कुलुस्सियों 2:5 - लाहौली बाइबिल

⁵ छना कुचे गेह केतंङ साते मातोग, तांला केहतु पाहठी सोचेक्सी लेहकी तोतोग, गेह खुश तोतोग कि केरे ध्वांए ठ्रोह श्रींङमी लेहकी तोतोंई छना केतिंङ श्रींङमी जूंस। दंङ मसीह रिंङ केहतु विशवास पक्‍का तोह।

कुलुस्सियों 2:5 Iomraidhean Croise

प्रेरित 2:42

दंङ दोरे प्रेरितातु दोरच़ी शिक्षा लेहप्च़िमी थल्जी, ए संगति लहज़िमी थल्जी, दंङ दोरे प्रभु भोजंङ शामिल शवातेर दंङ बिशवासी मीहरे इच्च़ा साते शुहचे बगत ज़ोआतेर, दंङ प्रार्थना रिंङ मगन बंङज़ातेर।

प्रेरित 20:21

गेह यहुदी मीहरे ए ऊईजाति मीहतिंङ शिक्षा रेंईगा, दुह भत्ते तंङ साते कुईगा कि दोरे एनोह पापो दोरच़ी सेहम किरच़ी च़रतुंई, दंङ ञेंहतु प्रभु यीशु मसीहू टोईच़ी विशवास लंहि।

1 कुरिन्थियों 11:34

अगर अरिया योंई तोह ता, केनोह चुंङ ज़ै च़रतु, ताकि अपेहल केरे ठ्रोहका शवातंई, दंङ केरे सही ढंगारंङ साते बर्ताब लेह तरपोंई दंङ परमेश्वरे केहतु न्याय माह लोहतो। ऊई बचेकी गप्पा गेह अंज़े ठीक लेह च़रपोग।

1 कुरिन्थियों 14:40

अंऊ ला केहच़ी कलीसिया रिंङ लहज़ातंई, दोबि ठीक ढंगारंङ साते इच्च़ा-इच्च़ा लोहवा लंहि।

1 कुरिन्थियों 15:58

झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।

1 कुरिन्थियों 16:13

खबरदार बंङज़ुंई, विशवासा रिंङ ढकाह तोहई, हिम्मत तंही, दंङ विशवासा रिंङ पक्‍का शुहचे तोहई।

कुलुस्सियों 2:1

गेह जुंज़ातोग कि केहच़ी ञेंहई च़रतुंई, कि केहतु ए दोतु अंऊ लौदीकिया नगरंङ तोतोर, दंङ दुह भत्ते तु थल्जी अतंङ साते गेह दोईगा माह, छना मेहनत लहज़ातग।

1 थिस्सलुनीकियों 2:17

हे गिऊ प्यारे साथी विशवासी रे, अंऊ मुक्का ञेंरे थोड़े टेमो थल्जी, सेहमरिंङ माह शुह पर फुकारिंङ केतंङ साते शत्‌ह शुहचे इलजी तोतोंई, दंङ ञेंहच़ी मोह्ड़े लालचारंङ साते केतिंङ खंड्रिमी थल्जी ऊई ला महस मेहनत लहरिन।

1 थिस्सलुनीकियों 3:8

दि ञेंई कि केरे प्रभु टोहकठे पक्‍का विशवास लहज़ातंई दंङ दि हेंदु थल्जी खरकोई जीवनो ठ्रोह तोह छना कुचे हेंतेग केरे प्रभुरिंङ खड़े बंङज़ोंई ता दि हेंदु ज़िंदगी श्रींङमी बि (याहब रंड्रा) जोगे बणाके केट्रा।

इब्रानियों 3:14

अगर हेनर हेंदु तुहई कि विशवासा बि थल मुक्का तचेक पक्‍का बणाके तोहनि, दंङ हेनर मसीहू सहभागी शुहचे योंई।

इब्रानियों 6:19

छना इच्च़ा मोह्ड़े मेखा रंङ छ़ुह्च़ी राह्शी किशती बि खड़े ए पक्‍का लेह तहज़ा, ध्वांए दि उम्मीद हेंदु जहान बि खड़े ए पक्‍का लेह तहज़ा तोह, अंऊ दोरच़ी हेंज़ी उम्मीद लोहवातंई दू यीशु शुह; अंऊ स्वर्गंङ महापवित्र ठाहरीरिंङ परमेश्वरो कछंङ इलजी तोह।

1 पतरस 5:9

केतिंङ केनातु पक्‍का विशवासा रंङ साते दोतु विरोध लेह जूंशी तोह। हिद तंही कि विशवासी अंऊ भत्‍ते संसारारिंङ तोतोर, ध्यांए ठ्रोह दुख सहन लहज़ा तोर छना केहच़ी सहन लहज़ातंई।