कुलुस्सियों 2:2 - लाहौली बाइबिल

² गेह मेहनत दिऊ थल्जी लहतेग ताकि दोतु विशवास बणेक्पोतो दंङ दोरे दाह रंङ साते ऐनातु बिचंङ बणेंके बंङज़ोर, गेह जुंज़ातग कि दोतिंङ पूरा भरोसा शुहबी जूंस छना कुचे दोतिंङ परमेश्वरो गुप्त योजना ओ पूरा समझ तोह अंऊ ऐनाह ए मसीह तोह।

कुलुस्सियों 2:2 Iomraidhean Croise

मत्ती 11:25

दोहथर यीशुज़ि कुहतो, “हे बाह स्वर्ग ए धरतीऊ प्रभु गेह कांह धन्यवाद लहज़ातग कि केई दिह गप्पारे ञेंच़ाहरे ए समझकार मीहतु दोरच़ी प्याके त्याहतेन दंङ अंऊ मीहरे कटुतु ठ्रोह सीधे तोतोर दोतु टोईच़ी प्रगट लहतन।

मत्ती 11:27

गिऊ बाहे गिह्बी भत्तेधिर रांहषी ततो, बाह ए तोह अंऊ दोई योह बि सेहचा, सिर्फ इच्च़ाए योह तोह अंऊ दोई हेले बाहबि सेहचा, दंङ अंऊ मीहतिंङ गेह योह, अंङषातोग दोरे मीहरे बाहबि सेहपोर।

मत्ती 13:11

दोई जुबाब रेंई, “केतिंङ परमेश्वरो स्वर्गो राजओ पाहठी समझ रांहषी तोह, पर दोतिंङ माहतोर।

लूको 1:1

आदरणीय थियुफिलुस, महसे मीहज़ी ञेंहतु बिचंङ शुहचे दुह गप्पाओ पाहठी च़ेचिमी कोशिश लहसी ततो।

यहून्नो 10:30

गेह ए गिऊ पिता परमेश्वर इच्च़ा शुई।”

यहून्नो 10:38

पर अगर गेह कुट्रातग, ता गिऊ विशवास ला था लांही, पर दुह कमो टोहकठे विशवास लोहनी दंङ केतिंङ पता लेह्पोतो कि परमेश्वर गेरंङ तोह दंङ गेह परमेश्वरारंङ।”

यहून्नो 16:15

छिला धिर पिता परमेश्वरो तोह, दुह भत्ते धिर गिऊ शुह; दिऊ थल्जी गेह केतंङ साते कुहतग, कि दोई गिऊ गप्पातु दोरच़ी केतिंङ कंबतो।

यहून्नो 17:3

दंङ अनंत जीवन दीह शुह कि मीहरे कनिंङ सेहपोर, मतलब सिर्फ इच्च़ा सच्चा परमेश्वरा बि, दंङ दोरे गिह्बी सेहपोर, मतलब यीशु मसीह बि, अरी केई च़रसी शुह।

यहून्नो 5:17

दिरंङ यीशु ज़ि दोतंङ कुंई, गिऊ बाह हमेशा कम लहज़ा दिऊ थल्जी गिह्बी ला कम लंहि जूंस,

यहून्नो 6:69

दंङ ञेंहच़ी विशवास लहतन ए ञेंहई च़रतन कि कांह परमेश्वरो दोरच़ी च़रसी पवित्र मीह मसीह शुनाह।”

प्रेरित 4:32

दंङ बिशवास लहज़ातु मंडली इच्च़ा सेहम ए इच्च़ा प्राण तोहई, देहर तचेक कि अच़िला एनोह टंगा ढबाह एनोह माह कुट्रातेर, छना कुचे अंऊ दोतु कछंङ तोहई दुह भत्ते तंङ साते फज़ातेर।

रोमियो 15:13

गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।

रोमियो 16:25

हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्‍का लहज़ा। छना कुचे दि रूठे खबर महस जुग बेहच़ी प्याक्सी तहरेर।

रोमियो 2:4

छि कांह परमेश्वरो भलाई ए सहनशीलता, दंङ सब्ररूपी धन बि बेकार ञेंच़ातन? दंङ केई दि माह समझेक्च़ातन कि परमेश्वरो भलाई कनिंङ पश्चाताप काराच़ि सिखाएच़ा?

1 कुरिन्थियों 14:31

केरे भत्तेर भविष्यवाणी लेह तरपोंई, पर इच्च़ा थल इच्च़ा, ताकि भत्तेरे सीखेपोरे दंङ याहब बणेक्पोतो।

1 कुरिन्थियों 2:12

हेनर ध्वांए ठ्रोह माह सोचेक्च़ातंई छना संसारो मीहरे सोचेक्च़ातोर; छना कुचे हेंज़ी दू आत्मा खोकसी तातंई, अंऊ परमेश्वरो तरफे तोह, कि हेनर दू गप्पा ञेंओनि, अंऊ परमेश्वरे हेंदिंङ रांहषी ततो।

