इफिसियों 1:14 - लाहौली बाइबिल

¹⁴ परमेश्वर इच्च़ा बयाना ओ ठ्रोह तोह अंऊ हेंदिंङ भरोसा रंड्रा कि परमेश्वर हेंदिंङ दू विरासत रंड्रा अपि रंड्रीमी दोई वाईदा लहसी ततो दंङ दि ला कि दोई एनोह मीहरे शुहबिमी थल्जी च़ुमने चरच़तो। अंऊ दोरच़ी परमेश्वरो महिमा ए स्तुति शोतो।

इफिसियों 1:14 Iomraidhean Croise

लूको 21:28

अपेहल दिहरे गप्पारे शुहबी लेहपोर, दंङ हिम्मत रंङ साते खड़े शुहचे; अंजा मुसीबता बि रुमज़ा तोहई, छना कुचे केहतु छुटकारा कछंङ शोतो।”

प्रेरित 20:28

झांह लेह केरे केनातु ध्यान तंही दंङ दुह झुण्ड़ो ला, अतु पोहाल केतिंङ पवित्र आत्मा ज़ि अंङषी ततो कि केरे परमेश्वरो मीहतु देखभाल लंहि, अपि दोई एनोह शुई रें च़ुमसी शुह।

प्रेरित 20:32

दंङ हेंतेग गेह केतिंङ परमेश्वरा बि सौपेंकाच़ातग दंङ दोऊ मोह्ड़े दाह खबर अंऊ केतिंङ विशवासा रिंङ पक्‍का लहज़िमी जोगे तोह दंङ केतिंङ दुह भत्ते मीहतिंङ विरासत रंड्री अंऊ दोरे दोऊ एनोह शुरे।

रोमियो 8:23

सिर्फ धोंण ए मशत, पर हेनरे ला, अतिंङ शुहबिमी महिमा बे तुहई स्वादो रूपारिंङ पवित्र आत्मा बसेक्पा। एनोह अंदरेग ए अंदरेग क्रिम्बातोर। हेंतेग ञेंरे दू ध्याड़ा बि रुमज़ा तोतोंई अपेहल परमेश्वर हेंदिंङ एनोह गोद लेहपसी कटुतु रूपारिंङ भत्ते अधिकार रें च़रपोतो। मतलब हेंदिंङ खरकोई फुक रें हेंदु फुक आज़ाद लेह च़रपोतो।

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

2 कुरिन्थियों 5:5

परमेश्वरे हेंदिंङ खरकोईं फुको थल्जी तेयार लहसी शुह, दोई हेंदिंङ बयाना रिंङ पवित्र आत्मा रांहषी ततो। दि बयाना दू वाईदा शुह, अतिंङ परमेश्वर थले हेंदु थल्जी पूरा लोहतो।

गलातियों 4:6

छना कुचे हेनर परमेश्वरो कटुरे शुई दिऊ थल्जी परमेश्वरे एनोह योह ऊ आत्माबि हेंदु सेहमरिंङ च़रति, अंऊ परमेश्वरा बि “हे अब्बा, ‘हे बाह’ कुचे ते हाऊष रंड्रातंई।”

इफिसियों 1:11

दिऊ अलावा, हेंदिंङ मसीह रिंङ एकता शुहबी साते परमेश्वरो दोरच़ी विरासता रिंङ खोकसा तोह, छना कुचे दोई हेंदिंङ तुहई बेहच़ी अंङषी ततो, दंङ दू एनोह योजना ओ हिसाबे भत्ते कम लहज़ा।

इफिसियों 1:12

हेनर, यहुदीओ मुण्डो मीह शुई अच़ि मसीहू टोहकठे उम्मीद ततो दंङ हेंदिंङ दिऊ थल्जी अंङे च़रति ताकि हेनर परमेश्वरो महानता ओ थल्जी दोऊ स्तुति लोहवा लंहि।

इफिसियों 4:30

केनातु कमो दोरच़ी पवित्र आत्माबि दुखी थालंही, अंऊ केहतु छुटकारो थल्जी बयाना ओ रूपारिंङ रांहषी तोह।

1 पतरस 2:9

पर केरे झांह ठ्रोह माह तोंई छना कुचे केरे परमेश्वरो अंङषी मीहरे शुई, केरे झांह ठ्रोह यहुदी पुरोहित शुई अंऊ परमेश्वरो रज्ज़ा रूपा रिंङ सेवा लहज़ातंई, केरे परमेश्वरो सेवा लहज़िमी थल्जी समर्पित तोतोंई, दंङ परमेश्वरो एनोह सम्पति शुई। दोई केतिंङ हंयारो दोरच़ी एनोह अद्धभुत छंङीरिंङ अंङषी ततो, ताकि केरे परमेश्वरो अद्धभुत कमो घोषणा लेह तरपोंई।