:7

अंऊ जय खोकपोरे, दोरे गिऊ दोरच़ी दि भत्ते आशीष खोकपोरे; दंङ गेह दोतु परमेश्वर शोहग, दंङ दुह गिऊ योह शोतो।