इफिसियों 1:23 - लाहौली बाइबिल

²³ कलीसिया मसीहू फुक शुह, मसीह हेंदु बिचंङ एनोह भत्ते सामर्थ इस्तेमाल ध्वांए लहज़ा छना दोई एनोह सामर्थो इस्तेमाल भत्ते ब्रहाम्डारिंङ लहज़ा।

इफिसियों 1:23 Iomraidhean Croise

यहून्नो 1:16

छना कुचे दोऊ मोह्ड़े दाह ओ परिपूर्णतारंङ साते हेंज़ी भत्ते धिर खोकषातंई मतलब आशीषो टोईच़ी आशीष।

रोमियो 13:5

केतिंङ दोतु अधीन बंङज़ी झांह सिर्फ सज़ाओ दोरच़ी बचेक्पिमी थल्जी मशत, पर दिऊ थल्जी ला कि केहतु अन्तरात्मा शुद्ध शुहबी जूंस।

1 कुरिन्थियों 12:6

शत्‌ह-शत्‌ह तरीका रंङ साते परमेश्वरो हेंदु ज़िन्दगीरिंङ कम लहज़ा, पर परमेश्वर इच्च़ा ए तोह, अंऊ हेंदु भत्ते तु दोरच़ी कम लहज़ा।

1 कुरिन्थियों 15:28

अपेहल भत्ते धिर परमेश्वरो योह अधीन शुहचे योतो, दंङ योह एनाबि पूरे तरह ठ्रोह परमेश्वरो अधीन लेह च़रपोतो, अच़ि दोबि दुह हक रांहषी ततो। दंङ सिर्फ परमेश्वर ए प्रभु शुह अंऊ भत्ते धिर ए भत्ते रिंङ कम लहज़ा।

इफिसियों 2:16

क्रूसो टोईच़ी एनोह मौतो दोरच़ी मसीह ज़ि झुह्ट झुण्डा बि इच्च़ा लेह च़रति दंङ दोतु मेल-मिलाप परमेश्वरा रंङ साते लेह च़रति, झांह लेह यहुदी ए ऊईजाति तु मीहतु बिचंङ दुश्मनी योह्च़े च़रति।

इफिसियों 3:10

ताकि एंतेग कलीसिया ओ दोरच़ी, परमेश्वरो शताह पाहठी ज्ञान दुह प्रधान ए मोह्ड़े अधिकारितु टोईच़ी अंऊ स्वर्गारिंङ तोतोर, प्रगट लोहर।

इफिसियों 3:19

गेह प्रार्थना लहज़ातग कि, केरे मसीहू दि दाह ञेंए तरपोंई, अंऊ मीहु समझ बे धकते तोह, ताकि केहतु स्वाभाव परमेश्वरो स्वाभावो ठ्रोह शुहचे योतो।

इफिसियों 4:10

मसीह अंऊ योंखा अति, दू, दुह ए शुह अंऊ सर्ग बेहच़ी ला खेका इलि, ताकि दू भत्ते ठाहरिरिंङ शुहबी जूंस।

इफिसियों 4:12

अंऊ दिरंङ साते पवित्र मीहरे सिद्ध शुहचे योरे दंङ सेवाऊ कम लोहवा लोहरे मसीहू फुकरिङ तरक्की खोकसोतो।

इफिसियों 4:13

दि दोहपल तचेक जारी बंङज़ोतो अपेहल तचेक कि हेनर हेंदु विशवास ए परमेश्वरो योह पाहठी हेंदु समझरिंङ इच्च़ा शुहचे माह योंई। दंङ हेनर सिद्ध शुहचे योंई, छना मसीह शुहचे तोह, दंङ हेनर भत्ते पाहठी दोऊ ठ्रोह शुहचे योंई।

इफिसियों 4:4

हेनर भत्तेर विशवासी दंङ इच्च़ा ए फुको अंङों ठ्रोह तोतोंई, दंङ हेंदिंङ भत्ते दि इच्च़ा ए पवित्र आत्मा खोकसा तोह। झांह ठ्रोह केतिंङ इच्च़ा उम्मीद रांहषी तोहई, अपेहल केरे परमेश्वरो मीह शुहबिमी थल्जी बुलासी तोतोंई।

कुलुस्सियों 1:24

दंङ हेंतेग गेह केहतु थल्जी अंऊ दुख सहन लहज़ातग दोऊ वहज़ा ज़ि खुश तोतोग। दंङ गेह लगातार घेंङौ फुको दुख सहन लहज़ातग, छना मसीह सहन लाहते, दंङ दि दुख गेह मसीहू कलीसियाओ थल्जी सहन लहज़ातग अंऊ मसीहू फुक शुह।

कुलुस्सियों 2:19

दंङ दोरे मीहरे मसीह रंङ साते ठ्रोहका शुहचे माह बंङज़ा तोर अंऊ भत्ते फुको पुंज़ा शुह। छना पुंज़ा भत्ते फुक काबू लहज़ा ध्वांए यीशु मसीह एनोह मीहतिंङ चलाच़ा, ताकि दोरे एनातु बिचंङ ठ्रोहका शुहचे बंङज़ोर दंङ दोरे मसीह रिंङ बणेक्पा लोहर छना फुको भत्ते जोड़ ए नसर भत्ते फुका बि चुमज़ा बंङज़ा तोर दंङ परमेश्वरो दोरच़ी बणेक्पा तोर।

कुलुस्सियों 3:11

झांह लेह यूनानी मीहतु ए यहुदी तु मीहतु बिचंङ छल्ले भेदभाव माह केहषीरि, माह अरिया खतना दंङ माह ए अरिया खतना मेह मीहतु बिचंङ, माह परदेशी मीहरे, माह बेढंघा मीहरे (असभ्य), माह परगर मीहरे दंङ माह ए आज़ाद मीहतु; पर मसीह ए भत्ते बे मोह्ड़े तोह, दंङ दुह एनोह भत्ते मीहतंङ साते बंङज़ा।

कुलुस्सियों 3:15

अंऊ मसीह शांति रंड्रा दोबि केनातु विचार रिंङ काबू लेह रांही छना कुचे केरे भत्तेर इच्च़ा फुको शुई। झांह लेह केतिंङ इदि-अईदिरंङ साते शांतिरिङ बंङज़िमी थल्जी बुलाईसी शुईं दंङ हमेशा परमेश्वरो धन्यवाद लोहवा लंहि।