कुलुस्सियों 2:3 - लाहौली बाइबिल

³ छना कुचे दुह, दुह ए शुह अच़ि परमेश्वरो बुद्धि ए ज्ञानो पहचान लहज़ा अंऊ दुह, दुह ब्याके खज़ानो ठ्रोह तोह अंऊ ब्याके तोहई।

कुलुस्सियों 2:3 Iomraidhean Croise

मत्ती 10:26

दिऊ थल्जी केहरे मीहतंङ था बेई; छना कुचे कि नयाय ध्याड़ारिंङ भत्ते धिर छिल्ला घटेकषी तोह दुह तुईज़ी अपतो, दंङ छिल्ला धिर ब्याके तोह दुह भत्तेतु तुईज़ी प्रगट शोतो।

लूको 11:49

झांह लेह परमेश्वरो समझे ला दिह कुंई कि, ‘गेह दोतु कछंङ भविष्यवक्तातिंङ ए प्रेरिता तिंङ च़रपोग, दंङ दोच़ी दोतु बिचंङज़ि रेह दोतिंङ सचे च़रपोर दंङ रेह दोतिंङ परेशान लोहर।’

रोमियो 11:33

आह, परमेश्वरो मोह्ड़े दाह ओ टंगा ढबाह, बुद्धि ए ज्ञान छि घटे गंभीर तोह! अरिला दोऊ फेंसला ओ व्याख्या लेह मरपोतो; दंङ माह ए अरिया दोऊ अम समझेकी तरपोतो।

1 कुरिन्थियों 1:24

पर दोरे अतिंङ परमेश्वरे एनोह मीहरे शुहबी थल्जी अंङे चरच़तो, छि यहुदी छि ऊई जाति, दिए मसीहू सामर्थ ए परमेश्वरो ज्ञान तोह।

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

इफिसियों 1:8

दि मोह्ड़े दाह परमेश्वरे भत्ते ज्ञान ए समझरंङ साते हेंदु टोईच़ी महसे लहरी।

कुलुस्सियों 1:19

छना कुचे बाह परमेश्वरो खुशी दिरिंङ ए तोह कि परमेश्वरो भत्ते स्वभाव मसीह रिंङ बंङज़ु।

कुलुस्सियों 1:28

ञेंरे मसीहू पाहठी प्रचार लहज़ा हर इच्च़ा मीहबी परमेश्वरो दोरच़ी रांहषी बुद्धि रंङ साते शिक्षा रंड्रा हिद दिलाएच़ा तंई ताकि हर इच्च़ा मसीह रिंङ सिद्ध विशवासी शुहबी जूंस अपेहल दोरे परमेश्वरो तुईज़ी खड़े शवाहतोर।

कुलुस्सियों 1:9

झांह लेह अपेहल बे ञेंहच़ी दि रैहशी तातंई, दंङ हमेशा ञेंहच़ी केहतु थल्जी प्रार्थना लहज़ा तंई कि परमेश्वरो आत्मा केतिंङ ज्ञान ए समझ रमतो ताकि केहच़ी दोऊ हिटी पुरा रिति रंङ समझेक्पोंई।

कुलुस्सियों 3:16

मसीहू बचन रे केनातु सेहमरिंङ महसे बसेकपि रांई, दंङ सिद्ध ज्ञाना रंङ साते इदि अईदि बि सिखाएतुंई दंङ सलाह रांई, दंङ केनातु सेहमरिंङ धन्यवाद रंङ साते परमेश्वरो थल्जी भजन ए स्तुतिगान दंङ आत्मिक गीत कुंई।

कुलुस्सियों 3:3

छना कुचे केरे ता केनातु पापो स्वाभावो दोरच़ी सिए इलजी तोंई दंङ केहतु खरकोई जीवन मसीहरंङ साते परमेश्वरारंङ ब्याके तोह।

2 पतरस 1:5

दंङ झांह लेह पक्‍का लंहि कि केरे माह सिर्फ मसीहू टोईच़ी विशवास लहज़ातंई, बल्कि दि ला कि केरे हेले रिंङ रूठे जीवन श्रींङमातंई, दंङ केतिंङ माह सिर्फ दुह लेह जूंशी तोह अंऊ रूठे तोह, बल्कि केतिंङ झांह ठ्रोह मीहरे ला बणेक्पि जूंशी तोह अंऊ समझदारी रंङ साते व्यवहार लेह ञेंच़ातोर,

प्रकाशित वाक्य 2:17

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा। दोरे मीहरे अंऊ जीत हासिल लहज़ातोर, गेह दोतिंङ दुह मन्ना ओ दोरच़ी छा रमोग अंऊ ब्याके तोह, गेह दोतु बिचंङ भत्ते तिंङ इच्च़ा छंङसी रह्घ ला रमोग, अंऊ दोऊ टोईच़ी इच्च़ा खरकोई मिन च़ेहसी शोतो। अंऊ मीह दोबि खोकपोतो, दोबि छोड़ेके ऊई अरिला दुह मिन ञेंई मरपोतो।