इफिसियों 1:1 - लाहौली बाइबिल

¹ गेह, पोलुस, दि डाक चेह्ची लेहकी तोतग। गेह परमेश्वरो हिटी ऊ हिसाबे यीशु मसीहू प्रेरित शुगाह, गेह दि डाक इफिसुस शहरो बंङज़ा परमेश्वरो मीहतिंङ चेहच़ातग, अंऊ मसीहू यीशु थल्जी वफादार तोह।

इफिसियों 1:1 Iomraidhean Croise

लूको 16:10

अरी क्वाच़ी-क्वाच़ी गप्पातु थल्जी ईमानदार तोह दुह मोह्ड़े गप्पातु थल्जी ला ईमानदार तोह: दंङ अरी महसे क्वाच़ी-क्वाच़ी गप्पातु थल्जी बेईमान तोह, दुह मोह्ड़े गप्पातु थल्जी ला बेईमान शोतो।

प्रेरित 16:15

दंङ अपेहल दोई एनोह भत्ते खानदाना रंङ साते बपतिस्मा लेह्प्ती, दंङ दोई विनती लहरी, “अगर केहच़ी गिह्बी परमेश्वरो विशवासिनी चेहच़ातंई, दंङ अंज़े गिऊ चुंङ बंङज़ुंई, दंङ दोई ञेंहरे मानाके रेंज़ा शिली।”

प्रेरित 18:19

अपेहल दोरे इफिसुस शहर रिंङ पिचे इलिर, दोहपल पोलुस यहुदी सभो घरबारंङ इलि दंङ यहुदी मीहतंङ साते बहस लहरी। दोच़ी दोबि दोर्तिंङ ए दोतंङ साते बंङज़िमी थल्जी महस कोशिश लहरिर, पर पोलुसे इन्कार लेह च़रति। दंङ कुई, “अगर परमेश्वरे दिए जुंज़ा, दंङ यह्च़ा अपोग।” दोहपल दोई अक्किला ए प्रिस्किल्ला बि इफिसुस शहर छोड़ेके च़रति, दंङ दोरे तुंखा इबिमी थल्जी इच्च़ा जहाज़ा रिंङ सवार शुचि इलिर।

प्रेरित 9:13

हनन्याह ज़ि जुबाब रेंई, हे प्रभु यीशु, गेह दिह मीहू पाहठी महसे तु आहच़ि रेड्री तातेग कि दिह यरूशलेम शहरंङ कांह कनु मीहतंङ साते अंयों मदम लहसी ततो।

रोमियो 1:1

गेह पोलुस दि डाक च़ेहसी लेहकी तोतोग, अंऊ यीशु मसीहू परगर शुगाह, परमेश्वरे गेह प्रेरित शुहबिमी थल्जी अंङषी शुगाह, दंङ परमेश्वरो तरफे दुह रूठे खबरो प्रचार लहज़िमी थल्जी शत्‌ह लेह च़रति।

रोमियो 1:7

गेह दि डाक रोम शहरो दुह भत्ते मीहतु थल्जी च़ेहसी लेहकी तोतोग, अंऊ परमेश्वरो प्यारे तोतोर, दंङ अतिंङ परमेश्वरे एनोह मीहरे शुहबिमी थल्जी अंङषी ततो; हेंदु बाह परमेश्वर ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

रोमियो 8:1

झांह लेह, एंतेग अंऊ यीशु मसीह रिंङ तोतोर, दोतु टोईच़ी सज़ाओ हुकुम माह। (छना कुचे दोरे फुको हिसाबे माह पर आत्माओ हिसाबे जोज़ातोर।)

1 कुरिन्थियों 4:12

दंङ हेंदु ए गुह्ट्र कम लहज़ी मेहनत लहज़ातंई। अपेहल मीहच़ी ञेंतिंङ मदम कुट्रातोर, दंङ ञेंरे दोतिंङ आशीष रंड्रातंई; दोरे सताएच़ातोर दंङ ञेंरे सहन लहज़ातंई।

1 कुरिन्थियों 4:17

गेह तीमुथियुसा बि अंऊ यीशु रिंङ गिऊ प्यारे ए विशवासो जोगे योह तोह, केहतु कछंङ च़रतिगा, छना कि गेह हर ठहरि ए हर इच्च़ा कलीसियारिंङ शिक्षा रंड्रातग।

2 कुरिन्थियों 1:1

गेह, पोलुस दि डाक च़ेहच़ी लेहकी तोतोग। गेह परमेश्वरो हिटी रंङ यीशु मसीहू प्रेरित शुगाह। दंङ हेंदु साथी विशवासी तीमुथियुसो तरफे परमेश्वरो दू कलीसिया बि च़ेहच़ी लेहकी तोतोग अंऊ कुरिन्थुस नगरंङ तोह, दंङ परमेश्वरो भत्ते मीहतिंङ अंऊ अखाया ओ नगरंङ बंङज़ातोर।

गलातियों 1:1

गेह, पोलुस, केतिंङ दि डाक च़ेहच़ी लेहकी तोतोग। गेह इच्च़ा प्रेरित शुगाह, गेह माह अरिया मीहू दोरच़ी प्रेरित बणेंके शुगाह, पर यीशु मसीह ए परमेश्वर बाह ओ दोरच़ी, अंङषी शुगाह, अच़ि यीशु बि सिऊ दोतु बिचंङ ज़ि श्रींङमी लहसी शुह।