गलातियों 3:28

दंङ हेंतेग माह ए अरिया यहुदी तोह दंङ माह ए ऊई जाति, माह अरिया दास तोह दंङ माह ए अरिया आज़ाद, ए स्वतंत्र, माह ता अरिया गंङमी दंङ माह ए मेच़िमी, केरे भत्तेर यीशु मसीह रिंङ इच्च़ा शुहचे इलजी तोतोंई।

इफिसियों 1:7

मसीहू शुहई बहाएक्च़िमी दोरच़ी हेंदिंङ छुटकारा खोकसिरी, मतलब, हेंदु पाप माफ शुहचे इलि, परमेश्वरो मोह्ड़े दाह महसे महान तोह अंऊ दोई हेंदिंङ महस रांहषी ततो।

इफिसियों 3:16

गेह प्रार्थना लहज़ातग कि, परमेश्वर एनोह महिमा दू खज़ाना दोरच़ी केतिंङ दि दान रमतो, कि केरे दोऊ आत्माओ दोरच़ी केनातु-केनातु अंदरेग सामर्थ खोकच़े बलवन्त शुचे योंई।

इफिसियों 3:3

अति गेह दि पाहठी तुहई ए थोड़े अरे च़ेऐ च़रचातेग, कि परमेश्वरे एनेह ए गुप्त भेद बि गिऊ टोईच़ी प्रगट लहरी।

इफिसियों 6:22

दोबि गेह केहतु कछंङ दिऊ थल्जी चरच़ातग, कि केरे ञेंहतु हालात ञेंई तरपोंई, दंङ दोई केहतु सेहमरिंङ याहब रमतो।

फिलिपियों 2:1

अगर केरे मीहतिंङ मसीह रंङ साते थोड़े अरे याहब, दंङ मसीहू दाह रिंङ तसल्ली, दंङ पवित्र आत्मारिंङ संगति, दंङ रे करूणा ए दाह तोह।

फिलिपियों 3:8

छना कुचे गेह मसीह यीशु घेंङौ प्रभु ञेंहच़ी रंङ साते ऊई भत्ते धिर बे मोह्ड़े तोह, गेह भत्ते चीज़ा तिंङ बेकार चेहच़ातग। अतु वहज़ा ज़ि गेह भत्ते चीज़ारे छोड़ेके केहतग, दंङ दोतिंङ कूड़ा समझेक्च़ातग, ताकि गेह मसीह बि ञेंए तरपोग।

कुलुस्सियों 1:26

मतलब दुह भेद अंऊ दुह जुग ए तुहई पीढ़ी बे गुप्त बंङज़िरी, पर हेंतेग परमेश्वरो दुह मीहतु टोईच़ी प्रगट शुई।

कुलुस्सियों 1:27

छना कुचे परमेश्वरे जुंज़ाते कि दोऊ मीहच़ी दिह ञेंओर कि मसीहू टंगा ढबाह ए दोऊ महिमा केरे ऊईजाति तु थल्जी ला शुह। दंङ भेद दिह तोह कि: मसीह केहतु बिचंङ बंङज़ा। दि केतिंङ दोऊ महिमा रिंङ शामिल शुहबिमी उम्मीद रंड्रा।

कुलुस्सियों 1:9

झांह लेह अपेहल बे ञेंहच़ी दि रैहशी तातंई, दंङ हमेशा ञेंहच़ी केहतु थल्जी प्रार्थना लहज़ा तंई कि परमेश्वरो आत्मा केतिंङ ज्ञान ए समझ रमतो ताकि केहच़ी दोऊ हिटी पुरा रिति रंङ समझेक्पोंई।

कुलुस्सियों 2:19

दंङ दोरे मीहरे मसीह रंङ साते ठ्रोहका शुहचे माह बंङज़ा तोर अंऊ भत्ते फुको पुंज़ा शुह। छना पुंज़ा भत्ते फुक काबू लहज़ा ध्वांए यीशु मसीह एनोह मीहतिंङ चलाच़ा, ताकि दोरे एनातु बिचंङ ठ्रोहका शुहचे बंङज़ोर दंङ दोरे मसीह रिंङ बणेक्पा लोहर छना फुको भत्ते जोड़ ए नसर भत्ते फुका बि चुमज़ा बंङज़ा तोर दंङ परमेश्वरो दोरच़ी बणेक्पा तोर।

कुलुस्सियों 3:14

दंङ भत्ते बे ज़रूरी अंऊ केतिंङ लेह जूंशी तोह, दुह दिह तोह कि इदि अईदिरंङ साते दाह लंहि, झांह लेह रंङ साते केरे इच्च़ा शुचे योंई।

कुलुस्सियों 4:3

दंङ दिरंङ साते ए ञेंहतु थल्जी प्रार्थना लोहवा लंहि कि परमेश्वर हेंदु थल्जी प्रचार लहज़िमी मोका रमतो, कि हेनरे मसीहऊ दुह भेदो पाहठी समझाके तरपोंई, अतु वहज़ा ज़ि गेह कैदारिंङ तोतोग,

