कुलुस्सियों 1:4 - लाहौली बाइबिल

⁴ छना कुचे ञेंहच़ी रैहशी तातंई, कि यीशु मसीहू टोहकठे केहतु विशवास तोह, दंङ भत्ते परमेश्वरो मीहतंङ साते दाह लहज़ातंई;

कुलुस्सियों 1:4 Iomraidhean Croise

2 कुरिन्थियों 7:7

दंङ माह सिर्फ दोऊ अपिमी बे पर दोऊ दू दुह शान्तिरंङ साते ला, अंऊ तीतुसा बि केहतु दोरच़ी खोकसा तोहई; दंङ दोई केहतु हिटी, ए केहतु दुख ए गिह्बी केतंङ साते दोईमी खुशी ओ पाहठी कंङाते, अंऊ दोरच़ी गिह्बी महस खुशी शुई।

गलातियों 3:26

अपेहल केहच़ी मसीहू मिंदिंङ बपतिस्मा लेहपच़ातेंई, दंङ केहच़ी मसीहू खरकोई जीवन लेहकी चरच़ातंई। झांह लेह, अपेहल केहच़ी यीशु मसीहू टोईच़ी विशवास लाहतंई, दोहपल केरे भत्तेर परमेश्वरो कटुरे बणेंके इलोंई।

गलातियों 3:28

दंङ हेंतेग माह ए अरिया यहुदी तोह दंङ माह ए ऊई जाति, माह अरिया दास तोह दंङ माह ए अरिया आज़ाद, ए स्वतंत्र, माह ता अरिया गंङमी दंङ माह ए मेच़िमी, केरे भत्तेर यीशु मसीह रिंङ इच्च़ा शुहचे इलजी तोतोंई।

गलातियों 5:6

अगर हेनर यीशु मसीहू टोईच़ी विशवास लहज़ातंई दंङ खतना शुहबी ए खतना माह शुहबिमी छल्ले फायदा माह। पर ज़रूरी गप्पा दि तोह कि हेनर मसीहू टोहकठे विशवास लहज़ातंई दंङ परमेश्वर ए ऊई मीहतु थल्जी दाह तहच़ातंई।

इफिसियों 1:15

दिए वहज़ा तोह कि गेह ला प्रभु यीशु मसीह बि केहतु विशवास ए परमेश्वरो मीहतु थल्जी केहतु दाह ओ पाहठी रेड्रा,

इफिसियों 6:18

दंङ भत्ते मुक्का ए भत्ते पाहठी हेंदिंङ ध्वांए ए प्रार्थना ए बिनती लहज़ी जूंशी तोह। छना पवित्र आत्माज़ि हेंदु अगुवाई लहज़ा। झांह लेह चेहके बंङज़ेंई दंङ भत्ते परमेश्वरो मीहतु थल्जी हमेशा प्रार्थना लोहवा लंहि।

कुलुस्सियों 1:9

झांह लेह अपेहल बे ञेंहच़ी दि रैहशी तातंई, दंङ हमेशा ञेंहच़ी केहतु थल्जी प्रार्थना लहज़ा तंई कि परमेश्वरो आत्मा केतिंङ ज्ञान ए समझ रमतो ताकि केहच़ी दोऊ हिटी पुरा रिति रंङ समझेक्पोंई।

1 थिस्सलुनीकियों 1:3

अपेहल ञेंहच़ी हेंदु बाह परमेश्वरो हखा प्रार्थना लहज़ातंई अंऊ कम केहच़ी विशवासो दोरच़ी लहज़ातंई, दंङ विशवासी तु मदत लहज़िमी थल्जी महस मेहनत लहज़ातंई, दंङ प्रभु यीशु मसीहू वापिस अपिमी उम्मीद रिंङ केहच़ी धीरज़ ला लगातार हिद लोहवातंई।

1 थिस्सलुनीकियों 3:6

दंङ हेंतेग तीमुथियुस अंऊ केहतु कछंङ ज़ि ञेंहतु दोहर अंज़े केहतु विशवास ए दाह ओ रूठे खबर सुनाके च़रति दंङ दि गप्पा ला सुनाके च़रति कि केहच़ी हमेशा दाह रंङ साते ञेंतिंङ हिद लहज़ातंई, दंङ ञेंतिंङ खंड्रिमी हिटी शवात, ध्वांए ञेंरे ला केतिंङ खंड्रिमी थल्जी लालसा शवात।

2 थिस्सलुनीकियों 1:3

हे गिऊ प्यारे साथी विशवासी रे, केहतु पाहठी ञेंतिंङ लगातार परमेश्वरो धन्यवाद लहच़ी जूंशी तोह, झांह लेह ञेंहतु थल्जी ठीक ला तोह, छना कुचे प्रभु यीशु मसीहरिंङ केहतु विशवास लगातार बड़ेक्पी लेहकी तोह, दंङ इदि अई दिऊ थल्जी केहतु दाह ला महस बड़ेक्पी लेहकी तोह।

फिलेमोंन 1:5

छना कुचे गेह प्रभु यीशु मसीह रिंङ कनु विशवास ए परमेश्वरो भत्ते मीहतु थल्जी कांह दाह ए विशवासो पाहठी रेड्रातग।

इब्रानियों 6:10

छना कुचे केहच़ी रूठे कम लहज़ातंई दंङ हेंतेग ला केरे परमेश्वरो मिंदंङ परमेश्वरो मीहतु थल्जी दाह रंङ साते सेवा ओ कम लहज़ी लेहकी तोतोंई, झांह लेह परमेश्वर केतिंङ पेषतो माह छना कुचे दू धर्मी तोह।

1 यूहन्ना 3:14

ञेंहतिंङ पता तोह, कि हेनर सिमी शाक्ति ओ दोरच़ी आज़ाद शुहचे इलजी तोतोंई दंङ एंतेग हेंदु कछंङ परमेश्वरो दोरच़ी अनंत जीवन तातंई; छना कुचे ञेंरे विशवासी न्वा तंङ साते दाह लहज़ातंई अच़िला दाह माह तहच़ा दुह सिमी दशारिंङ बंङज़ा।

1 यूहन्ना 3:23

दंङ दोऊ हुकुम दि तोह कि हेनर दोऊ योह यीशु मसीहू मिंदंङ विशवास लोंई, दंङ छना दोई हेन्दिंङ हुकुम रांहषी ततो दोऊ ए हिसाबे हेंदु बिचंङ दाह लोहनि।

1 यूहन्ना 4:16

ञेंहच़ी रूठे रंङ ञेंहच़ातंई दंङ ञेंहच़ी विशवास ला लहज़ातंई कि परमेश्वर हेन्दंङ साते दाह लहज़ा। परमेश्वर दाह शुह; अंऊ दाह रिंङ बड़ेकी बंङज़ा दुह परमेश्वरारंङ बड़ेकी बंङज़ा दंङ परमेश्वर दोरंङ साते बणेंके बंङज़ा।