कुलुस्सियों 3:1 - लाहौली बाइबिल

¹ अपेहल केहच़ी बपतिस्मा लेहपच़ातंई, दंङ केरे मसीहू ठ्रोह पथेक्च़ा इलांई दंङ खरकोई स्वाभावा रंङ साते मसीहू ठ्रोह श्रींङमी लेह केहनि, झांह लेह दुह चीज़ा तु खोजारिंङ बंङज़ेंई अंऊ स्वर्गंङ ज़ि केहषी तोह, अंऊर मसीह परमेश्वरो कछंङ महसे आदरो ठाहरीरिंङ बंङज़ा तोह।

कुलुस्सियों 3:1 Iomraidhean Croise

मत्ती 22:44

प्रभुज़ि, गिऊ प्रभुरंङ कुट्रा गिऊ सुचंङ पले बंङज़ु अपेहल तचेक गेह कांह बेरीतिंङ कांह कोन्ज़ो पोयंङ लेह मकेग?

मत्ती 26:64

यीशुज़ि दोबि कुहतो, “केह केनेह कुह्चे केहतन; बल्कि गेह केतंङ दिला कुट्रातग कि दिऊ थलबे केहच़ी खमोंई कि गेह मीहू योह, सर्वशक्तिमान परमेश्वरो सुचंङ हासी बंङज़ा राज लोहग, दंङ सर्गंङज़ि डुह बिचंङ अपोग।”

मत्ती 6:20

पर रुठे कम लेह स्वर्गंङ केनातु थल्जी ईनाम ठ्रोहका लांही; अंऊर माह ओमड्राज़िऐ माह काई खराब लेहई, दंङ अंऊ चोरा ज़ि कुजी मरच़ि।

मत्ती 6:33

दिऊ थल्जी केहच़ी हेगा परमेश्वरो राज्य ओ खोज ए धर्मिकतारंङ साते जोईमी कोशिश लोह दंङ दिहरे भत्ते चीज़र केतिंङ खोकसा योतो।

मरकुसो 12:36

दाऊद रज्ज़ा ए पवित्र आत्मा रंङ साते कुतोह कि, परमेश्वरे गिऊ प्रभु रंङ साते कुतोह, गिऊ सुचंङ हासी बंङज़ोंई, अपेहल तचेक गेह कनु बैरी तिंङ केनोह कोंज़ो पोयंङ माह लोहग।

मरकुसो 14:62

यीशुज़ि कुहतो, “गेह शुगाह; दंङ केहच़ी खमोंई कि गेह मीहू योह, सर्वशक्तिमान परमेश्वरो सुचंङ हासी बंङज़ा राज लोहग, दंङ सर्गंङज़ि डुह बिचंङ अपोग।”

मरकुसो 16:19

प्रभु यीशुज़ि एनोह चेला तु हखा दि गप्पारे कुट्रिमी थल, दंङ परमेश्वरे प्रभु यीशुबि सर्गो हखा रेंज़ा शीलिरे। दंङ दुरेह इलजे दुह परमेश्वरो सुचंङ हासी इज्ज़त रंङ बंङज़ा इलि।

लूको 12:33

कनु टंगा ढबाह लंङे गरीबातिंङ दान लेह च़रतु; दंङ केनातु थल्जी ध्वांए ठ्रोह बटुआ रे बणाएतुंई अंऊ युई माह शोतो, दंङ केनोह थल्जी स्वर्गंङ झांह ठ्रोह टंगा ढबाह ठ्रोहका लोहू अंऊ अपेहला माह योसतो, दंङ अंऊर माह चोरा ज़ि चोर लेह तरच़ी दंङ माह ओमड्रा लेह्प्तो।

लूको 20:42

रज्ज़ा दाऊद एनोह भजन संहितो कताबंङ कुट्रा; कि प्रभु ज़ि गिऊ प्रभु बि कुहतो,

लूको 22:69

“पर दिऊ थलबे गेह मीहू योह सर्वशक्तिमान परमेश्वरो सुचंङ हासी बंङज़ोतो।”

प्रेरित 2:34

छना कुचे रज्ज़ा दाऊद ता स्वर्गंङ मेहली; पर दोई ऐनाह ए कुट्रा, प्रभु परमेश्वरे गिऊ प्रभु रंङ साते कुहतो; गिऊ सुचंङ हासी बंङज़ु।

प्रेरित 7:55

पर स्तिफनुसे पवित्र आत्मारिंङ परिपूर्ण शुहचे स्वर्गो हखा खांई दंङ परमेश्वरो महिमा ए यीशु बि परमेश्वरो सुचंङ हासी खड़े खंड्रा ते कुंई,।

रोमियो 8:34

अच़िला हेंदु निन्दा लेह मरपोतो छना कुचे दू यीशु मसीह तोह, अंऊ हेंदु थल्जी सिए इलि, दंङ सिए दोतु बिचंङ ज़ि श्रींङमी लहरी हेंतेग परमेश्वरो सुचंङ हासी तोह, दंङ हेंदु थल्जी बिनती लहज़ा।

