इफिसियों 1:10 - लाहौली बाइबिल

¹⁰ अपेहल दि हिटी पूरे शुहबिमी टेम अपतो, दंङ परमेश्वर स्वर्ग ए धरतीऊ चीज़ातिंङ मसीहू अधीन लेह च़रपोतो, ताकि मसीह भत्ते चीज़ो मुख्या शोतो।

इफिसियों 1:10 Iomraidhean Croise

मत्ती 25:32

दंङ गेह भत्ते जातिरे घेंङौ तुईज़ी ठ्रोहका लोहग; दंङ छना पोहाले त्रैंई तिंङ ए छ्गाडारे शता लेहई ध्वांए गेह दोरे इपि अईदिरंङ शता लोहग।

मरकुसो 1:15

दंङ कुतोह, “ध्याड़ा पूरा शुहचे इलि, परमेश्वरो राज पिचे अन्ज़े तोत; मदम कमो दोरच़ी सेहम किर्ज़ुंई दंङ दि रूठे खबरो टोईच़ी विशवास लांही।”

1 कुरिन्थियों 10:11

पर दि भत्ते गप्पारे, अंऊ दोतु टोईच़ी शुई, इच्च़ा चेतावनीऊ ठ्रोह तोहई; दंङ दू हेंदिंङ चेतावनी रंड्रीमी थल्जी च़ेहसी तोह, अंऊ दि संसारो अन्तो मुक्कारिंङ बंङज़ा तोतोर।

1 कुरिन्थियों 11:3

पर गेह जुंज़ातग कि केरे इच्च़ा गप्पा ञेंई च़रतुंई कि हर इच्च़ा गंङमी पुंज़ा मसीह शुह, दंङ इच्च़ा मेच़ो ओ पुंज़ा दोऊ गगसा शुह, दंङ मसीह ऊ पुंज़ा परमेश्वर शुह।

गलातियों 4:4

पर अपेहल दू टेम अति अतु योजना परमेश्वरे बणाक्ते, दंङ परमेश्वरे एनोह योह दि संसारारिंङ च़रति, दंङ दू इच्च़ा मीहू रूपा रिंङ जेह्कते। दुह यहुदी जेह्के, मूसा ओ कानूनो अधीन दिऊ थल्जी बंङज़िरी,

इफिसियों 1:22

परमेश्वरे भत्ते चीज़ा तिंङ मसीहू अधिकारो अधीन लेह च़रति, दंङ दोबि कलीसिया ओ भलाई ओ थल्जी हर इच्च़ा चीज़ो मुख्या बणाके च़रति।

इफिसियों 2:15

मसीह ज़ि एनोह मौतो दोरच़ी मूसा ओ कानून बि दिऊ भत्ते हुकुमे विधि रंङ साते मिटाके च़रति। ताकि दू यहुदी ए ऊईजाति मीहतिंङ एनाह रंङ साते जोड़ेके दोतु बिचंङ शांति तरपोतो। दंङ झांह लेह इच्च़ा खरकोई झुण्ड बणेंके योतो।

इफिसियों 3:15

दू इच्च़ा ए तोह अंऊ विशवासी तु भत्ते टबरातु बाह तोह अंऊ दिरंङ साते सर्गंङ ए धरतीऊ टोईच़ी तोह,

इफिसियों 3:2

केहच़ी पक्‍का रेड्री शोंई, कि परमेश्वरे एनोह मोह्ड़े दाह ओ दोरच़ी गिह्बी रूठे खबर सुनाएच़िमी ज़िम्मेवारी रांहषी ततो।

कुलुस्सियों 1:16

छना कुचे मसीहरिंङ ए भत्ते चीज़ो सृष्टि शुई, स्वर्ग शुह या धरतीऊ, तंङषे या माह तंङषे, छि रज्ज़ा, छि प्रधानताऐ, छि अधिकार भत्ते चीज़ा रे दोऊ सेवा ओ थल्जी बणेषी शुह।

कुलुस्सियों 1:20

परमेश्वरे एनोह योह च़रच़िमी फेंसला लहरी, अच़ि एनोह शुहई बहाएक्ति दंङ क्रूसो टोहकठे सिए इलि। परमेश्वरे झांह ठ्रोह एनोह ए दंङ भत्ते चीज़ा तु बिचंङ मेल मिलाप लहच़िमी थल्जी लहरी। झांह लेह, दोई एनोह ए, भत्ते चीज़ा तु बिचंङ शांति स्थापित लेह च़रति अंऊ स्वर्ग रिंङ तोह दंङ दुह भत्ते अंऊ धरतीरिंङ तोह।

कुलुस्सियों 3:11

झांह लेह यूनानी मीहतु ए यहुदी तु मीहतु बिचंङ छल्ले भेदभाव माह केहषीरि, माह अरिया खतना दंङ माह ए अरिया खतना मेह मीहतु बिचंङ, माह परदेशी मीहरे, माह बेढंघा मीहरे (असभ्य), माह परगर मीहरे दंङ माह ए आज़ाद मीहतु; पर मसीह ए भत्ते बे मोह्ड़े तोह, दंङ दुह एनोह भत्ते मीहतंङ साते बंङज़ा।

इब्रानियों 1:2

पर दि अन्तिम ध्याड़ारिंङ ञेंहच़ी हेंदु योह दोरच़ी गप्पा लहरिन। परमेश्वरे एनोह योह दोरच़ी भत्ते संसारो रचना लहरी दंङ दोबि भत्ते चीज़ा तु वारिस बणाके च़रति।

इब्रानियों 11:40

छना कुचे परमेश्वरो कछंङ सिर्फ दोतु थल्जी ए मशत, पर हेंदु थल्जी ला इच्च़ा रूठे योजना तोह। परमेश्वरे जुंज़ाते कि दोरे हेंदंङ साते ए सिद्ध बणाएषी जुंज़ा।

इब्रानियों 9:10

छना कुचे दोरे सिर्फ मीहतु ज़ेई ए तुंङमिमी चीज़ा तु पाहठी दंङ महसे सुज़िमी पाहठी कंड्रातेर अतु दोरच़ी मीहरे धकते च़ि संङा शुहचे यवातेर दि ज़रूरी तोहई कि दि कानूना बि दोहपल तचेक पूरा लोहर अपेहल तचेक कि परमेश्वरे मीहतंङ साते इच्च़ा खरकोई वाईदा माह लोहतो।

1 पतरस 1:20

दि संसारो रचना बे तुहई, परमेश्वरे दि सोचेके चरच़ाते कि यीशु मसीह छुड़ाएसा शोतो। पर दू केहतु मदत लहज़िमी थल्जी दि अंतिम ध्याड़ा रिंङ दि संसारारंङ प्रगट शुई।

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”