कुलुस्सियों 2:8 - लाहौली बाइबिल

⁸ खबरदार तोहई कि अरिया केतिंङ संसारो ज्ञान ए फालतु धोखा रंड्री माह जूंस, दिह गप्पारे मीहतु परम्परा ए संसारो शिक्षा ओ हिसाबे तोह। माह कि मसीहू दोरच़ी।

कुलुस्सियों 2:8 Iomraidhean Croise

मत्ती 10:17

केतिंङ खबरदार बंङज़ी जूंस; बैरीर केहतु खिलाप योर दोच़ी केहरे पंचायतंङ, कोर्टंङ च़ुमने शोर दंङ केतिंङ यहुदी सभा घरबारंङ तेंङे च़रपोर।

मत्ती 16:6

यीशुज़ि दोतिंङ कुहतो, “रेड्रुंई, फरीसी ए सदूकी मीहतु खमीरो दोरच़ी बचेके तोहई।”

मत्ती 7:15

हप्सी भविष्य कंड्रातु दोरच़ी बचेके बंङज़ुंई, अरी त्रैंई ओ रूपंङ अपाहतोर पर तोंङज़ि फ्रक्च़ा भेड़ियातु ठ्रोह तोतोर।

प्रेरित 17:18

दोहपल रै विद्वाना अंऊ इपिकुरी विशवासो भाषे लहज़ातेर दंङ ऊई सतोईकी विशवासो भाषे लहज़ातेर दोतंङ साते बहस लहज़ी लेहतिर दंङ रैह ज़ि रूहक्तिर, “दिह बकवास लहज़ा ए छि कुट्री लेह्की तोह?” पर ऊई ज़ि कुट्री लेहतिर, “दुह ऊई भगवाना तु प्रचारक शोतो,” छना कुचे दोई यीशु श्रींङमी पाहठी रूठे खबर सुनाएची लेह्की तोह।

प्रेरित 17:32

सिमी दोतु श्रींङमी मि गप्पा रेड्री थल रेह ता मज़ाक लहज़ी लेहतिर, पर रेह मीहच़ी मज़ाक माह लहरिर दंङ दोच़ी कुईर ञेंरे कांह दोरच़ी दि पाहठी ऊई ला रेड्रोनि, दंङ रेह ज़ि कुट्री लेहतिर, दिह गप्पा ञेंहच़ी कनु दोरच़ी यह्च़ा रेड्रोंई।

रोमियो 16:17

हेंतेग हे विशवासी न्वारे, गेह केतंङ साते बिनती लहज़ातग, कि केरे दुह मीहतंङ साते खबरदार ए शत्‌ह बंङज़ेंई, दंङ दू शिक्षा ओ खिलाप तोह, अंऊ केतिंङ खोकसी तोह, दंङ अंऊ ऊई मीहतु विशवास रिंङ कमज़ोर शुहबी ए झगड़ो वहज़ा शुहबी।

1 कुरिन्थियों 10:12

दिऊ थल्जी अगर झांह ठ्रोह मीह तोह ता अंऊ दि कुट्रा कि परमेश्वरो टोईच़ी दोऊ विशवास पक्‍का तोह, दंङ दोबि खबरदार बंङज़ी जूंशी तोह कि झांह शुहबी मेस कि दू अचानक विशवासो दोरच़ी भटकेगी योतो दंङ पाप लोहतो।

1 कुरिन्थियों 8:9

पर खबरदार बंङज़ुंई, पर झांह शुहबी मेस, कि केहतु दि आज़ादी विशवासा रिंङ कमज़ोर मीहतु थल्जी पापो वहज़ा योतो।

2 कुरिन्थियों 10:5

हेनर हेंदु कल्पनारे, दंङ हर इच्च़ा जोरे गप्पा बि, अंऊ परमेश्वरो पहचानो विरोधारिंङ खड़े शवात, खण्डन लहज़ातंई; दंङ हर इच्च़ा भावनाओ टोईच़ी कब्ज़ा लहच़ी मसीहू आज्ञाकारी बणेंके केट्रातंई।

