कुलुस्सियों 3:8 - लाहौली बाइबिल

⁸ पर हेंतेग केरेला दि भत्ते धिर मतलब रोहष, लड़ाई-झगड़ा, बुराई, आहच़ि गह्डी रंड्री दिह भत्ते गप्पारे छोड़ेके च़रतुंई।

कुलुस्सियों 3:8 Iomraidhean Croise

मत्ती 5:22

पर गेह केतिंङ दिह कुट्रातग, कि अच़िला एनोह न्वाबि रोहष लोहतो दुह यहुदी सभारिंङ दण्डो हकदार शोतो, दंङ अच़िला एनोह न्वाबि कम माहलाहज़ा कोतो दुह यहुदी महासभाओ तुईज़ी दण्डो हकदार शोतो; दंङ अच़िला कोतो ‘ए बमजी’ (बेबकूफा) दुह नरको मेहऊ दण्डो जोगे शोतो।

मरकुसो 7:22

लोभ, दुष्टता, आलास, मांजी टीरा, बुराई, घमण्ड, मुर्खता हुंज़ी।

रोमियो 13:13

अतंई हेनर हेंदु स्वाभाव ठीक लहज़िमी कोशिश लोहनि, दू मीहतु ठ्रोह अंऊ छंङीरिंङ बंङज़ातोर दंङ हंञारारिंङ माह हेनर मांजी कम ए नशाबाज़ी, कुकम ए भोगविलास, झगड़ा ए जलनो दोरच़ी शत्‌ह बंङज़ोंई।

1 कुरिन्थियों 3:3

छना कुचे हेंतेग तचेक केनातु पापी हिटी रिंङ तोतोंई। झांह लेह अपेहल कि केरे जलन ए लड़ाई ए झगड़ा तोह, छि दिरंङ दि साबित माह शवाह कि केरे केनातु पापी स्वाभावो दोरच़ी काबू शवातंई? दंङ केरे झांह ठ्रोह मीहतु ठ्रोह श्रींङमातंई अंऊ प्रभु माह तोर।

2 कुरिन्थियों 12:20

दंङ गिह्बी दिला बेह्द तोह, कि झांह शुहबी मेस, कि गेह अंज़े छना जुंज़ातग, ध्वांए केतिंङ माह खोकपोग; दंङ गिह्बी ला छना केहच़ी माह जुन्ज़ातंई ध्वांए खोकपोंई, दंङ गिह्बी दि ला बेह्द तोह कि केहतु बिचंङ झगड़ा, जलन, रोहष, विरोध, चुगली, घमण्ड ए बखेड़ा लहज़िमी ठ्रोह स्वाभाव खोकपोग।

गलातियों 5:15

पर अगर केरे लगातार इदि-अई दिरंङ साते झगड़ा लहज़ातंई दंङ इदि-अईदि बि परेशान लहज़ातंई ता दंङ खबरदार शुहचे इलांई, केरे केनातिंङ बर्बाद लेह च़रपोंई।

गलातियों 5:20

मुर्तिऊ पूजा, जादू टोना, दुश्मनी, झगड़ा, जलन, रोहष, स्वार्थ, फूट केट्री, विधर्म,

गलातियों 5:26

हेंदिंङ घमण्ड लेह माह जूंस, दंङ माह ए हेंदिंङ इदि-अई दिरंङ साते जलन लहज़ी जूंशी तोह।

इफिसियों 4:22

केहतु सिखाएच़ा दोच़ी केतिंङ दू तरीका छोड़ेक्च़िमी शिक्षा रेंईर, अतु हिसाबे केहच़ी व्यवहार लहज़ातंई। केहतु मदम हिटी केतिंङ धोखा रें च़रति दंङ केहतु जीवन बरबाद लेह च़रति।

इफिसियों 4:25

झांह लेह हप्सी कुट्री छोड़ेके, हर इच्च़ा साथी विशवासारंङ साते हेले कुंई, छना कुचे हेनर भत्तेर इच्च़ा फुको अंङ शुई।

इफिसियों 4:26

अगर केतिंङ रोहष अपतो, दंङ ध्यान तंही कि पाप थालंही; दंङ ञोंकोल शुहतर तचेक केहतु रोहष शांत शुहबी जूंस।

इफिसियों 4:29

अंऊ ला झखंजी गप्पा केहतु आहच़ि हुंच़ी मेस, पर दू गप्पारे कुंई अंऊ मीहतु थल्जी ज़रूरी तोह, अंऊ कि दोतिंङ विशवास रिंङ पक्‍का लहज़िमी थल्जी मदत लोहतो। दू मुक्का छिल्ला केहच़ी कुंई दू केहतु रेड्रा दोतु थल्जी रूठे शोतो।

इफिसियों 5:4

दंङ माह निर्लजता रंङ साते गप्पा लहज़ी, माह मुर्खता ओ गप्पा, दंङ माह ए मज़ाको घटिया गप्पा लहज़ी केहतु थल्जी ठीक तोह, पर केतिंङ दिऊ ठाहरीरिंङ परमेश्वरो धन्यवाद लहज़ी जूंशी तोह।

कुलुस्सियों 3:5

झांह लेह केरे दुह मांजी कम लहच़ी बंद लेह केहनि अंऊ केहतु पापी स्वाभावारिंङ जुड़ेके तोह। छना कि कुकम, अशुद्धता, मांजी सेहम, मदम लालच लोभ अंऊ मुर्ति पूजा लहसी बराबर तोह।

