इफिसियों 1:20 - लाहौली बाइबिल

²⁰ अच़ि मसीह बि सिऊ दोतु बिचंङ ज़ि श्रींङमी लहरी दंङ दोबि स्वर्गंङ परमेश्वरो सुचंङ हासी आदरो ठाहरीरिंङ बंङज़ी लहरी।

इफिसियों 1:20 Iomraidhean Croise

मत्ती 26:64

यीशुज़ि दोबि कुहतो, “केह केनेह कुह्चे केहतन; बल्कि गेह केतंङ दिला कुट्रातग कि दिऊ थलबे केहच़ी खमोंई कि गेह मीहू योह, सर्वशक्तिमान परमेश्वरो सुचंङ हासी बंङज़ा राज लोहग, दंङ सर्गंङज़ि डुह बिचंङ अपोग।”

मत्ती 28:18

यीशुज़ि दोतु कछंङ अंज़े कुंई, “स्वर्ग ए धरतीऊ भत्ते अधिकार गिह्बी रांहषी तोह।

मरकुसो 14:62

यीशुज़ि कुहतो, “गेह शुगाह; दंङ केहच़ी खमोंई कि गेह मीहू योह, सर्वशक्तिमान परमेश्वरो सुचंङ हासी बंङज़ा राज लोहग, दंङ सर्गंङज़ि डुह बिचंङ अपोग।”

मरकुसो 16:19

प्रभु यीशुज़ि एनोह चेला तु हखा दि गप्पारे कुट्रिमी थल, दंङ परमेश्वरे प्रभु यीशुबि सर्गो हखा रेंज़ा शीलिरे। दंङ दुरेह इलजे दुह परमेश्वरो सुचंङ हासी इज्ज़त रंङ बंङज़ा इलि।

यहून्नो 10:18

अच़िला गिऊ जहानो गिऊ दोरच़ी खुल्जे मरपोर। दुह गेह घेंङौ हिटी रंङ रंड्री। गिह्बी दुह प्राण रड्रीमी ए यह्च़ा वापिस लेहप्च़िमी ला हक तोह। गिह्बी घेंङौ पिता परमेश्वरो दोरच़ी हुकुम खोकसी तोह।”

यहून्नो 10:30

गेह ए गिऊ पिता परमेश्वर इच्च़ा शुई।”

प्रेरित 10:40

पर दोबि परमेश्वरे षुमु ध्याड़ा थल सिमी दोरच़ी श्रींङे लेह च़रति दंङ मीहतु तुईज़ी प्रगट ला लहरी।

प्रेरित 26:8

दोहपल पोलुसे रूहक्ति, “केहतु थल्जी दि विशवास लहज़ी छना खरे तोह कि परमेश्वरे सिए मीहतिंङ यह्च़ा श्रींङमी लहज़ा?”

प्रेरित 4:10

ता केहरे भत्ते दंङ भत्ते इस्राएली मीहरे ञेंए केंईनी कि दिह नासरत नगरो यीशु मसीह अधिकारो दोरच़ी लहसी शुह। दुह ए यीशु बि केहच़ी क्रूसो टोईच़ी चढ़ाएकी केहतन, पर परमेश्वरे दुह यच़ाह सिमी दोरच़ी श्रींङे लेह च़रति। तोग दोऊ ए मिन्दु दोरच़ी दिह मीह केहतु तुईज़ी सही सलामत खड़े तोह।

प्रेरित 5:31

परमेश्वरे दोबि स्वर्गो हखा रेंज़ा शिलि दंङ दोऊ महसे आदर लहरी। दंङ दोबि प्रभु ए उद्धार लहज़ा ठहराएति, ताकि इस्राएल ओ मीहरे एनातु मदम सोच बिचार ए अमतु दोरच़ी परमेश्वरो हखा किर्ज़ोर दंङ दोऊ दोरच़ी एनातु पापो थल्जी माफी खोक्पोर।

रोमियो 1:4

दंङ पवित्र आत्माओ शाक्ति रंङ साते दुह सिमी दोरच़ी श्रींङे इबिमी सामर्थ रंङ साते परमेश्वरो योह साबित शुहचे इलि। दुह यीशु मसीह हेंदु प्रभु शुह।

रोमियो 8:34

अच़िला हेंदु निन्दा लेह मरपोतो छना कुचे दू यीशु मसीह तोह, अंऊ हेंदु थल्जी सिए इलि, दंङ सिए दोतु बिचंङ ज़ि श्रींङमी लहरी हेंतेग परमेश्वरो सुचंङ हासी तोह, दंङ हेंदु थल्जी बिनती लहज़ा।

इफिसियों 1:3

हेंदु परमेश्वर ए प्रभु यीशु मसीहू बाहऊ महिमा शुहबी जूंस, अच़ि हेंदिंङ मसीहू दोरच़ी स्वर्गंङ ज़ि खोकसा, भत्ते पाहठी आशीष रें च़रति। दि मसीहरंङ हेंदु एकता ओ वहज़ा ज़ि शुई।

