कुलुस्सियों 3:5 - लाहौली बाइबिल

⁵ झांह लेह केरे दुह मांजी कम लहच़ी बंद लेह केहनि अंऊ केहतु पापी स्वाभावारिंङ जुड़ेके तोह। छना कि कुकम, अशुद्धता, मांजी सेहम, मदम लालच लोभ अंऊ मुर्ति पूजा लहसी बराबर तोह।

कुलुस्सियों 3:5 Iomraidhean Croise

मत्ती 15:19

छना कुचे मदम विचार, हत्या ऊई मेच़मीऊ थल्जी लालच, कुकम, चोरी, हप्सी गवाही ए मांजी कुट्री सेहमंङ ज़ि ए हुंज़ी।

रोमियो 1:26

झांह लेह परमेश्वरे दोतिंङ दोतु नीच कामनाओं वश रिंङ छोड़ेके केहरी; देर तचेक कि दोतु मेच़िमी लाह रूठे रंङ साते अंऊ स्वभावो खिलाप तोद बदलेके कहरी।

रोमियो 1:29

झांह लेह दुह भत्ते अधर्म, दुष्टता, लोभ, वैरभाव रंङ पिंङी इलिरे; दंङ जेगद्न्सी, हत्या, झगड़ा, छल, डाह रंङ साते भरपूर शुहचे इलिरे, दंङ चुगलखोर,

रोमियो 6:13

दंङ माह ए फुको अंङा रे मदम हिटी थल्जी इस्तेमाल लंहि, पर केनातिंङ सिऊ दोरच़ी श्रींङे ञेंए केनातु जीवन परमेश्वराबि रें च़रतुंई, दंङ केनातु फुको अंङर सही कम लहज़िमी थल्जी परमेश्वरो हवाले लेह च़रतुंई।

रोमियो 6:6

ञेंहच़ी ञेंहच़ातोंई कि ञेंहतु युई पापो स्वाभाव यीशु मसीह रंङ साते क्रूसो टोईच़ी चढ़ाके च़रतिर ताकि हेंदु फुका रिंङ पापो स्वाभाव नाश शुहचे योतो, दंङ हेनर तुंखा पापो गुलामीरिंङ माह बंङज़ोंई।

रोमियो 7:23

पर गिह्बी घेंङौ फुको अंङ रिंङ ऊई पाहठी नियम तंङफातोर, अंऊ गिऊ बुद्धि ऊ नियम रंङ साते झगड़ा लहज़ातोर, दंङ दोच़ी गिह्बी दू पापो गुलाम लेह चरच़ातोर अंऊ एंतेग ला गिऊ अंदरेग तोह।

रोमियो 7:5

छना कुचे अपेहल हेनर हेंदु पापी स्वाभावो वशा रिंङ तोईनी, दंङ पापो हिटी हेंदु अंदरेग कम लहज़ी लेहकी तोहई, दंङ कानूने दि मदम हिटी चेहक्पी लेह च़रति, दंङ मौतो फल पैदा लहज़िमी थल्जी हेंदु फुका रिंङ कम लहज़ाते।

रोमियो 8:13

छना कुचे अगर केरे पापमय स्वाभावो ठ्रोह ध्याड़ा च़रपोंई, दंङ हेले सिए योंई, अगर पवित्र आत्माओ सामर्थे पापमय कम सच़ी च़रपोंई, दंङ केरे श्रींङे बंङज़ोंई।

1 कुरिन्थियों 5:1

गेह मीहतिंङ केहतु पाहठी दि कुट्री रेड्रीगा, कि केहतु कलीसिया रिंङ रें मीहरे कुकम लहज़ातोर, मतलब कि झांह ठ्रोह कुकम अंऊ ऊईजाति तु बिचंङ ला माह शवाह, दू दि तोह कि इच्च़ा मीह एनोह सौतेली याह रंङ साते कुकम लहज़ा।

1 कुरिन्थियों 6:11

तुहई केहतु बिचंङ रे ध्यांए ठ्रोह श्रींङमातेर, पर केरे प्रभु यीशु मसीहू मिंदंङ साते ए हेंदु परमेश्वरो आत्मा रंङ साते केहतु पाप शुहल्ज़े चरच़तो, दंङ केतिंङ एनोह थल्जी शत्‌ह लहरी दंङ केतिंङ एनोह नज़ारारिंङ धर्मी बणाके चरच़तो।

1 कुरिन्थियों 6:13

“रे मीहरे ता झांह ला कुट्री तरपोर कि, बगत खोकटुंङ ओ थल्जी शुह।” दि हेले शुह कि, पर परमेश्वर झुल्लो अंत लेह च़रपोतो। फुक कुकमो थल्जी माशुह, बल्कि हेंदिंङ हेंदु फुको इस्तेमाल लेह जूंशी तोह अंऊ प्रभु ज़ि जुंज़ा दंङ हेंदु फुक प्रभु थल्जी शुह।

1 कुरिन्थियों 6:18

कुकमो दोरच़ी पूरी तरह शत्‌ह बंङज़ेंई, मीहू दोरच़ी लहसी ऊई पाप दोऊ फुका बि धोंण नुकसान माह लहज़ा, अंयों कुकमे लहज़ा कुकम लहज़ा दोई एनोह फुको खिलाप पाप लहज़ा।