कुलुस्सियों 3:9

इदि अईदिरंङ साते हप्सी थाकुंई, छना कुचे केहच़ी केनातु युई स्वाभाव ए भत्ते झखंजी स्वाभाव छोड़ेके चरच़ातंई।

1 तीमुथियुस 1:13

गेह विशवासी बणेक्पिमी तुहई, मसीहू पाहठी मदम कुट्रा ए विशवासीतिंङ तंग लहज़ा ठ्रोह ए झखंजी मीह तोहई, तांला परमेश्वरे गिऊ टोहकठे दाह लहरी छना कुचे गेह अयता तचेक मसीहू टोहकठे विशवास माह लहज़ातेग दंङ झांह लेह गेह समझेके मरतिगा कि छि गेह लहच़ी लेहकी तोईग दुह गलत शुह।

1 तीमुथियुस 1:20

गेह दोतु बिचंङ ज़ि हुमिनयुस ए सिकंदर मिन्दु गंङमी बि कलीसिया ओ दोरच़ी धकते हुंज़े चरच़ातग, दंङ दोतिंङ शेतानो शाक्ति ऊ हवाले लेह चरच़ातग ताकि दोरे सिखेपोर कि परमेश्वरो बुराई लेह माह जूंस।

इब्रानियों 12:1

हेंदु कछंङ झांह ठ्रोह महस मीहरे तोतोर अंऊ दोतु विशवासे दि कंड्रा कि विशवासो मतलब छि शुहबी। दिऊ थल्जी अतंई हेंज़ी हर इच्च़ा रूकावट दंङ पाप बि शत्‌ह लेह, हेंदिंङ अंऊ अमरिंङ जोज़िमी तोह, दोऊ टोईच़ी जोज़ातंई।

याकूब 2:7

दोरे दुह ए शुरे अंऊ यीशु मसीहू मोह्ड़े मिंदंङ मांजी गप्पा कुट्रातोर, अतंङ साते केहच़ी संबध तहज़ातंई।

1 पतरस 2:1

झांह लेह भत्ते पाहठी मदम व्यवहार छोड़ेके च़रतुंई। ऊईतिंङ धोखा थारांई, पाखंडी थाशुंई। ऊईतिंङ साते जलन थालंही। ऊई मीहतु पाहठी मदम गप्पा था कुंई।

2 पतरस 2:18

अपेहल दोरे मीहतिंङ धोखा रंड्रातोर, दंङ दोरे शुह्के ए घमण्डो शब्दा तु इस्तेमाल लहज़ातोर। दोच़ी मीहतिंङ कंड्रातोर कि दोच़ी दुह षेह्द अपिमी जोगे कम लेह तरच़ातोर अंऊ दोतु फुक लेह जुंज़ा दंङ दोरे दुह मीहतिंङ यह्च़ा पाप लहज़िमी थल्जी भरमाके केट्रातोर, अंऊ हेंतेग-हेंतेग झांह ठ्रोह मदम कमो दोरच़ी बचेके हुंच़ा तोतोर।

2 पतरस 2:7

पर सदोम ओ विनाश लहज़िमी बे तुहई, परमेश्वरे लूता बि अंऊ इच्च़ा धर्मी मीह तोहई, शहरो दोरच़ी हुंच़ी च़रति दंङ झांह ठ्रोह दोबि बचाके च़रति। लूत महस परेशान तोहई छना कुचे सदोमो मीहरे अंऊ ला कानूनो भाषे माह लहज़ातेर दंङ षेह्द अपिमी जोगे कम लहज़ातेर।

यहूदा 1:13

छना समुंद्रो प्रचंड छ्वली झखंजी षुफ हुंच़ा, ध्वांए दिरे मीहरे षेह्द अपिमी जोगे कम लहज़ातोर। दोरे रेह करज़े तु ठ्रोह तोतोर अंऊ इच्च़ा ए अमरिंङ माह जोज़ातोर, दोच़ी ठीक अम माह खंड्रातोर। प्रभु दोतु थल्जी इच्च़ा ठहरि केट्रा अंऊ पूरे ठ्रोह हंयार तोह अंऊर दोतिंङ हमेशा ओ थल्जी बंङज़ी लेह्पोतो।

यहूदा 1:8

ध्वांए ठ्रोह, दि अधर्मी मीहरे दावा लहज़ातोर कि परमेश्वरे दोतिंङ दर्शना रिंङ कंङातो कि दोरे एनोह हिसाबे श्रींङी एनोह फुक भ्रष्ट लेह तरपोर, दोतिंङ अपिला एनोह टोईच़ी अधिकार लहज़िमी ज़रूरत माह दंङ दोरे महिमामय स्वर्गदूता तु पाहठी मदम कुट्रातोर।

प्रकाशित वाक्य 16:9

मीहरे दि महस ट्रोते रोह्षा इलिर, दंङ दोच़ी परमेश्वरो मिन्दु निन्दा लहरिर, छना कुचे दुह ए तोहई, अतु टोईच़ी दुह सज़ा ओ अधिकार तोहई। दोच़ी हेंतेग ला एनोह पापो दोरच़ी पश्चाताप माह लहरिर, दोच़ी हेंतेग ला परमेश्वरो महानता बि ग्रहण माह लहरिर।