फिलिपियों 3:10

गेह दि जुंज़ातग कि मसीह बि ञेंए च़रपोग दोऊ सिमी दोरच़ी श्रींङे इबिमी सामर्थ महसूस लेह तरपोग दंङ लगातार दुख सहन लोहग छना दोई लाहतो, दंङ सिमी मुक्का दोऊ ठ्रोह बणेंके योग।

कुलुस्सियों 1:16

छना कुचे मसीहरिंङ ए भत्ते चीज़ो सृष्टि शुई, स्वर्ग शुह या धरतीऊ, तंङषे या माह तंङषे, छि रज्ज़ा, छि प्रधानताऐ, छि अधिकार भत्ते चीज़ा रे दोऊ सेवा ओ थल्जी बणेषी शुह।

कुलुस्सियों 3:1

अपेहल केहच़ी बपतिस्मा लेहपच़ातंई, दंङ केरे मसीहू ठ्रोह पथेक्च़ा इलांई दंङ खरकोई स्वाभावा रंङ साते मसीहू ठ्रोह श्रींङमी लेह केहनि, झांह लेह दुह चीज़ा तु खोजारिंङ बंङज़ेंई अंऊ स्वर्गंङ ज़ि केहषी तोह, अंऊर मसीह परमेश्वरो कछंङ महसे आदरो ठाहरीरिंङ बंङज़ा तोह।

इब्रानियों 1:3

दू योह ए परमेश्वरो महिमा ओ छंङी दंङ हर तरफे परमेश्वरो ठ्रोह तोह। दंङ भत्ते संसारा बि दंङ एनोह शाक्तिशाली बचनो दोरच़ी, भत्ते संसारा बि खड़े लहज़ी तहज़ा। दोई मीहतिंङ दोतु पापो दोरच़ी शुद्ध लेह च़रति, दंङ दोऊ थल स्वर्गारिंङ महिमामय परमेश्वरो सुचंङ हासी विराजमान शुहचे इलि।

इब्रानियों 10:12

पर हेंदु यहुदी पुरोहित यीशु मसीह ज़ि हेंदु पापो माफी ओ थल्जी एनाबि हमेशा ओ थल्जी सिर्फ इच्च़ा बलिदानो रूपारिंङ चढ़ाके च़रति। दंङ हेंतेग दू बाह परमेश्वरो सुचंङ हासी सिहासनो टोहकठे इज्ज़तदार ठाहरीरिंङ बंङज़ा इलजी तोह।

इब्रानियों 13:20

शांति रंड्रा परमेश्वरे, हेंदु प्रभु यीशु बि सिए दोतंङ बिचंङ ज़ि यह्च़ा श्रींङमी लेह च़रति, केतिंङ दू भत्ते चीज़ातंङ साते भरपूर लोहतो अतु केतिंङ दोऊ हिटी पूरे लहज़िमी ज़रूरत तोह। यीशु मसीहू सामर्थो दोरच़ी दू केतिंङ दू भत्ते धिर उत्पन्न लोहतो अंऊ दोबि खुश लहज़ा। यीशु मोह्ड़े वाईदा रंङ साते त्रैंईतु मोह्ड़े रखवाला बणेंके इलज़ा, अंऊ त्रैंईतु तु झुण्डो टोईच़ी दोऊ शुहई दोरच़ी हमेशा ओ थल्जी वाईदा ओ स्थापना ओ छाप लगाएसी तोह। दोऊ महिमा हमेशा तचेक शुहवा लोहतो। अमीन।

इब्रानियों 2:9

पर हेले दि तोह कि थोड़े टेमो थल्जी, यीशु दर्जा स्वर्गदूता बे थोड़े कम शुई। ताकि परमेश्वरो मोह्ड़े दाह रंङ साते यीशु भत्ते मीहतु थल्जी सिए योतो। दंङ छना यीशु ज़ि दुख उठाएती ए सिए इलि, परमेश्वरे दोबि महिमा ए आदर रांई।

1 पतरस 1:3

हेंदु प्रभु यीशु मसीहू बाह ए परमेश्वरो धन्यवाद शुहबी जूंस, अच़ि हेंदु थल्जी एनोह मोह्ड़े दाह ओ दोरच़ी हेंदिंङ इच्च़ा खरकोई जीवन रांहषी ततो। छना कुचे परमेश्वरे यीशु मसीह बि सिए दोतु बिचंङ ज़ि श्रींङमी लहरी, दोई हेंदिंङ महस आत्मविशवास रंङ श्रींङमिमी जोगे बणाके च़रति; मतलब हेनर दू चीज़ खोकच़िमी पूरे उम्मीद लेह तरपोंई अंऊ दोई हेंदिंङ रंड्रीमी वाईदा लहसी ततो।

प्रकाशित वाक्य 1:17

अपेहल गेह दोबि खंड्रातग ता दंङ गेह दोऊ कोंज़ो टोईच़ी दह्चे इलिगा। गेह इच्च़ा सिए मीहू ठ्रोह शुहचे इलिगा। दंङ दोई गिऊ टोईच़ी एनोह सुचंङ गुह्ट्र केहच़ी कुहतो, “बेऊ था; गेह मुण्डो ए थल मुखङ तचेक शुगाह, दंङ गेह दुह शुगाह अंऊ जहानो जुंशी शुगाह।”