2 कुरिन्थियों 12:21

दंङ झांह शुहबी मेस कि अपेहल गेह वापिस अपोग, गिऊ परमेश्वरे गिऊ अपमान लोहतो। दंङ गिह्बी महसे तु थल्जी यह्च़ा शोक लेह लेह्पोतो, अंऊ दोच़ी तुहई पाप लहरिर, दंङ दू झखंजी कमो, दंङ कुकम, ए लुचपन बि, अंऊ दोच़ी लहरिर, सेहम माह किरच़िर।

गलातियों 5:24

अंऊ मीहरे यीशु मसीह रंङ साते संबध तहच़ातेर दोरे एनोह पापी स्वाभावो हिसाबे जीवन माह श्रींङमातोर। दिरे झांह ठ्रोह तोतोर छना कि दोच़ी एनोह पापी स्वाभावा बि क्रूसो टोईच़ी चड़ाएगी केहतोर।

इफिसियों 4:19

दोरे हेंतेग मदम कम लहज़िमी थल्जी एनाबि दोषी माह चेहच़ातोर, झांह लेह दोच़ी एनाबि मदम कम लहज़िमी थल्जी रें च़रतिर। दोरे लगातार भत्ते पाहठी मदम कम लहज़ातोर, दंङ दोरे दुह भत्ते चीज़ा तु लालच लहज़ी अपेहल ला बंद माह लहज़ातोर।

कुलुस्सियों 2:11

अपेहल केहच़ी मसीहू टोहकठे विशवास लहतंई, दंङ केहतु खतना मीहतु दोरच़ी माह शुई छना यहुदी मीहच़ी लेह, पर मसीहू दोरच़ी केहतु खतना शुहचे इलि अंऊ केहतु पापी स्वाभाव बि केहतु दोरच़ी शत्‌ह लेह च़रति।

1 थिस्सलुनीकियों 4:3

परमेश्वरो हिटी दि तो कि केरे पवित्र बणेक्तेंई मतलब कुकम थालांई।

1 थिस्सलुनीकियों 4:5

केतिंङ ऊईजाति तु ठ्रोह अंऊ परमेश्वराबि माह ञेंहच़ातोर, मांजी कमो हिटी लेह माह जूंस।

1 तीमुथियुस 6:10

छना कुचे ढबाहो लालच भत्ते पाहठी बुराई ओ जड़ शुह, रें मीहच़ी सूले-सूले मसीहू शिक्षाओ टोहकठे विशवास लहज़ी बंद लेह केहतोर, छना कुचे दोरे ढबाह बि महस जुन्ज़ातेर, दंङ दोरे महस पाहठी दुखी तोतोर, इच्च़ा झांह ठ्रोह मीह अच़ि एनाबि इच्च़ा हथियार तिरच़ी चरच़तो।

इब्रानियों 12:16

केहतु बिचंङ अरिला मीह झांह मीह कुकम लहज़ा शुहबी मेस, दंङ माह ए अब्राहमो पोत्र, एसावो ठ्रोह अधर्मी शोतो, छना कुचे दू जेठे योह तोहई, दोबि खास उतराधिकारी शुहबी हक तोहई पर दोई दू जन्मसिद्ध अधिकारो इस्तेमाल माह लहरी दंङ दिऊ थल्जी दोई एनोह कवचि न्वा याकूबा बि सिर्फ इच्च़ा बगतो थल्जी लंङे च़रति।

इब्रानियों 13:4

ब्याह भत्ते मीहच़ी आदरो गप्पा समझेक्सी जूंस, दंङ दि नातारिंङ मेच़ा-गगसा इदि-अई दिऊ थल्जी वफादार शुहबी जूंस। छना कुचे परमेश्वर, कुकम लहज़ा, ए ऊई मेच़िमी तंङ नाज़ायज़ नाता तहज़ा दोतु न्याय लोहतो।

इब्रानियों 13:5

केरे केनातु जीवन बि टंगा-ढबाहो लालचो दोरच़ी शत्‌ह तंही अंऊ केहतु दोर तोह दोरंङ ए खुश बंङज़ुंई। छना कुचे परमेश्वरे एनेह कुहषी ततो, “गेह कनिंङ अपेहला माह छोड़ेकपोग, दंङ कनिंङ अपेहला माह छोड़ेक्पोग।”

याकूब 4:1

केहतु बिचंङ लड़ाई झगड़ा अंऊर च़ि अच़ा अति? दि दुह मांजी हिटी ऊ दोरच़ी अपातोर अंऊ केहतु अन्द्रेग तोह।

1 पतरस 2:11

हे प्यारे साथी विशवासी रे, गेह केतंङ साते बिनती लहज़ातग कि केरे दि संसारारंङ परदेशी ए यात्री तु ठ्रोह तोतोंई। गेह केतिंङ चेतावनी रंड्रातग कि दू भत्ते मदम फुको हिटी ओ दोरच़ी बचेक्तेंई छना कुचे दू केहतु केनातु आत्माओ खिलाप हमेशा लड़ाई लहज़ा।

प्रकाशित वाक्य 21:8

पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।

प्रकाशित वाक्य 22:15

पर मदम मीहरे, दंङ एनातु साथी तु थल्जी जादू-टोना लहज़ा, कुकम, ए हत्या लहज़ा, दंङ मुर्ति तु अराधना लहज़ा, दंङ भत्ते हप्सी कुट्रा अपेहला शहरा रिंङ इबि मरपोर।