कुलुस्सियों 1:2 - लाहौली बाइबिल

² मसीहरिंङ दुह पवित्र ए विशवासो जोगे न्वारे तु मिंदंङ अंऊ कुलुस्सियो शहरारिंङ बंङज़ातेग; ञेंहतु बाह परमेश्वरो दोरच़ी केतिंङ मोह्ड़े दाह ए शांति खोकसा लोहतो।

कुलुस्सियों 1:2 Iomraidhean Croise

प्रेरित 9:13

हनन्याह ज़ि जुबाब रेंई, हे प्रभु यीशु, गेह दिह मीहू पाहठी महसे तु आहच़ि रेड्री तातेग कि दिह यरूशलेम शहरंङ कांह कनु मीहतंङ साते अंयों मदम लहसी ततो।

रोमियो 1:7

गेह दि डाक रोम शहरो दुह भत्ते मीहतु थल्जी च़ेहसी लेहकी तोतोग, अंऊ परमेश्वरो प्यारे तोतोर, दंङ अतिंङ परमेश्वरे एनोह मीहरे शुहबिमी थल्जी अंङषी ततो; हेंदु बाह परमेश्वर ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

1 कुरिन्थियों 1:2

गेह दि डाक कुरिन्थुस शहरो विशवासी तु थल्जी च़ेहसी लेहकी तोतोग। अतिंङ परमेश्वरे एनोह पवित्र मीहरे शुहबिमी थल्जी अंङे चरच़ाते, ध्वांए ए छना दोई दू भत्ते मीहतिंङ अंङे चरच़ाते अंऊ भत्ते ठहरिंङ हेंदु प्रभु यीशु मसीहू अराधना लहज़ातोर, छना कुचे दू हेंदु भत्ते तु प्रभु शुह।

1 कुरिन्थियों 4:17

गेह तीमुथियुसा बि अंऊ यीशु रिंङ गिऊ प्यारे ए विशवासो जोगे योह तोह, केहतु कछंङ च़रतिगा, छना कि गेह हर ठहरि ए हर इच्च़ा कलीसियारिंङ शिक्षा रंड्रातग।

गलातियों 1:3

गेह प्रार्थना लहज़ातग कि हेंदु परमेश्वर बाह ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

गलातियों 3:9

परमेश्वरे अब्राहमा बि दोऊ विशवासो दोरच़ी आशीष रांई, ध्वांए ठ्रोह अंऊ ला यीशु मसीहू टोहकठे विशवास लोहतो दू पक्‍का अब्राहमो रंङ साते परमेश्वरो दोरच़ी आशीष खोकपोतो।

इफिसियों 1:1

गेह, पोलुस, दि डाक चेह्ची लेहकी तोतग। गेह परमेश्वरो हिटी ऊ हिसाबे यीशु मसीहू प्रेरित शुगाह, गेह दि डाक इफिसुस शहरो बंङज़ा परमेश्वरो मीहतिंङ चेहच़ातग, अंऊ मसीहू यीशु थल्जी वफादार तोह।

इफिसियों 6:21

प्रभु संगति रिंङ प्यारे न्वा ए विशवासो जोगे सेवक तुखिकुस केतिंङ दि भत्ते कंज़े च़रपोतो, ताकि केहच़ी ला ञेंई तरपोंई कि गेह छना तोतोग दंङ छि लहच़ी लेहकी तोतोग।

फिलिपियों 1:1

गेह पोलुस ए तीमुथियुस अंऊ यीशु मसीहू सेवक शुई, ञेंहतु तरफे केरे परमेश्वरो मीहतिंङ दंङ मुख्या तिंङ ए सेवका तिंङ दि डाक चेहच़ातग। अंऊ यीशु मसीह रिंङ शुहचे फिलिप्पी शहरारिंङ बंङज़ातोर।

1 पतरस 1:2

बाह परमेश्वरे महसे तुहई केतिंङ एनोह मीहरे शुहबी थल्जी ए पवित्र आत्मा कमो दोरच़ी केतिंङ पवित्र शुहबिमी थल्जी अंङे चरच़तो। दोई दि दिऊ थल्जी लहरी ताकि केरे यीशु मसीहू हुकुमो भाषे लोहनि दंङ दोऊ शुहई दोरच़ी शुद्ध शुहचे तरपोंई। गेह प्रार्थना लहज़ातग कि परमेश्वर केतिंङ मोह्ड़े दाह ए भरपूर शांति रमतो।

2 पतरस 1:2

गेह प्रार्थना लहज़ातग कि परमेश्वर केतिंङ महसे बे महसे मोह्ड़े दाह ए शांति रम्मा लोहतो छना-छना केरे परमेश्वर ए हेंदु प्रभु यीशु ज्ञानारिंङ तुंखा शवातंई।

यहूदा 1:2

गेह प्रार्थना लहज़ातग कि परमेश्वर केतिंङ दया, शांति ए दाह महसे रंङ खोकसा लोहतो।

प्रकाशित वाक्य 1:4

गेह यूहन्ना, दि डाक केतिंङ निह्ज़ी कलीसिया बि चेहच़ातग अंऊ आसिया प्रदेशारिंङ रिंङ तोह। गेह प्रार्थना लहज़ातग कि परमेश्वर अंऊ तोह, दंङ अंऊ हमेशा बेहच़ी तोहई, दंङ अंऊ अपिमी तोह; दंङ दुह निह्ज़ी आत्माओ तरफे, अंऊ परमेश्वरो सिंहासनो तुईज़ी तोह, केतिंङ मोह्ड़े दाह ए शांति खोकसोतो।