कुलुस्सियों 1:5 - लाहौली बाइबिल

⁵ केहच़ी दिह झांह लेह लहज़ातंई छना कुचे विशवास ए दाह ओ मुयांद दुह उम्मीद तोह अंऊ केहतु थल्जी स्वर्ग रिंङ तहसी तोह, अतु पाहठी केहच़ी दुह रूठे खबर ओ सत्य बचनरिंङ रेड्री चरच़ातंई, अंऊ केहतु कछंङ पिचे तोह।

कुलुस्सियों 1:5 Iomraidhean Croise

लूको 12:33

कनु टंगा ढबाह लंङे गरीबातिंङ दान लेह च़रतु; दंङ केनातु थल्जी ध्वांए ठ्रोह बटुआ रे बणाएतुंई अंऊ युई माह शोतो, दंङ केनोह थल्जी स्वर्गंङ झांह ठ्रोह टंगा ढबाह ठ्रोहका लोहू अंऊ अपेहला माह योसतो, दंङ अंऊर माह चोरा ज़ि चोर लेह तरच़ी दंङ माह ओमड्रा लेह्प्तो।

प्रेरित 10:36

केतिंङ दुह रूठे खबरो पाहठी पता तोह, अंऊ परमेश्वरे ञेंहतु थल्जी मतलब इस्राएल देशो मीहतिंङ रंदे। दोई शांति ऊ पाहठी रूठे खबर सुनाएती अंऊ मीहतिंङ यीशु मसीहू टोहकठे बिशवास लहज़िमी दोरच़ी खोकसी तरपोतो। दि मीह यीशु सिर्फ इस्राएली मीहतु प्रभु माह शुह पर दुह भत्ते मीहतु प्रभु शुह।

प्रेरित 13:26

“हे बिशवासी न्वारे, केरे अंऊ अब्राहमो कटुरे शुई; दंङ केहरे अंऊ परमेश्वर ओ बेह्द चेहच़ातंई, परमेश्वरे हेंदु कछंङ उद्धारो खबर च़रसी ततो।”

प्रेरित 23:6

अपेहल पोलुसे दि ञेंई च़रति, कि यहुदी सभा ओ रै मीहरे सदूकीङ रे फरीसी तोतोर, दंङ दोई हाऊष रें कुई, “हे न्वारे, गेह फरीसी दंङ फरिसीतु खानदानो शुगाह, गिऊ मुकदमा दिऊ थल्जी शुहबी लेहकी तोह छना कुचे गिऊ बिशवास तोह कि परमेश्वरे सिए इलजे मीहतिंङ यच़ाह श्रींङमी लोहतो।”

प्रेरित 24:15

दंङ परमेश्वरो दोरच़ी उम्मीद लहज़ातग अंऊ दोच़ी ऐनाह ज़ि ला लहज़ातोर कि धर्मी ए अधर्मी झुल्लाकु तिंङ परमेश्वर सिए दोतु बिचंङ ज़ि श्रींङमी लोहतो।

रोमियो 10:8

दिऊ मतलब दि तोह कि, “परमेश्वरो बचन केहतु कछंङ तोह, केहतु आह रिंङ ए केहतु सेहमरिंङ तोह।” दि विशवासो दू बचन शुह, अतु प्रचार हेंज़ी लहज़ातंई।

1 कुरिन्थियों 13:13

झांह लेह, हेंतेग, दि षुमु पाहठी कम लहज़ी ज़रूरी जूंशी तोह: परमेश्वरो टोईच़ी विशवास परमेश्वरो वाईदा रिंङ उम्मीद तहच़ि, दंङ ऊईतिंङ साते दाह लहज़ी। पर दि भत्ते बे इच्च़ा ए मोह्ड़े तोह, दू तोह ऊईतिंङ साते दाह लहज़ी।

1 कुरिन्थियों 15:19

अगर मसीहरिंङ हेंदु उम्मीद सिर्फ दिए जीवनो थल्जी तोह, दंङ हेंदु टोईच़ी संसारो ऊईतु तुलना रिंङ भत्ते बे महस तरस लेह जूंशी तोह।

2 कुरिन्थियों 5:19

दिऊ मतलब दि तोह कि परमेश्वर भत्ते मीहतु थल्जी इच्च़ा अम बणाएषी लेहकी तोह छिल्ला धिर मसीह लहसी ततो दोऊ दोरच़ी मेल-मिलाप लंहि, दंङ मीहतु पापो दोष दोतु टोहकठे लगाके च़रति, दंङ परमेश्वरे शांति ओ पाहठी दोऊ खबर सुनाएच़िमी कम हेंदिंङ रांहषी ततो।

