इफिसियों 1:3 - लाहौली बाइबिल

³ हेंदु परमेश्वर ए प्रभु यीशु मसीहू बाहऊ महिमा शुहबी जूंस, अच़ि हेंदिंङ मसीहू दोरच़ी स्वर्गंङ ज़ि खोकसा, भत्ते पाहठी आशीष रें च़रति। दि मसीहरंङ हेंदु एकता ओ वहज़ा ज़ि शुई।

इफिसियों 1:3 Iomraidhean Croise

लूको 2:28

दंङ शमौने गंङकटु यीशुबि टुड़िङ लहरी दंङ परमेश्वरो धन्यवाद लेह कुतोह:

यहून्नो 14:20

अपेहल गेह श्रींङी वापिस अपोग दोहपल केहच़ी ञेंहई च़रपोन, कि गिऊ नाता पिता परमेश्वरारंङ साते पक्‍का तोह, दंङ केहतु गेरंङ साते, दंङ गिऊ केतंङ साते।

यहून्नो 17:21

कि दोरे भत्तेर इच्च़ा शुहबी जूंस; छना हे पिता परमेश्वर कांह गेरंङ तोतोन, दंङ गेह करंङ, ध्वांए दोरे ला हेन्दंङ शोहर, दिऊ थल्जी कि संसारो मीहरे विशवास लोहर कि केई ए गेह च़रसी शुगाह।

यहून्नो 20:17

यीशु ज़ि दोबि कुहतो, “गिऊ कोन्ज़ा रिंङ ज़िल्ज़ाते गिह्बी था चऊ, छना कुचे अईता गेह पिता परमेश्वरो कछंङ इल्जी माह तोग, गिऊ चेला तु कछंङ इलजे दोतंङ साते कुडू, कि गेह घेंङौ पिता परमेश्वर ए केहतु पिता परमेश्वर दंङ घेंङौ परमेश्वर ए केहतु परमेश्वरो कछंङ य्वातग।”

रोमियो 12:5

ध्वांए ठ्रोह, हेनर ला अंऊ मसीह रिंङ विशवासी तोतोंई हेनर भत्तेर मसीहू फुको अंङ शुई दंङ हेनर भत्तेर इदि-अई दिरंङ साते जुड़ेके तोतोंई।

रोमियो 15:6

ताकि केरे भत्तेर इच्च़ा साते बंङज़ा ए इच्च़ा सग रिंङ परमेश्वर, हेंदु प्रभु यीशु मसीहू बाह परमेश्वरो स्तुति लंहि।

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

1 कुरिन्थियों 12:12

छना कुचे छना ठ्रोह मीहू फुक इच्च़ा तोह दोऊ अंङ महसे तोतोर, दंङ दू इच्च़ा फुको भत्ते अंङ महसे शुहबीरंङ साते भत्ते ठ्रोहका शुहचे इच्च़ा ए फुक तोह ध्वांए मसीह ला दंङ दोऊ टोईच़ी विशवास लहज़ा विशवासी रे ला इच्च़ा तोतोर।

2 कुरिन्थियों 1:3

हेंदु प्रभु यीशु मसीहू बाह परमेश्वरो स्तुति शुहबी जूंस, अंऊ दयाऊ बाह, दंङ हेंदिंङ हमेशा तसल्ली रंड्रा।

2 कुरिन्थियों 11:31

परमेश्वर, हेंदु प्रभु यीशु मसीहू बाह अंऊ हमेशा धन्य तोह, ञेंहच़ा, कि गेह हप्सी माह कुट्रातग।

2 कुरिन्थियों 5:17

झांह लेह अगर अरिया मसीहू टोहकठे विशवास लहज़ा ता दंङ दोई इच्च़ा खरकोई स्वाभाव खोक्शातो, युई गप्पा बीतेगी इलजी तोह दंङ हेंतेग खरकोई गप्पा अच़ा अंज़े तोह।

2 कुरिन्थियों 5:21

मसीह, अंऊ पापो दोरच़ी अंजान तोहई, परमेश्वरे हेंदु पापो थल्जी मसीह बि पापो दोष लगाएती ठहराति, ताकि हेनर परमेश्वरो नज़रा रिंङ धर्मी शुहचे योंई छना कुचे मसीह ज़ि हेंदु पापो सज़ा एनोह टोहकठे लेहपच़े च़रति।

