कुलुस्सियों 3:9 - लाहौली बाइबिल

⁹ इदि अईदिरंङ साते हप्सी थाकुंई, छना कुचे केहच़ी केनातु युई स्वाभाव ए भत्ते झखंजी स्वाभाव छोड़ेके चरच़ातंई।

कुलुस्सियों 3:9 Iomraidhean Croise

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

रोमियो 6:6

ञेंहच़ी ञेंहच़ातोंई कि ञेंहतु युई पापो स्वाभाव यीशु मसीह रंङ साते क्रूसो टोईच़ी चढ़ाके च़रतिर ताकि हेंदु फुका रिंङ पापो स्वाभाव नाश शुहचे योतो, दंङ हेनर तुंखा पापो गुलामीरिंङ माह बंङज़ोंई।

इफिसियों 4:22

केहतु सिखाएच़ा दोच़ी केतिंङ दू तरीका छोड़ेक्च़िमी शिक्षा रेंईर, अतु हिसाबे केहच़ी व्यवहार लहज़ातंई। केहतु मदम हिटी केतिंङ धोखा रें च़रति दंङ केहतु जीवन बरबाद लेह च़रति।

इफिसियों 4:25

झांह लेह हप्सी कुट्री छोड़ेके, हर इच्च़ा साथी विशवासारंङ साते हेले कुंई, छना कुचे हेनर भत्तेर इच्च़ा फुको अंङ शुई।

कुलुस्सियों 3:8

पर हेंतेग केरेला दि भत्ते धिर मतलब रोहष, लड़ाई-झगड़ा, बुराई, आहच़ि गह्डी रंड्री दिह भत्ते गप्पारे छोड़ेके च़रतुंई।

1 तीमुथियुस 1:10

दंङ कुकम लहज़ा ए समलैंगिक, दंङ दुह मीहरे अंऊ मीहतिंङ रैंज़ा दोतिंङ गुलाम बणाके लंङे चरच़ातोर, दंङ हप्सी कुट्रा मीहरे, दंङ हप्सी कसम लहज़ा, दंङ दुह भत्ते तु थल्जी शुह, अंऊ सच्चा शिक्षाओ खिलाप तोतोर।

प्रकाशित वाक्य 21:27

पर छिल्ला धिर अपवित्र तोहई या दोरे मीहरे अंऊ दोच़ी मदम कम लहज़ातोर या हप्सी कुट्रातोर, दोतिंङ पक्‍का रूपारिंङ देर्तिंङ अपिमी इजाज़त माह तोहई। अंऊ मीहरे देर्तिंङ अपि तरपोर, दोरे, दुह मीहरे शुरे अतु मिन कुरच़ो जीवनो कताबा रिंङ च़ेहसी तोहई।

प्रकाशित वाक्य 21:8

पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।

प्रकाशित वाक्य 22:15

पर मदम मीहरे, दंङ एनातु साथी तु थल्जी जादू-टोना लहज़ा, कुकम, ए हत्या लहज़ा, दंङ मुर्ति तु अराधना लहज़ा, दंङ भत्ते हप्सी कुट्रा अपेहला शहरा रिंङ इबि मरपोर।