कुलुस्सियों 4:8

दोबि गेह झांह लेह केहतु कछंङ च़रतिग, कि केतिंङ पता लेह्पोतो कि ञेंरे छना तोतोंई। दंङ दोई केतिंङ विशवासारिंङ पक्‍का लोहतो।

1 थिस्सलुनीकियों 1:5

छना कुचे हेंदु यीशु मसीहू पाहठी रूठे खबर केहतु कछंङ माह सिर्फ कुट्री रंङ साते ए पर पवित्र आत्मो सामर्थे ए भत्ते याहबा रंङ अंजा कि दि रूठे खबर हेले शुह, केहच़ी ञेंच़ातंई कि अपेहल ञेंरे केतंङ साते तोईनी दंङ ञेंहच़ी केहतु भलाई ऊ थल्जी छना ठ्रोह जीवन श्रींङज़ातंई।

1 थिस्सलुनीकियों 3:2

दंङ ञेंहच़ी तीमुथियुसबि केहतु कछंङ च़रतिन, अंऊ मसीहू रूठे खबरारिंङ ञेंहतु न्वा ए परमेश्वरो सेवक तोह। ताकि दोई केतिंङ विशवासरिंङ पक्‍का लोहतो, दंङ लगातार विशवास लहज़िमी थल्जी उत्साहित लोहतो।

1 थिस्सलुनीकियों 5:14

दंङ हे गिऊ प्यारे विशवासी साथी रे, ञेंहच़ी केतंङ साते बिनती लहज़ातंई, कि केहच़ी दुह मीहतिंङ खबरदार लंहि अंऊ सुस्त शुहचे इलजी तोतोर, दंङ दुह मीहतिंङ उत्साहित लंहि अंऊ डरपोक तोतोर, दंङ अंऊ विशवासरिंङ कमज़ोर तोतोर दोतु मदत लंहि, दंङ भत्ते तंङ साते सहनशीलता रंङ साते बंङज़ु।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

इब्रानियों 10:22

दंङ अतंई हेनर, मसीहू शुई पुरच़ि ते हेंदु सेहम शुद्ध लहच़ी दंङ साफ ती रें हेंदु फुक शुहल्ज़े संङा सेहम ए पक्‍का विशवासा रंङ साते परमेश्वरो कछंङ योंई।

इब्रानियों 6:11

ञेंहच़ी माह जुंज़ातंई कि केरे सुस्त शुई। पर ञेंहच़ी जुंज़ातंई कि केहच़ी महस मेहनत लहज़ा तु ठ्रोह दाह ओ कम लहज़ी ज़ारी तंही, थल मुक्का तचेक धीरज़ ए विशवासा रंङ पक्‍का बणेंके बंङज़ेंई। दंङ पक्‍का उम्मीद तंही ताकि परमेश्वरो वाईदा बि खोक्शे तरपोंई।

2 पतरस 1:10

झांह लेह हे गिऊ प्यारे साथी विशवासी रे, केरे केनातिंङ ए ऊईतिंङ दि साबित लहज़िमी थल्जी कि परमेश्वरे केतिंङ हेले रिंङ दोऊ थलेच़ि जोज़िमी थल्जी कुहषी ततो दंङ केतिंङ एनोह मीहरे शुहबिमी थल्जी अंङषी ततो, झांह ठ्रोह कम लहज़िमी ऊई ला कोशिश लंहि। अगर केरे दि गुण बि हिद तोहनि ता केरे अपेहला मसीहू टोईच़ी विशवास लहज़ी ब्याड़ा माह लोहनि;

2 पतरस 1:3

परमेश्वरे एनोह सामर्थो दोरच़ी हेंदिंङ दुह भत्ते रांहषी ततो अंऊ हेंदिंङ जीवन श्रींङमिमी थल्जी जूंशी तोह, अंऊ परमेश्वरा बि खुश लहज़ा। दि जूंशी तोह छना कुचे हेनर परमेश्वरा बि ञेंहच़ातंई दंङ दि दुह ए शुह अच़ि हेंदिंङ एनोह महिमा ए रूठे ओ वहज़ा ज़ि बुलासी शुह।

2 पतरस 3:18

पर केतिंङ हेंदु प्रभु ए उद्धारकर्ता यीशु मसीहू मोह्ड़े दाह बि ऊई महसे बे महसे महसूस लेह जूंशी तोह, दंङ दोऊ थल्जी हेंदु समझा रिंङ बढ़ेक्पि जूंशी तोह। दोऊ महिमा हेंतेग हमेशा थल्जी शुहबी जूंस। अमीन।

1 यूहन्ना 3:19

अपेहल हेनर ऊईदि रंङ साते दाह लहज़ातंई; झांह लेह हेनर दि ञेंओनि कि हेनर सच्चाई ऊ शुंई; दंङ अपेहल लाह हेंदु सेहम हेंदिंङ दोषी कंड्रा, दंङ हेनर हेंदु दोऊ सेहमाबि याहब रें तरपोंई; छना कुचे परमेश्वर हेंदु सेहम बे मोह्ड़े तोह, दंङ दोई भत्ते धिर ञेंहच़ा।

1 यूहन्ना 5:7

गवाही रंड्रा दोरे षुम तोतोर।