कुलुस्सियों 1:9 - लाहौली बाइबिल

⁹ झांह लेह अपेहल बे ञेंहच़ी दि रैहशी तातंई, दंङ हमेशा ञेंहच़ी केहतु थल्जी प्रार्थना लहज़ा तंई कि परमेश्वरो आत्मा केतिंङ ज्ञान ए समझ रमतो ताकि केहच़ी दोऊ हिटी पुरा रिति रंङ समझेक्पोंई।

कुलुस्सियों 1:9 Iomraidhean Croise

यहून्नो 7:17

अगर अरीया दोऊ हिटी ओ टोहकठे ज़ोअतो ता दोई ञेंह केहतो कि गिऊ शिक्षा परमेश्वरो दोरच़ी अपा या गिऊ दोरच़ी।

प्रेरित 12:5

जेलंङ पतरस ओ रखवाली शुहबी लेहकी तोहई, पर कलीसियाओ मीहरे दोऊ थल्जी इच्च़ा सेहम शुहचे लगातार परमेश्वरारंङ साते प्रार्थना लहज़ी लेहकी तोईरे।

रोमियो 12:2

दंङ दि संसारो मीहतु ठ्रोह था बणेक्तुंई; पर केनातु सोचेक्च़िमी तरीका परमेश्वर बि लेहक्सी रांऊ अंऊ दोरच़ी केहतु चाल-चलन ला लेक्सा योतो, दंङ केरे परमेश्वराबि रूठे, गमेकी ए सिद्ध हिटी ओ खोज लोहवा लंहि।

1 कुरिन्थियों 1:5

मतलब दि कि केहतु मसीह रंङ साते इच्च़ा शुहबिमी वहज़ा ज़ि परमेश्वरे केतिंङ दू भत्ते महसे रंङ साते रांहषी ततो अतु केतिंङ ज़रूरत तोह। खास लहज़ी, दोई केतिंङ परमेश्वरो खबर ए एनोह बचनो ज्ञान ऊईतिंङ कंड्रिमी थल्जी महस पाहठी आत्मिक वरदान रांहषी ततो।

इफिसियों 1:8

दि मोह्ड़े दाह परमेश्वरे भत्ते ज्ञान ए समझरंङ साते हेंदु टोईच़ी महसे लहरी।

इफिसियों 5:10

दि सिखेक्च़िमी कोशिश लंहि, कि प्रभुबि छि रूठे च़ेहसी।

इफिसियों 5:17

झांह लेह मुर्ख था बणेक्तुंई, पर दि समझेक्सिमी कोशिश लोह कि प्रभु केतंङ साते छि लहज़ी जुंज़ा।

इफिसियों 6:6

केतिंङ हर टेम केनातु-केनातु मालिका तु भाषे लहज़ी जूंशी तोह, सिर्फ दोहपल ए मशत अपेहल दोच़ी केरे खंड्रातोर। पर मसीहू दास ठ्रोह बणेंके बंङज़ेंई, अंऊ एनोह भत्ते सेहमे दू ए लहज़ातोर अंऊ परमेश्वरे चेहच़ा कि दोच़ी लोहर।

फिलिपियों 1:4

दंङ अपेहल केहतु भत्ते तु थल्जी प्रार्थना लहज़ातग, दंङ हमेशा खुशी रंङ साते मदतो थल्जी बिनती लहज़ातग।

कुलुस्सियों 1:6

दि रूठे खबर भत्ते संसारारिंङ फेलेक्पि लेहकी तोह दंङ महसे मीहरे विशवासी बणेक्पी लेहकी तोतोर। दि हर इच्च़ा ज़िंदगी बदलेक्पि लेहकी तोह, ठीक ध्वांए छना कि केहच़ी मुण्डा फेरा रूठे खबर रेड्रातेंई, दंङ दिह सच्चाई समझेकी चरच़ातंई कि परमेश्वर दुह मीहतु पाप माफ लेह च़रच़ा अच़ि मसीहू टोहकठे विशवास लहज़ातोर।

कुलुस्सियों 3:16

मसीहू बचन रे केनातु सेहमरिंङ महसे बसेकपि रांई, दंङ सिद्ध ज्ञाना रंङ साते इदि अईदि बि सिखाएतुंई दंङ सलाह रांई, दंङ केनातु सेहमरिंङ धन्यवाद रंङ साते परमेश्वरो थल्जी भजन ए स्तुतिगान दंङ आत्मिक गीत कुंई।