2 कुरिन्थियों 6:7

हेले ओ दाह रंङ साते, सच्चाई ओ बचनारंङ साते, परमेश्वरो सामर्थ रंङ साते ञेंहच़ी कम लहसी शुई। ञेंरे धर्मिकताऊ हथियार सुचंङ गुह्ट्र रिंङ हमला ओ थल्जी इस्तेमाल लहज़ातंई दंङ फुचंङ गुह्ट्र रिंङ रक्षाओ थल्जी इस्तेमाल लहज़ातंई।

गलातियों 2:14

पर अपेहल गेह खंईगा कि दोरे हेले रिंङ दुह सच्चाई ओ भाषे माह लहज़ातेर अंऊ रूठे खबर सिखाएच़ा दंङ गेह मीहतु तुईज़ी पतरसो हखा कुईग, “अपेहल काह इच्च़ा यहुदी शुहचे ला, ऊईतु जाति ओ रिति-रिवाज़ो भाषे माह लहज़ातन, दंङ काह ऊईजाति बि हेनर यहुदी तु रिति-रिवाज़ो भाषे लहज़िमी थल्जी दबाब छारिंङ केट्रातन?”

गलातियों 5:5

गेह झांह कुट्री तरच़ातग छना कुचे हेंदिंङ पवित्र आत्माओ दोरच़ी पूरा भरोसा तोह कि परमेश्वर हेंदिंङ धर्मी रूपारिंङ ग्रहण लोहतो छना कुचे हेनर यीशु मसीहू टोहकठे विशवास लहज़ातंई।

इफिसियों 1:13

अपेहल केहच़ी सच्चाई ओ बचन, केनातु मुक्ति ऊ रूठे खबर, रेड्रीमी थल मसीह रिंङ विशवास लाहतंई दंङ मसीह रंङ साते हेंदु एकता ओ वहज़ा ज़ि, परमेश्वरे हेंदिंङ दू पवित्र आत्मा रांई अपि दोई एनोह मीहतिंङ रंड्रीमी वाईदा लहसी तते। पवित्र आत्मा इच्च़ा निशानो ठ्रोह तोह अंऊ दोई दर्शाएच़ा कि हेनर परमेश्वरो शुई।

इफिसियों 4:21

छिल्ला धिर केहच़ी यीशु मसीहू पाहठी रेड्री तातंई दंङ छिल्ला धिर केहतु सिखाएच़ा दोच़ी केतिंङ सिखासी तोह, दू पक्‍का रूपारिंङ दोऊ खबर शुह।

कुलुस्सियों 1:23

पर केतिंङ विशवासा रिंङ इच्च़ा मुयांदो ठ्रोह पक्‍का शुहबी जूंस, दंङ दुह उम्मीदा बि अंऊ केहतु कछंङ तोह केतिंङ अपेहला छोड़ेक्च़ी माह जूंस अंऊ हेंतेग हेंदु कछंङ तोह छना कुचे हेंज़ी दुह ए रूठे खबरो टोहकठे विशवास लहज़ातंई, अतु प्रचार भत्ते धरतीऊ मीहतु बिचंङ लहसी तोह; दंङ अतु गेह पोलुस, सेवक बणेक्तिग।

कुलुस्सियों 1:27

छना कुचे परमेश्वरे जुंज़ाते कि दोऊ मीहच़ी दिह ञेंओर कि मसीहू टंगा ढबाह ए दोऊ महिमा केरे ऊईजाति तु थल्जी ला शुह। दंङ भेद दिह तोह कि: मसीह केहतु बिचंङ बंङज़ा। दि केतिंङ दोऊ महिमा रिंङ शामिल शुहबिमी उम्मीद रंड्रा।

कुलुस्सियों 3:16

मसीहू बचन रे केनातु सेहमरिंङ महसे बसेकपि रांई, दंङ सिद्ध ज्ञाना रंङ साते इदि अईदि बि सिखाएतुंई दंङ सलाह रांई, दंङ केनातु सेहमरिंङ धन्यवाद रंङ साते परमेश्वरो थल्जी भजन ए स्तुतिगान दंङ आत्मिक गीत कुंई।