गलातियों 4:3

ध्वांए ठ्रोह परमेश्वरा बि ञेंहच़ी बे तुहई ए हेनर दू रिति-रिवाज़ ए कानूनो गुलाम तोईनी अंऊ दि संसारारिंङ तोह।

गलातियों 4:9

पर हेंतेग ता केरे परमेश्वरा बि ञेंहनि, दंङ परमेश्वरे केतिंङ ला ञेंहच़ा, दंङ केरे दू कमज़ोर ए निक्कमा शिक्षा ओ गुलाम शुहबिमी थल्जी छारिंङ यह्च़ी लेहकी तोतोंई? छि यह्च़ा केरे दोबारा दोऊ गुलाम शुहबी जुन्ज़ातंई आ?

गलातियों 5:15

पर अगर केरे लगातार इदि-अई दिरंङ साते झगड़ा लहज़ातंई दंङ इदि-अईदि बि परेशान लहज़ातंई ता दंङ खबरदार शुहचे इलांई, केरे केनातिंङ बर्बाद लेह च़रपोंई।

इफिसियों 2:2

दू टेमारिंङ केरे संसारो दू मीहतु ठ्रोह श्रींङमातेंई अंऊ परमेश्वरा बि माह ञेंहच़ातोर, दंङ केरे मांजी आत्माओ प्रधान शेतानो अंऊ सर्गारिंङ तोह, हेंतेग ला दू मीहतिंङ काबू लहज़िमी कोशिश लहज़ी लेहकी तोह, अंऊ परमेश्वरो हुकुमो भाषे माह लहज़ातोर।

इफिसियों 4:20

पर दि दू मह शुह केहच़ी मसीहू शिक्षा ओ दोरच़ी सिखेकतुंई।

इफिसियों 5:6

दिरे मीहतु दोरच़ी मुर्ख था बणेक्तेंई अंऊ दि पापो थल्जी बहाना बणाएषिमी कोशिश लहज़ातंई। छना कुचे दिए कमो दोरच़ी परमेश्वरो रोहष हुकुम माह मनेक्च़ा दोतु टोईच़ी भड़केक्पा।

फिलिपियों 3:2

दुह मीहतंङ साते खबरदार बंङज़ेंई, अंऊ खुह्ई तु ठ्रोह तोतोर, दंङ मांजी कम लहज़ा तोर, अंऊ दोच़ी कुट्रातोर कि केतिंङ उद्धार लहज़िमी थल्जी खतना लेह ज़रूरी तोह।

कुलुस्सियों 2:18

अरिला मीह हप्सी दीनता ए स्वर्गदूता तु पूजा लहज़ा केतिंङ ज़रको ईनामो दोरच़ी वंचित लेह माह जूंस, झांह ठ्रोह मीह दर्शनो गप्पारिंङ लेहकी बंङज़ा पर दिह भत्ते बकवास तोह छना कुचे दोतु सेहम मतलबी हिटी रंङ साते पिंङषा तोह।

कुलुस्सियों 2:20

छना कुचे केहतु पापो स्वाभाव मसीह रंङ साते सिए इलज़ा, झांह लेह हेंतेग केतिंङ दि संसारो कानून मनेक्च़िमी ज़रूरत माह। दंङ केरे छारिंङ हेंतेग लाह दिह कानूनो भाषे लहज़ातंई, छना कि हेंतेग लाह संसार केतिंङ वशरिंङ लहज़ा।

कुलुस्सियों 2:22

दि भत्ते कानून घड़ी-घड़ी मनेके छि लाह फायदा माह। छना कुचे दि मीहतु आज्ञा ए शिक्षाओ हिसाबे तोह।

कुलुस्सियों 2:23

दि कानून सच्चाई ऊ अमरिंङ जोज़िमी ठ्रोह तंङफा, छना कि एनाबि ए परमेश्वरो तरफे ज़बरदस्ती समर्पण लहज़िमी रंङ साते, हप्सी नम्रता ओ दोरच़ी दंङ एनोह फुका रंङ साते कठोर व्यवहार लहज़िमी रंङ साते, पर हेले रिंङ दि कानून मीहतिंङ दोतु मांजी हिटीर काबू लहच़िमी थल्जी मदत माह लहज़ा।

