कुलुस्सियों 4:8 - लाहौली बाइबिल

⁸ दोबि गेह झांह लेह केहतु कछंङ च़रतिग, कि केतिंङ पता लेह्पोतो कि ञेंरे छना तोतोंई। दंङ दोई केतिंङ विशवासारिंङ पक्‍का लोहतो।

कुलुस्सियों 4:8 Iomraidhean Croise

1 कुरिन्थियों 4:17

गेह तीमुथियुसा बि अंऊ यीशु रिंङ गिऊ प्यारे ए विशवासो जोगे योह तोह, केहतु कछंङ च़रतिगा, छना कि गेह हर ठहरि ए हर इच्च़ा कलीसियारिंङ शिक्षा रंड्रातग।

2 कुरिन्थियों 1:4

परमेश्वर हेंदिंङ हेंदु भत्ते मुसीबता रिंङ तसल्ली रंड्रा। हेनर ऊईतिंङ ध्वांए ठ्रोह तसल्ली रें तरपोंई छना परमेश्वरे हेंदिंङ तसल्ली रंड्रा।

2 कुरिन्थियों 12:18

गेह तीतुसा बि समझाके दोरंङ साते दू विशवासी न्वा च़रतिगा, दंङ छि तीतुसे छल लहज़ी ते केहतु दोरच़ी छा लेहपच़ातो आ? छि हेनर इच्च़ा ए मकसदा रंङ साते माह ज़ोवातंई आ? छि इच्च़ा ए तरीका रंङ साते कम माह लोहनि आ?

2 कुरिन्थियों 2:7

झांह लेह दिऊ थल दि रूठे तोह कि दोऊ अपराध माफ लंहि, अगर केरे दोबि माफ माह लहज़ातंई दंङ शायद दू धोंण दुखी शोतो कि निराशा रिंङ एनोह हार मनेकी च़रपोतो।

इफिसियों 6:22

दोबि गेह केहतु कछंङ दिऊ थल्जी चरच़ातग, कि केरे ञेंहतु हालात ञेंई तरपोंई, दंङ दोई केहतु सेहमरिंङ याहब रमतो।

फिलिपियों 2:28

झांह लेह गेह दोबि च़रच़िमी ऊई ला कोशिश लहरिग कि केरे दोरंङ साते यह्च़ा दोहा ते खुश शुहचे ईलांई, दंङ गिऊ चिंद ला कम शुहचे योतो।

कुलुस्सियों 2:2

गेह मेहनत दिऊ थल्जी लहतेग ताकि दोतु विशवास बणेक्पोतो दंङ दोरे दाह रंङ साते ऐनातु बिचंङ बणेंके बंङज़ोर, गेह जुंज़ातग कि दोतिंङ पूरा भरोसा शुहबी जूंस छना कुचे दोतिंङ परमेश्वरो गुप्त योजना ओ पूरा समझ तोह अंऊ ऐनाह ए मसीह तोह।

1 थिस्सलुनीकियों 2:11

छना केहच़ी ञेंच़ातंई, कि छना बाह एनोह कटुतंङ साते व्यवहार लहज़ा ध्वांए ए ञेंहच़ी ला केहतु बिचंङ हर इच्च़ाबि शिक्षा रंड्रा ए शांति रंड्रा तस्सली रंड्रातंई।

1 थिस्सलुनीकियों 3:2

दंङ ञेंहच़ी तीमुथियुसबि केहतु कछंङ च़रतिन, अंऊ मसीहू रूठे खबरारिंङ ञेंहतु न्वा ए परमेश्वरो सेवक तोह। ताकि दोई केतिंङ विशवासरिंङ पक्‍का लोहतो, दंङ लगातार विशवास लहज़िमी थल्जी उत्साहित लोहतो।

1 थिस्सलुनीकियों 3:5

झांह लेह अपेहल गेह ऊई ज़हके मरतिगा, दंङ केहतु विशवासो हाल ञेंच़िमी थल्जी तीमुथियुसा बि च़रचातेग, छना कुचे ञेंरे बेवातेंई कि, परीक्षा लहज़ा शेताने केहतु परीक्षा लोहतो, दंङ ञेंहतु मेहनत बेकार शुचे योतो।

1 थिस्सलुनीकियों 4:18

झांह लेह दि गप्पा रंङ साते इदि-अईदि बि हिम्मत रमा लंहि।

1 थिस्सलुनीकियों 5:11

झांह लेह इदि अईदि बि याहब रम्मा लंहि, दंङ परमेश्वरो टोहकठे ऊई ला महस पक्‍का विशवास लहज़िमी थल्जी इदि अई दिऊ मदत लोहवा लंहि, छना कि केहच़ी लोहवा ला लहज़ातंई।

1 थिस्सलुनीकियों 5:14

दंङ हे गिऊ प्यारे विशवासी साथी रे, ञेंहच़ी केतंङ साते बिनती लहज़ातंई, कि केहच़ी दुह मीहतिंङ खबरदार लंहि अंऊ सुस्त शुहचे इलजी तोतोर, दंङ दुह मीहतिंङ उत्साहित लंहि अंऊ डरपोक तोतोर, दंङ अंऊ विशवासरिंङ कमज़ोर तोतोर दोतु मदत लंहि, दंङ भत्ते तंङ साते सहनशीलता रंङ साते बंङज़ु।

2 थिस्सलुनीकियों 2:17

दि प्रार्थना लहज़ातंई कि दोई केहतु सेहमरिंङ हिम्मत रमतो दंङ हर रूठे गप्पारिंङ अंऊ केहच़ी कुट्रातंई केतिंङ पक्‍का लोहतो।