कुलुस्सियों 2:9 - लाहौली बाइबिल

⁹ झांह लेह दिह मीहतु दोरच़ी धोखा थाजेंई छना कुचे मसीहू मीह फुकारिंङ परमेश्वरो भत्ते गुण खोकसा।

कुलुस्सियों 2:9 Iomraidhean Croise

मत्ती 1:23

“खंणुई, इच्च़ा ब्याह माह लहसी खोकटुंङ शोतो दंङ इच्च़ा गंङकटु जेह्पोतो, दंङ दोऊ मिन ‘इम्मानुएल’ शोतो अतु मतलब शुह, परमेश्वर हेन्दंङ साते तोह।”

लूको 14:22

परगरे यहचा कुहतो, हे मालिका, केई छना कुहतेन, ध्यांए लेह केहतेग; दंङ ऊई लाह ठहरि तोह;

लूको 3:22

दंङ पवित्र आत्मा कबूतरो ठ्रोह दोऊ टोईच़ी अति, दंङ स्वर्गंङज़ि परमेश्वरो सग अति कि, “का गिऊ प्यारे योह शुनाह। दंङ गेह करंङ साते खुश तोतोग।”

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

यहून्नो 1:16

छना कुचे दोऊ मोह्ड़े दाह ओ परिपूर्णतारंङ साते हेंज़ी भत्ते धिर खोकषातंई मतलब आशीषो टोईच़ी आशीष।

यहून्नो 10:30

गेह ए गिऊ पिता परमेश्वर इच्च़ा शुई।”

यहून्नो 10:38

पर अगर गेह कुट्रातग, ता गिऊ विशवास ला था लांही, पर दुह कमो टोहकठे विशवास लोहनी दंङ केतिंङ पता लेह्पोतो कि परमेश्वर गेरंङ तोह दंङ गेह परमेश्वरारंङ।”

यहून्नो 14:20

अपेहल गेह श्रींङी वापिस अपोग दोहपल केहच़ी ञेंहई च़रपोन, कि गिऊ नाता पिता परमेश्वरारंङ साते पक्‍का तोह, दंङ केहतु गेरंङ साते, दंङ गिऊ केतंङ साते।

यहून्नो 17:21

कि दोरे भत्तेर इच्च़ा शुहबी जूंस; छना हे पिता परमेश्वर कांह गेरंङ तोतोन, दंङ गेह करंङ, ध्वांए दोरे ला हेन्दंङ शोहर, दिऊ थल्जी कि संसारो मीहरे विशवास लोहर कि केई ए गेह च़रसी शुगाह।

यहून्नो 2:21

पर यीशु अंऊ मंदिरो पाहठी कुट्री लेहकी तोहई, दुह दोऊ फुक तोहई।

प्रेरित 17:29

झांह लेह परमेश्वरो कटुरे शुहचे ञेंतिंङ दिह समझेक्सी ठीक माह कि परमेश्वरो रूप ज़ंङ ए मुल दंङ रघटु ठ्रोह तोह, अंऊ मीहू कारीगरी ए सोचो हिसाबे शुहबी।

2 कुरिन्थियों 5:19

दिऊ मतलब दि तोह कि परमेश्वर भत्ते मीहतु थल्जी इच्च़ा अम बणाएषी लेहकी तोह छिल्ला धिर मसीह लहसी ततो दोऊ दोरच़ी मेल-मिलाप लंहि, दंङ मीहतु पापो दोष दोतु टोहकठे लगाके च़रति, दंङ परमेश्वरे शांति ओ पाहठी दोऊ खबर सुनाएच़िमी कम हेंदिंङ रांहषी ततो।

कुलुस्सियों 1:19

छना कुचे बाह परमेश्वरो खुशी दिरिंङ ए तोह कि परमेश्वरो भत्ते स्वभाव मसीह रिंङ बंङज़ु।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

तीतुस 2:13

हेनर झांह ठ्रोह व्यवहार लोंहि कि अपेहल हेनर उम्मीदा रंङ साते दुह अद्धभुत ध्याड़ा बि रुमज़ा तोंई, अपेहल यीशु मसीह अंऊ हेंदु मोह्ड़े परमेश्वर ए उद्धारकर्ता शुह, एनोह भत्ते महिमा रंङ साते धरती ऊ टोहकठे प्रगट शोतो।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।

1 यूहन्ना 5:7

गवाही रंड्रा दोरे षुम तोतोर।