रोमियो 8:6

फुका रंङ साते दाह लहज़ी ता मौत ए तोह, पर आत्मो टोईच़ी सेहम लगाएच़ी जीवन ए शांति तोह।

2 कुरिन्थियों 4:18

छना कुचे हेंज़ी हेंदु ध्यान दोऊ टोहकठे माह लगाएकातंई, अंऊ तंङफा पर दोऊ टोहकठे लगाएकातंई, अंऊ तंङफा ए माह, अंऊ ला धिर तंङफा, दू थोड़े टेमो थल्जी शुह पर अंऊ तंङफा माह दू अनंत काल तचेक बंङज़ा।

इफिसियों 4:10

मसीह अंऊ योंखा अति, दू, दुह ए शुह अंऊ सर्ग बेहच़ी ला खेका इलि, ताकि दू भत्ते ठाहरिरिंङ शुहबी जूंस।

इफिसियों 5:22

हे मेच़ारे, केनातु गगसो झांह ठ्रोह अधीन बंङज़ुंई छना केरे प्रभु अधीन बंङज़ातंई।

कुलुस्सियों 2:20

छना कुचे केहतु पापो स्वाभाव मसीह रंङ साते सिए इलज़ा, झांह लेह हेंतेग केतिंङ दि संसारो कानून मनेक्च़िमी ज़रूरत माह। दंङ केरे छारिंङ हेंतेग लाह दिह कानूनो भाषे लहज़ातंई, छना कि हेंतेग लाह संसार केतिंङ वशरिंङ लहज़ा।

कुलुस्सियों 3:2

धरतीऊ टोहकठे फुको चीज़ा तु थल्जी पर स्वर्गीय चीज़ो टोईच़ी ध्यान रांई।

इब्रानियों 1:13

दंङ परमेश्वरे एनोह स्वर्गदूतातु बिचंङ ज़ि दोई अपेहल कुहतो, काह गिऊ सुचंङ हासी बंङज़ु, कि “काह गिऊ सुचंङ आदरो ठाहरीरिंङ बंङज़ु, अपेहल तचेक कि गेह कनु बैरीतिंङ कांह वशारिंङ लेह माहकेग?”

इब्रानियों 1:3

दू योह ए परमेश्वरो महिमा ओ छंङी दंङ हर तरफे परमेश्वरो ठ्रोह तोह। दंङ भत्ते संसारा बि दंङ एनोह शाक्तिशाली बचनो दोरच़ी, भत्ते संसारा बि खड़े लहज़ी तहज़ा। दोई मीहतिंङ दोतु पापो दोरच़ी शुद्ध लेह च़रति, दंङ दोऊ थल स्वर्गारिंङ महिमामय परमेश्वरो सुचंङ हासी विराजमान शुहचे इलि।

इब्रानियों 10:12

पर हेंदु यहुदी पुरोहित यीशु मसीह ज़ि हेंदु पापो माफी ओ थल्जी एनाबि हमेशा ओ थल्जी सिर्फ इच्च़ा बलिदानो रूपारिंङ चढ़ाके च़रति। दंङ हेंतेग दू बाह परमेश्वरो सुचंङ हासी सिहासनो टोहकठे इज्ज़तदार ठाहरीरिंङ बंङज़ा इलजी तोह।

इब्रानियों 12:2

हेंदिंङ यीशु तरफे खंड्री जूंशी तोह, अंऊ हेंदिंङ विशवासो दोरच़ी तुंखा बढ़ाएच़ा दंङ हेंदु विशवास पूरा लहज़ा। दोई षेह्पिमी छा चिंद माह लहच़ी ते क्रूसो दुख सहन लहरी दंङ सिए इलि; छना कुचे दोई ञेंहच़ाते कि दोई झांह लहरी। हेंतेग दू परमेश्वरो सिंहासनो सुचंङ हासी बंङज़ा तोह।

इब्रानियों 8:1

हेंतेग अंऊ गप्पा ञेंहच़ी कुट्रातंई, दोतु बिचंङ भत्ते बे मोह्ड़े सच्चाई दि तोह, कि ञेंहतु कछंङ झांह ठ्रोह यहुदी महापुरोहित तोह, अंऊ हेंतेग ला स्वर्गंङ परमप्रधान परमेश्वरो सिहासन सुचंङ हासी बंङज़ा इलजी तोह,

1 पतरस 3:22

दंङ दुह स्वर्गो हखा अच़ा इलज़ा। हेंतेग दू दोर्तिंङ परमेश्वरो सुचंङ हासी भत्ते बे खास ठहरि बंङज़ा तोह, दंङ दू भत्ते स्वर्गदूत ए भत्ते अधिकारी दंङ शाक्ति तु टोईच़ी राज लहज़ा।