गलातियों 3:26

अपेहल केहच़ी मसीहू मिंदिंङ बपतिस्मा लेहपच़ातेंई, दंङ केहच़ी मसीहू खरकोई जीवन लेहकी चरच़ातंई। झांह लेह, अपेहल केहच़ी यीशु मसीहू टोईच़ी विशवास लाहतंई, दोहपल केरे भत्तेर परमेश्वरो कटुरे बणेंके इलोंई।

गलातियों 3:28

दंङ हेंतेग माह ए अरिया यहुदी तोह दंङ माह ए ऊई जाति, माह अरिया दास तोह दंङ माह ए अरिया आज़ाद, ए स्वतंत्र, माह ता अरिया गंङमी दंङ माह ए मेच़िमी, केरे भत्तेर यीशु मसीह रिंङ इच्च़ा शुहचे इलजी तोतोंई।

गलातियों 3:9

परमेश्वरे अब्राहमा बि दोऊ विशवासो दोरच़ी आशीष रांई, ध्वांए ठ्रोह अंऊ ला यीशु मसीहू टोहकठे विशवास लोहतो दू पक्‍का अब्राहमो रंङ साते परमेश्वरो दोरच़ी आशीष खोकपोतो।

इफिसियों 1:15

दिए वहज़ा तोह कि गेह ला प्रभु यीशु मसीह बि केहतु विशवास ए परमेश्वरो मीहतु थल्जी केहतु दाह ओ पाहठी रेड्रा,

इफिसियों 2:10

छना कुचे हेनर परमेश्वरे बणाषी शुई; दंङ यीशु मसीह रिंङ दू रूठे कमो थल्जी बणाषी अपि परमेश्वरे तुहई बेहच़ी हेंदु लहज़िमी थल्जी तेयार लहसी ततो।

इफिसियों 2:13

इच्च़ा टेम तोहई अपेहल केरे परमेश्वरो दोरच़ी महस ऊईतार तोईनी, पर हेंतेग परमेश्वर केतिंङ यीशु मसीहू शुहई दोरच़ी एनोह कछंङ रैंज़ा हति।

इफिसियों 2:6

परमेश्वरे हेंदिंङ यीशु मसीह रंङ साते हेंदु एकता ओ वहज़ा ज़ि, सिऊ दोतु बिचंङ ज़ि श्रींङमी लहरी दंङ हेंदिंङ स्वर्ग रिंङ मसीह रंङ साते राज लहज़िमी जोगे बणाएक्तो।

इफिसियों 6:21

प्रभु संगति रिंङ प्यारे न्वा ए विशवासो जोगे सेवक तुखिकुस केतिंङ दि भत्ते कंज़े च़रपोतो, ताकि केहच़ी ला ञेंई तरपोंई कि गेह छना तोतोग दंङ छि लहच़ी लेहकी तोतोग।

कुलुस्सियों 1:2

मसीहरिंङ दुह पवित्र ए विशवासो जोगे न्वारे तु मिंदंङ अंऊ कुलुस्सियो शहरारिंङ बंङज़ातेग; ञेंहतु बाह परमेश्वरो दोरच़ी केतिंङ मोह्ड़े दाह ए शांति खोकसा लोहतो।

प्रकाशित वाक्य 17:14

दोरे कुरच़ो खिलाप लड़ेपोर, पर कुरच़ा दोतिंङ यहरच़े च़रपोतो, छना कुचे दुह प्रभु तु प्रभु ए रज्ज़ा तु रज्ज़ा शुह। कुरच़े एनोह बुलासी दोरे, अंङषी दोरे दंङ विशवासो जोगे साथी तंङ दोतु टोईच़ी द्रक्शे योतो।

प्रकाशित वाक्य 2:10

दुह दुखा रंङ साते थाबेईनि अंऊ कनिंङ खोकसोतो। शेतान केहतु बिचंङ रेहतिंङ गिरफ्तार लोहतो दंङ केतिंङ कैदारिंङ केहच़ी च़रपोतो ताकि दोई केहतु परीक्षा लोहतो। केरे साह ध्याड़ा तचेक महस मुसीबतो अनुभव लोहनि। पर गिऊ टोईच़ी विशवास लहज़ी अपेहल ला था छोडे़क्तेंई, चाहे केतिंङ सिए पढ़ेक्पोतो, छना कुचे गेह केतिंङ जीतो थल्जी ईनामो रूपारिंङ अनंत जीवन रमोग।

प्रकाशित वाक्य 2:13

गेह दि ञेंहच़ातग कि काह दुह शहरारिंङ बंङज़ातन अंऊर शेताने राज लहज़ा। काह गिऊ थल्जी विशवासो जोगे बणेंके बंङज़िन दंङ गिऊ टोईच़ी विशवास लहज़ी ब्याड़ा माह लहरिन। केई दुह मुक्का ला विशवास लहरिन अपेहल दोच़ी अन्तिपासा बि दोर्तिंङ सच़ी च़रतिर अंऊर शेताने राज लहज़ाते। अन्तिपास मीहच़ी गिऊ पाहठी विशवासा रंङ साते कंङातोर।