गलातियों 3:9

परमेश्वरे अब्राहमा बि दोऊ विशवासो दोरच़ी आशीष रांई, ध्वांए ठ्रोह अंऊ ला यीशु मसीहू टोहकठे विशवास लोहतो दू पक्‍का अब्राहमो रंङ साते परमेश्वरो दोरच़ी आशीष खोकपोतो।

इफिसियों 1:10

अपेहल दि हिटी पूरे शुहबिमी टेम अपतो, दंङ परमेश्वर स्वर्ग ए धरतीऊ चीज़ातिंङ मसीहू अधीन लेह च़रपोतो, ताकि मसीह भत्ते चीज़ो मुख्या शोतो।

इफिसियों 1:17

गेह प्रार्थना लहज़ातग कि परमेश्वर हेंदु प्रभु यीशु मसीहू महिमामय बाह, केतिंङ पवित्र आत्मा रमतो, अंऊ केतिंङ बुद्धिमान बणाके च़रपोतो दंङ परमेश्वरा बि केहतु टोहकठे प्रगट लोहतो, ताकि केहच़ी दू ञेंई तरपोंई।

इफिसियों 1:20

अच़ि मसीह बि सिऊ दोतु बिचंङ ज़ि श्रींङमी लहरी दंङ दोबि स्वर्गंङ परमेश्वरो सुचंङ हासी आदरो ठाहरीरिंङ बंङज़ी लहरी।

इफिसियों 2:6

परमेश्वरे हेंदिंङ यीशु मसीह रंङ साते हेंदु एकता ओ वहज़ा ज़ि, सिऊ दोतु बिचंङ ज़ि श्रींङमी लहरी दंङ हेंदिंङ स्वर्ग रिंङ मसीह रंङ साते राज लहज़िमी जोगे बणाएक्तो।

इफिसियों 3:10

ताकि एंतेग कलीसिया ओ दोरच़ी, परमेश्वरो शताह पाहठी ज्ञान दुह प्रधान ए मोह्ड़े अधिकारितु टोईच़ी अंऊ स्वर्गारिंङ तोतोर, प्रगट लोहर।

फिलिपियों 2:11

दंङ बाह परमेश्वरो महिमाऊ थल्जी भत्ते एनोह आहच़ि अंगीकार लेह कि यीशु मसीह प्रभु शुह।

इब्रानियों 8:5

दोरे अंऊ पुरोहिता तु रूपा रिंङ कम लहज़ातोर, दोरे हेले रिंङ अंऊ स्वर्गा रिंङ छिल्ला तोह सिर्फ दोऊ इच्च़ा नकल ए इच्च़ा सिलमोग तोह। दि दुह ए शुह अंऊ मूसा रंङ साते तोहई। छना कुचे अपेहल मूसा मिलापो तम्बू बणाएषी थल्जी तेयार शुहबी लेहकी तोहई, दू मुक्का परमेश्वरे दोबि दि चेतावनी रांई, “खंणु, अंऊ नमूना कनिंङ गोहू टोईच़ी कंङातोर, दोऊ हिसाबे भत्ते धिर बणातु।”

इब्रानियों 9:23

झांह लेह संसारिक तम्बू बि दंङ दोर्तिंङ मौजूद भत्ते चीज़ा तिंङ जानवरा तु शुई दोरच़ी शुद्ध लेह पढ़ेक्पाते। दि दू चीज़ा तु नकल शुह अंऊ स्वर्गंङ तोह। पर स्वर्गंङ चीज़ा तिंङ शुद्ध लहज़िमी थल्जी जानवरतु शुई बे बढ़कर रूठे बलिदानो दोरच़ी शुद्ध लहज़िमी ज़रूरत तोहई।

1 पतरस 1:3

हेंदु प्रभु यीशु मसीहू बाह ए परमेश्वरो धन्यवाद शुहबी जूंस, अच़ि हेंदु थल्जी एनोह मोह्ड़े दाह ओ दोरच़ी हेंदिंङ इच्च़ा खरकोई जीवन रांहषी ततो। छना कुचे परमेश्वरे यीशु मसीह बि सिए दोतु बिचंङ ज़ि श्रींङमी लहरी, दोई हेंदिंङ महस आत्मविशवास रंङ श्रींङमिमी जोगे बणाके च़रति; मतलब हेनर दू चीज़ खोकच़िमी पूरे उम्मीद लेह तरपोंई अंऊ दोई हेंदिंङ रंड्रीमी वाईदा लहसी ततो।