कुलुस्सियों 1:7 - लाहौली बाइबिल

⁷ दोऊ ए शिक्षा केहच़ी ञेंहतु प्यारे साथी इपफ्रास दोरच़ी सिखेच़ातंई, अंऊ हेंदु थल्जी मसीह विशवासो जोगे सेवक तोह।

कुलुस्सियों 1:7 Iomraidhean Croise

मत्ती 18:29

दिरंङ दोऊ साथी परगर कोंजंङ दह्चे दोबि मनाएच़ि लेहती कि थोड़े ध्याड़ो थल गेह भत्ते चुकाके च़रपोग।

मत्ती 24:45

दिऊ थल्जी इच्च़ा वफादार, समझदार परगर दुह शुबी, अतिंङ दोऊ मालिके दोबि एनोह ऊई चुंङो परगरातु ध्यान तहच़ि ए दोतिंङ बगत रंड्रीमी ज़िम्मेवारी रेह तरच़ी।

मत्ती 25:21

दोऊ मालिका ज़ि दोबि कुहतो, धन्य शुनाह हे रूठे ए विशवासो जोगे परगरा कांह थोड़ेरिंङ टंगा ढबाह सोठेक्च़िमी थल्जी विशवास जोगे बंङज़िन; गेह कनिंङ महस धिरो अधिकारी लेह केओग। केनोह मालिको खुशीरिंङ शामिल शुह।

1 कुरिन्थियों 4:17

गेह तीमुथियुसा बि अंऊ यीशु रिंङ गिऊ प्यारे ए विशवासो जोगे योह तोह, केहतु कछंङ च़रतिगा, छना कि गेह हर ठहरि ए हर इच्च़ा कलीसियारिंङ शिक्षा रंड्रातग।

1 कुरिन्थियों 4:2

छना भंडारी बि कम रांहषी ततो, दोऊ दोरच़ी दि उम्मीद लेह तरपोंई कि दुह विशवासो जोगे शुहबी जूंस।

1 कुरिन्थियों 7:25

कुंवारे ए ब्याह माह लहसी तु पाहठी प्रभु छल्ले हुकुम गिह्बी माह खोकसिरी, पर परमेश्वरे एनोह दया जोगे गिह्बी ज्ञान रांहषी ततो अतु टोईच़ी विशवास लेह तरपोंई दंङ गेह दोऊ हिसाबे घेंङौ सलाह रें तरपोग।

2 कुरिन्थियों 11:23

छि दोरे ए मसीहू सेवक शुरे आ? (गेह बमजी बराबर कुट्रातग) गेह दोतु बे बढ़कर शुगाह! गेह दोतु बे महस मेहनत लाहतग, दोतु बे महस कैदी बणेंके इलिगा, महस फेरा तेंङसी शुगाह, महस फेरा गिह्बी मौतो सामना लहज़ी लेहती।

इफिसियों 5:21

मसीहू थल्जी श्रदा ए भक्ति तहज़िमी वहज़ा, केरे इदि-अई दिऊ अधीन बंङज़ुंई।

फिलिपियों 2:25

पर गेह इपफ्रुदीतुसाबि अंऊ गिऊ विशवासी न्वा, ए साथी ए रूठे खबरो रक्षा लहज़िमी थल्जी इच्च़ा योद्धा तोह। दोबि केहच़ी गिऊ ज़रूरतो ख्याल लहज़िमी थल्जी गिऊ कछंङ चरच़ि च़रतिन।

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

कुलुस्सियों 4:7

प्यारे विशवासी न्वारे दंङ विशवासो जोगे सेवक, तुखिकुस, अंऊ प्रभुरिंङ गिऊ साथी तोह, गिऊ भत्ते गप्पारे केतिंङ कंङे च़रपोतो।

कुलुस्सियों 4:9

दोरंङ साते उनेसिमुस ला चरच़ातग, अंऊ विशवासो जोगे ए प्यारे विशवासी न्वा दंङ केहतु ए नगरो ओ तोह, दोई केतिंङ देरकि भत्ते गप्पा कमबोतो।

1 तीमुथियुस 4:6

अगर कांह भत्ते विशवासीतिंङ लगातार दि हिद गप्पा सिखाएपोंई कि अतु गेह कनिंङ सिखाएकातग, दंङ कांह विशवासो खबरो दोरच़ी ए रूठे शिक्षाओ दोरच़ी पक्‍का लेह केहनि, अतिंङ केई मनेक्च़ातंई, दंङ कांह यीशु मसीहू इच्च़ा रूठे सेवक शुनाह।

2 तीमुथियुस 2:2

केई गिह्बी महस मीहतु तुहई ज़ि मसीहू पाहठी खबर सिखासी तंङातेन, झांह लेह, गेह जुंज़ातग कि केई ला ऊई विशवासी तिंङ दिए खबर सिखाएतु। अंऊ विशवासो जोगे मीहरे तोतोर, दंङ अंऊ ऊईतिंङ ला दिए सिखाएच़िमी जोगे शोर।

फिलेमोंन 1:23

इपफ्रास, अंऊ यीशु मसीहू पाहठी प्रचार लहज़िमी रंङ वहज़ा गेरंङ साते कैदारिंङ तोह, दोई केतिंङ नमस्कार लहज़ा।

इब्रानियों 2:17

झांह लेह यीशु थल्जी दि जूंशी तोहई, कि हेंदु ठ्रोह भत्ते गप्पा रिंङ बणेंके योतो, ताकि दुह परमेश्वरो तुईज़ी हेंदु दयालु ए विशवासो जोगे यहुदी महापुरोहित बणेक्पोतो। दोहपल दोई झांह ठ्रोह बलिदान चढ़ाके तरपोतो, अंऊ दोरच़ी मीहतु पाप श्ताह शुचि इबि।

इब्रानियों 3:2

छना मूसा परमेश्वरो टबरातु बिचंङ भत्ते मीहतु सेवा लहज़िमी विशवासो जोगे तोहई। ध्वांए ठ्रोह यीशु ला परमेश्वरो थल्जी विशवासो जोगे तोहई, अच़ि दोबि दि कम लहज़िमी थल्जी अंङषी तते।