कुलुस्सियों 1:8 - लाहौली बाइबिल

⁸ दोई हेंदिंङ ऊई मीहतु थल्जी हेंदु दाह ऊ पाहठी कंङातो अंऊ पवित्र आत्माज़ि केतिंङ रांहषी ततो।

कुलुस्सियों 1:8 Iomraidhean Croise

मरकुसो 4:22

गिऊ कुट्रिमी मतलब दिह तोह कि परमेश्वर दुह भत्ते गप्पातिंङ प्रगट लोहतो। अंऊ हेंतेग तचेक ब्याके तोहई। दंङ अंऊ ला गुप्त तोह दुह ला प्रगट शोतो।

रोमियो 15:30

हे गिऊ प्यारे साथी विशवासी रे, प्रभु यीशु मसीह रिंङ गेह हेंदु विशवासो दोरच़ी ए दंङ पवित्र आत्माज़ि छा दाह हेंदिंङ रांहषी ततो, दोऊ वहज़ा ज़ि, गेह केतंङ साते बिनती लहज़ातग, कि केहच़ी गिऊ थल्जी परमेश्वरा रंङ साते महसे ईमानदारी रंङ प्रार्थना लोहवा लंहि।

रोमियो 5:5

दंङ उम्मीदारंङ शार्मिन्दगी माह शुहबी, छना कुचे पवित्र आत्मा अंऊ हेंदिंङ परमेश्वरे रांहषी ततो दोऊ दोरच़ी परमेश्वरे एनोह दाह रंङ साते हेंदु सेहम पिंङे केहतो।

गलातियों 5:22

पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”

कुलुस्सियों 1:4

छना कुचे ञेंहच़ी रैहशी तातंई, कि यीशु मसीहू टोहकठे केहतु विशवास तोह, दंङ भत्ते परमेश्वरो मीहतंङ साते दाह लहज़ातंई;

2 तीमुथियुस 1:7

दि दिऊ थल्जी शुई कि परमेश्वरे हेंदिंङ डरपोक माह बणाएक्तो, पर दोऊ आत्मा हेंदु सेहम पक्‍का लहज़ा, दंङ हेंदिंङ इदि-अई दिरंङ साते दाह लहच़िमी थल्जी हर हालातरिंङ हेंदिंङ काबू लहच़िमी मदत लहज़ा।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।