कुलुस्सियों 3:4 - लाहौली बाइबिल

⁴ अपेहल मसीह अंऊ केतिंङ खरकोई जीवन रंड्रा, दि धरतीऊ टोहकठे वापिस अपतो, दंङ केरे लाह अपोंई दंङ दोऊ महिमारिंङ सहभागी शोंई।

कुलुस्सियों 3:4 Iomraidhean Croise

मत्ती 13:43

दुह मुक्का धर्मी मीहरे एनोह स्वर्गो बाहऊ राजंङ एकेऊ ठ्रोह चमकेक्पोर। छिल: गेह कुट्रातग दुह ध्यानारंङ साते रेड्रुंई।

लूको 17:30

गेह मीहू योहऊ अचानक यच़ाह वापिस अपिमी ध्याड़ारिंङ लाह ध्यांए शोतो।

यहून्नो 11:25

यीशु ज़ि दोबि कुंई, “गेह दुह शुगाह अच़ि सीए मीहतिंङ यच़ाह जीवन रंड्रातग। अच़िला गिऊ टोहकठे विशवास लहज़ा दुह अगर सीए ला योतो तांला श्रींङे बंङज़ोतो।

यहून्नो 14:3

दंङ अगर गेह इलजे केहतु थल्जी ठहरि तेयार लोहग, दंङ यच़ाह अंज़े केतिंङ घेंङा रंङ साते रेंज़ा शोहग कि अंऊर गेह बंङज़ोग दोर्तिंङ केहरे ला बंङज़ुंई।

यहून्नो 14:6

यीशु ज़ि दोरंङ साते कुंई, “अम, सच्चाई दंङ अनंत जीवन गेह ए शुगाह; गेह मेह अरीला पिता परमेश्वरो कछंङ पिचे मरपोतो।

यहून्नो 17:24

हे पिता परमेश्वर, गेह जुंज़ातग कि अरी केई गिह्बी रांहषी तातन, अंऊर गेह तोतोग दोर्तिंङ दोरेला गेरंङ साते शुबी जूंस, कि दोरे गिऊ दुह महिमा खमोर अंऊ केई गिह्बी रांहषी तातन, छना कुचे केई संसारो शुरुवातो तुईबे गेरंङ साते दाह लहरिन।

यहून्नो 20:31

पर दीह दिऊ थल्जी च़ेहसी तोह कि केहच़ी विशवास लांही, कि यीशु ए परमेश्वरो योह मसीह शुह: दंङ दोऊ टोहकठे विशवास लेह दोऊ मिंदंङ अनंत जीवन खोक्पोंई।

प्रेरित 3:15

दंङ केहच़ी दुह सच़ी च़रतिन, अरि मीहतिंङ हमेशा ओ जीवन रंड्रा, पर परमेश्वरे दोबि सिए दोतु बिचंङ ज़ि श्रींङमी लहरी; दंङ दिह गप्पातु ञेंहरे गवाह तोतोंई।

रोमियो 8:18

गिह्बी पक्‍का पता तोह, कि अंऊ महिमा हेंदिंङ थले खोकसोतो, दू दि दुख बे महस मोह्ड़े तोह अंऊ हेंज़ी एंतेग सहन लहज़ी लेहकी तोतोंई।

रोमियो 8:19

छना कुचे भत्ते संसार मोह्ड़े उम्मीदा रंङ साते दू टेमाबि रूमज़ा तोह, अपेहल परमेश्वरे एनोह कटुरे प्रगट लोहतो।

1 कुरिन्थियों 1:7

दिए वहज़ा तोह कि पवित्र आत्माज़ि केतिंङ दू भत्ते वरदान रांहषी ततो अतु केतिंङ ज़रूरत तोह, देर तचेक कि केरे हेंदु प्रभु यीशु मसीहू वापिस अपिमी थल्जी रूमज़ा तोतोंई।

1 कुरिन्थियों 15:43

अपेहल हेंदु फुक पथेक्च़तोर दुह मुक्का हेंदु फुक बेढंघा ए कमज़ोर शवाह। पर अपेहल दोरे यह्च़ा श्रींङे यवातोर, दंङ दोरे सलटे ए पक्‍का शवाहतोर।

2 कुरिन्थियों 4:17

हेंदु दि कवचि ए थोड़े हरे दुख हेंदु थल्जी झांह ठ्रोह अनंत महिमा पैदा लहज़ा, अतु पाहठी हेंज़ी सोचेक्सी माहरच़ातंई।

गलातियों 2:20

गेह ञेंहनि मसीह रंङ साते क्रूसो टोईच़ी सिए इलिगा, एंतेग गेह श्रींङी माह केहश्रिगा। दंङ गेह फुका रिंङ एंतेग श्रींङी तोतोग; दंङ सिर्फ परमेश्वरो योह टोहकठे विशवास रंङ साते श्रींङे तोतोग, अंऊ दोई गेरंङ साते धोंण दाह लहज़ा कि गिऊ थल्जी एनोह जहान रें च़रति।

फिलिपियों 3:21

दुह एनोह शक्तिऊ दुह प्रभावो हिसाबे अतु दोरच़ी दोरे भत्ते चीज़ा तु एनोह काबूरिंङ लेह तरच़ा, हेंदु संसारो फुको ओ रूप लेहक्सा, एनोह महिमाऊ फुको ठ्रोह बणाके च़रपोतो।