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

कुलुस्सियों 4:5

हर मोका ओ रूठे रंङ इस्तेमाल लंहि दि कंड्रिमी थल्जी कि केरे विशवासी शुई दंङ अंऊ मीहरे यीशु मसीहू टोहकठे विशवास माह लहज़ातोर दोतंङ साते बुद्धिमानी रंङ साते बर्ताब लंहि।

1 थिस्सलुनीकियों 1:3

अपेहल ञेंहच़ी हेंदु बाह परमेश्वरो हखा प्रार्थना लहज़ातंई अंऊ कम केहच़ी विशवासो दोरच़ी लहज़ातंई, दंङ विशवासी तु मदत लहज़िमी थल्जी महस मेहनत लहज़ातंई, दंङ प्रभु यीशु मसीहू वापिस अपिमी उम्मीद रिंङ केहच़ी धीरज़ ला लगातार हिद लोहवातंई।

1 थिस्सलुनीकियों 5:17

लगातार प्रार्थना लोहवा लंहि।

2 थिस्सलुनीकियों 1:11

झांह लेह ञेंहच़ी लगातार केहतु थल्जी प्रार्थना ला लहज़ातंई, ताकि परमेश्वर केतिंङ दुह जीवनो जोगे बणाएक्पोतो अतिंङ श्रींङमी थल्जी दोई केतिंङ बुलाएसी शुई, दंङ दोई केहतु भत्ते रूठे हिटी एनोह शाक्ति रें पूरा लोहतो दंङ दुह कम ला पूरा लोहतो अंऊ केहतु विशवासो नतीज़ा तोह।

फिलेमोंन 1:4

गेह अपेहल लाह प्रार्थना लहज़ातग, दंङ हमेशा कनु थल्जी परमेश्वरो धन्यवाद लहज़ातग।

फिलेमोंन 1:6

गेह प्रार्थना लहज़ातग कि विशवासी मीह तंङ साते छना कांह संगति तोह दुह बड़ेक्पी जूंस, दुह भत्ते रूठे चीज़ो पता लेहपि रंङ साते अंऊ परमेश्वरे हेंदिंङ रांहषी ततो, दि भत्ते मसीहू महिमा ओ थल्जी शोतो।

इब्रानियों 10:36

झांह ठ्रोह टेमारिंङ केतिंङ विशवास धीरज़ा रंङ सहन लहज़िमी ज़रूरत तोह, ताकि केरे परमेश्वरो हिटी पूरे लेह तरपोंई। दोहपल केतिंङ दू भत्ते खोकसोतो अतु परमेश्वरे वाईदा लहसी ततो।

याकूब 1:5

अगर केहतु बिचंङ अतिंङ बुद्धि ऊ कमी तोह, दंङ परमेश्वरो दोरच़ी पेट्रोंई, अच़ि बिना गलती मेह भत्ते तिंङ भरपूरी रंङ साते रंड्रा, दंङ परमेश्वरे केतिंङ ला रमतो।

याकूब 3:17

पर अंऊ ज्ञान परमेश्वरो दोरच़ी अपा दुह मुण्डारिंङ ता पवित्र शवाह, दंङ मिलनसार, नेकी ए रूठे स्वभाव, दया, दंङ रूठे कमरंङ साते पिंङषा दंङ ईमानदार ए कपट मेह शवाह।

1 पतरस 2:15

परमेश्वरे जुंज़ा कि केहच़ी केनातु रूठे कम दोरच़ी केहतु पाहठी गलत दोष लगाएच़ा मुर्ख मीहतु आह बन्द लेह तरपोंई अंऊ परमेश्वरा बि माह ञेंहच़ातोर।

1 पतरस 4:2

एंतेग बेहच़ी, यह्च़ा, केरे केनातु ऊई संसारिक ज़िन्दगी बि पापो हिटी पूरा लहज़िमी थल्जी मश्त; पर परमेश्वरो हिटी पूरा लहज़िमी थल्जी श्रींङे च़रतुंई।

1 यूहन्ना 2:17

संसार ए दोऊ हिटी झुल्ला योह्सा योतो, पर अंऊ परमेश्वरो हिटी टोहकठे ज़ोज़ा दुह हमेशा बणेंके बंङज़ोतो।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।