1 तीमुथियुस 6:20

हे तीमुथियुस अंऊ कम परमेश्वरे कनिंङ रांहषी ततो दोतु रखवाली लोह। झांह ठ्रोह भक्तिमेह ए मुर्खता ओ गप्पा ए शिक्षा ओ दोरच़ी ऊईतार बंङज़ु अंऊ परमेश्वरो सच्चे शिक्षा ओ विरोध लहज़ातोर, अतिंङ दोच़ी गलत तरीका रंङ साते “शिक्षा” कुट्रातोर।

2 तीमुथियुस 3:13

पर मदम मीहरे ए धोखेबाज़ मीहरे ऊई ला मदम कम लोहर दोरे मीहतिंङ धोखा रमोर दंङ दोतिंङ ला ऊईज़ि धोखा रमोर।

इब्रानियों 13:9

छना कुचे यीशु मसीह अपेहल ला माह लेहक्सा, झांह लेह केतिंङ दि भत्ते खरकोई ए शत्‌ह-शत्‌ह शिक्षाओ भाषे लहज़ी जूंशी तोह अंऊ केतिंङ गलत अमरिंङ रैंज़ा शिलज़ा। छना कुचे केहतु सेहमो थल्जी दि रूठे तोह कि परमेश्वरो मोह्ड़े दाह ओ दोरच़ी पक्‍का शुहचे इलेंई, माह कि दू कानून मनेक्च़िमी रंङ साते अंऊ ज़ेइमी पाहठी तोह, ज़ेइमी-तुंङमिमी रिति रिवाज़ो अतु ला भला माह शुई।

इब्रानियों 3:12

हे गिऊ प्यारे साथी विशवासी रे, चोकस बंङज़ुंई, कि केहतु बिचंङ झांह ऊई ठ्रोह मदम ए अविश्वासी सेहम शुहबी माह जूंस, अंऊ श्रींङे परमेश्वरा बि ऊई तार रेन्ज़ा शोतो।

1 पतरस 1:18

केहच़ी ञेंहच़ातंई कि परमेश्वरे केतिंङ केहतु निक्कमा रिति-रिवाज़ो दोरच़ी, अंऊ केहच़ी केनातु बाह-मेमेतु दोरच़ी सिखेकतुंई, छोड़ेक्च़िमी थल्जी छोह् इस्तेमाल लाहतंई। दोई केतिंङ छुड़ाच़िमी थल्जी झांह ठ्रोह ढबाहो इस्तेमाल माह लहरी अपि ज़ंङ या मुलतु ठ्रोह नाश लेह तरपोंई।

2 पतरस 3:17

झांह लेह हे गिऊ प्यारे साथी विशवासी रे, केहच़ी तुहई बेहच़ी ञेंच़ातंई कि दि गप्पारे शोर। झांह लेह, खबरदार बंङज़ुंई ताकि अंऊ मीहरे नियम माह मनेक्च़ातेर दोरे केतंङ साते हप्सी कुचे केतिंङ भटकागी च़रपोर दंङ केरे हेले गप्पा रिंङ विशवास लेह बन्द लेह च़रपोंई अंऊ दोऊ टोईच़ी केहच़ी इच्च़ा टेम पक्‍का रंङ विशवास लहज़ातंई।

2 यूहन्ना 1:8

झांह लेह केतिंङ खबरदार बंङज़ी जूंशी तोह कि दिह मीहच़ी केतिंङ धोखा रंड्री माह जूंस, ताकि केहच़ी दुह योंहषी माह जूंस अतिंङ खोकसिमी थल्जी धोंण मेहनत लहज़ा तंई पर केतिंङ दुह मेहनतो आशीष खोकसोतो अतु वाईदा परमेश्वरे केतंङ साते लहसी ततो।