1 थिस्सलुनीकियों 2:13

झांह लेह ञेंरे ला रोज परमेश्वरो धन्यवाद लहज़ातंई, कि अपेहल केहच़ी दुह रूठे खबर थाशातंई अंऊ ञेंहच़ी केहतु बिचंङ प्रचार लाहतंई, दंङ केहच़ी दुह मीहतु मशत पर परमेश्वरो वचन समझेगी (दंङ अंऊ हेले परमेश्वरो दोरच़ी तोह) ग्रहण लहरिन; दंङ हेंतेग परमेश्वरो दि खबर केहतु अंद्रेग कम लहज़ी लेहकी तोह अंऊ मसीहू टोहकठे विशवास लहज़ातंई।

2 थिस्सलुनीकियों 2:16

ञेंहच़ी हेंदु प्रभु यीशु मसीहू हखा, दंङ हेंदु बाह परमेश्वरो हखा, अच़ि हेंदंङ साते दाह लहज़ा, दंङ अच़ि एनोह मोह्ड़े दाह रंङ साते अनंत उम्मीद रांहषी ततो,

1 तीमुथियुस 1:15

दि गप्पा हेले ए दंङ भत्ते पाहठी मनेक्च़िमी जोगे तोह, कि मसीह यीशु हेनर पापी तु उद्धार लहज़िमी थल्जी संसारारंङ अंज़े शुह, अंऊ दोतु बिचंङ भत्ते वे मोह्ड़े पापी गेह शुगाह।

2 तीमुथियुस 4:8

दंङ हेंतेग जीतो दुह मुकुट गिऊ थल्जी रुमज़ा, छना कुचे गेह घेंङौ जीवनो दोरच़ी परमेश्वराबि खुश लहतेग। प्रभु अंऊ धर्मिकताओ कम रंङ साते भत्ते मीहतु न्याय लहज़ा दुह, दुह ध्याड़ा गिह्बी दुह मुकुट रमतो अपेहल न्याय लहज़िमी थल्जी दोबारा अपतो पर दुह गिह्बी ए मशत पर दोतिंङ भत्ते दि ईनाम रमतो अंऊ दोऊ यह्च़ा अपिमी थल्जी रुमज़ा तोतोर।

तीतुस 1:2

दिऊ नतीज़ा दि तोह कि, दोरे परमेश्वरारंङ साते अनंत जीवनो ओ थल्जी बंङज़िमी उम्मीद तहच़ातेर, छना कुचे परमेश्वर, अंऊ अपेहल ला हप्सी माह कुट्रा, संसारो रचना लहज़िमी तुहई वाईदा लाहते कि दोऊ मीहरे हमेशा ओ थल्जी श्रींङी बंङज़ोर।

इब्रानियों 7:19

झांह लेह मूसा ओ कानून अंऊ ला गप्पा सिद्ध माह लहज़ा, पर दोऊ ठाहरीरिंङ हेंदु दोर इच्च़ा मोह्ड़े उम्मीद तोह अंऊ यीशु मसीह रिंङ तोह, अंऊ दोऊ दोरच़ी हेनर परमेश्वरो कछंङ अपि तरपोंई।

1 पतरस 2:2

छना ठ्रोह कवचि कटु एनोह याह ओ शुद्ध पानु लालच लहज़ा, ध्वांए ठ्रोह केतिंङ परमेश्वरो बचन सिखेच़िमी हिटी तहच़ि जूंशी तोह ताकि केरे आत्मिक रूपारिंङ सेंहणा शुहचे योंई। दोहथल थल मुखंङ, परमेश्वर केतिंङ दि संसारो मदम चीज़ो दोरच़ी बचाएके च़रपोतो।

1 पतरस 3:15

बल्कि मसीह बि केनातु सेहमरिंङ प्रभु चेहके दोऊ अराधना लंहि, अगर अच़िया दू उम्मीदो पाहठी रूहक्पोतो ता अंऊ विशवासी शुहबी रंङ साते हेनर भत्तेरे सांझा लहज़ातंई, दंङ हमेशा दोबि समझाएच़िमी थल्जी तेयार बंङज़ुंई, पर दि नम्रता ए आदरा रंङ साते लंहि।

2 पतरस 1:12

हालांकि केहच़ी तुहई बेहच़ी ए दि गप्पारे ञेंहच़ातंई, दंङ दुह हेले ज्ञानो टोईच़ी विशवास लहज़ातंई, अंऊ मीहच़ी केतिंङ रांहषी तातोर, गेह केतिंङ दोतु पाहठी लगातार हिद रम्मा लोहग।

1 यूहन्ना 3:3

दंङ अच़िला मसीहू टोईच़ी दि उम्मीद तहच़ा, दोई एनाबि ध्वांए पवित्र लहज़ा, छना दुह पवित्र तोह।