1 थिस्सलुनीकियों 4:17

दोऊ थल अंऊ श्रींङे ए बचेकी तोतोर, दोतंङ साते डुह रिंङ अच़ा योंई कि स्वर्गारिंङ प्रभु यीशुरंङ साते दोओनि, दंङ दुह मुक्का बे हेनर हमेशा प्रभु रंङ साते बंङज़ोंई।

1 तीमुथियुस 6:14

कि केई दुह भत्ते लोह अपि पूरी रीतिरंङ साते लहच़िमी थल्जी परमेश्वरे कनिंङ हुकुम रांहषी ततो, ताकि अरिला प्रभु यीशु मसीहू यह्च़ा वापिस अपिमी तचेक कांह टोहकठे छल्ले गलत लहज़िमी दोष माह लगासी तरपोतो।

2 तीमुथियुस 1:1

गेह पोलुस अंऊ हेंदु बाह परमेश्वरो तरफे यीशु मसीहू प्रेरित शुगाह, परमेश्वरे गिह्बी च़रति ताकि गेह मीहतिंङ कंज़े तरपोग कि दोई मसीह यीशु रिंङ विशवास लहज़ा तिंङ दि अनंत जीवन रंड्रीमी वाईदा लहसी ततो।

2 तीमुथियुस 4:8

दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।

तीतुस 2:13

हेनर झांह ठ्रोह व्यवहार लोंहि कि अपेहल हेनर उम्मीदा रंङ साते दुह अद्धभुत ध्याड़ा बि रुमज़ा तोंई, अपेहल यीशु मसीह अंऊ हेंदु मोह्ड़े परमेश्वर ए उद्धारकर्ता शुह, एनोह भत्ते महिमा रंङ साते धरती ऊ टोहकठे प्रगट शोतो।

इब्रानियों 9:28

ध्वांए ठ्रोह, मसीह ला भत्ते मीहतु पाप बि एनोह टोईच़ी कुरच़ा इच्च़ा फेरा बलिदान शुहचे इलि। अपेहल दू दोबारा अपतो दू मुक्का दू पापो थल्जी बलिदान शुहबी मशत पर दोतिंङ बचाएच़िमी थल्जी अपतो अंऊ दोबि रुमज़ा तोतोर।

1 पतरस 1:13

झांह लेह, केरे मीहरे सोचेक्सिमी थल्जी तेयार शुचि इलांई। खबरदार बंङज़ुंई दंङ केनातु उम्मीद पूरा ठ्रोह दुह मोह्ड़े दाह ओ टोईच़ी लगाके तंही, अंऊ यीशु मसीहू प्रकट शुहबिमी मुक्का केतिंङ खोकसोतो।

1 पतरस 5:4

अपेहल यीशु मसीह, दुह हेंदु मोह्ड़े पोहाल ए शुह, यह्च़ा वापिस अपतो, दोई केतिंङ इच्च़ा ईनाम रमतो, अंऊ अपेहल ला खराब माह शोतो।

1 यूहन्ना 2:28

हे कटुरे, मसीह रंङ बणेंके बंङज़ुंई कि अपेहल दुह यह्च़ा प्रगट शुई ता हेन्दिंङ याहब शोतो, दंङ हेनर दोऊ अपिमी मुक्का दोऊ तुईज़ी शार्मिंदा शुहबी मेस।

1 यूहन्ना 3:2

हे गिऊ प्यारे साथी विशवासी रे, हेंतेग हेनर परमेश्वरो कटुरे शुहचे तोनि, दंङ हेंतेग तचेक दिह प्रगट शुहचे माह कि हेनर छना शोंई! ञेंहच़ी दिह ञेंच़ातंई कि अपेहल यीशु मसीह प्रगट शोतो ता हेनर लाह दोऊ ठ्रोह शुहचे योंई, छना कुचे हेंज़ी दुह ध्वांए ए खमोंई छना दुह तोह।

1 यूहन्ना 5:12

अरि परमेश्वरो योह रंङ बणेंके बंङज़ा, दोऊ दोर अनंत जीवन तोह; दंङ अरि परमेश्वरो योह रंङ बणेंके माह बंङज़ा, दोऊ दोर अनंत जीवन माह।

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।

प्रकाशित वाक्य 2:7

हर इच्च़ा अंऊ गिऊ खबर समझेक्सी ततो, दोबि दुह गप्पा ध्याना रंङ साते रेड्री जूंशी तोह अंऊ पवित्र आत्मा कलीसिया रंङ साते कुट्रा। अंऊ मीहच़ी जीत खोक्शातोर, दोतिंङ गेह जीवनो बुटो दोरच़ी फल ज़ेइमी अधिकार रमोग, अंऊ परमेश्वरो बगीच़ा स्वर्गारिंङ तोह।

प्रकाशित वाक्य 22:1

दोहथर स्वर्गदूते गिह्बी इच्च़ा बेंडी कंड्रिरी अंऊ दोरिंङ जीवनो ती तोहई। ती साफ अरशीहू ठ्रोह चमकेक्पाते। दि बेंडी परमेश्वर ए कुरच़ो सिंहासनो दोरच़ी हुंच़ाते।

प्रकाशित वाक्य 22:14

“धन्य तोतोर दोरे, अंऊ एनोह खमज़ेर कुरच़ो शुई रें शुहल्ज़े केट्रातोर, छना कुचे दोतिंङ दुह शहरो पेतंङो दोरच़ी अपिमी अधिकार रमोर। दंङ दोतिंङ दुह बुटो फल ज़ेइमी अधिकार ला रमोर अंऊ दोई जीवन रंड्रा।”