कुलुस्सियों 1:16 - लाहौली बाइबिल

¹⁶ छना कुचे मसीहरिंङ ए भत्ते चीज़ो सृष्टि शुई, स्वर्ग शुह या धरतीऊ, तंङषे या माह तंङषे, छि रज्ज़ा, छि प्रधानताऐ, छि अधिकार भत्ते चीज़ा रे दोऊ सेवा ओ थल्जी बणेषी शुह।

कुलुस्सियों 1:16 Iomraidhean Croise

यहून्नो 1:10

दुह संसारारंङ तोहई, दंङ संसार दोऊ दोरच़ी बणाएषी तोहई, दंङ संसारो मीहज़ी दुह सेहच़ी मरतिरे।

यहून्नो 1:3

परमेश्वरे दोऊ दोरच़ी भत्ते धिर बणाएठ्री शुह, दंङ छिला धिर दुह मेह बणाएषी माह शुह।

रोमियो 11:36

छना कुचे भत्ते धिर परमेश्वरो दोरच़ी ए अपत, दोई भत्ते धिर बणाषी शुह, दंङ भत्ते धिर दोऊ ए शुह। दोऊ महिमा युगानुयुग शुहवा लोहतो। अमीन।

रोमियो 8:38

गिह्बी पक्‍का विशवास तोह कि माह ता मौत माह ए जीवन, माह स्वर्गदूत माह सर्गो शाक्ति, माह वर्तमान माह भविष्य, माह सामर्थ, माह सर्ग माह पाताल रिंङ अरिया शाक्ति, दंङ माह ए भत्ते संसारारिंङ छा चीज़ हेंदिंङ परमेश्वरो दू दाह ओ दोरच़ी शत्‌ह लेह तरपोतो, अंऊ हेंदिंङ हेंदु प्रभु यीशु मसीहू दोरच़ी खोकसा तोह।

रोमियो 9:5

अब्राहम, इसहाक ए याकूब दोतु पूर्वज शुरे, दंङ फुको हिसाबे मसीह दोतु ए खानदानो तोह। परमेश्वर, अंऊ भत्ते तु टोहकठे राज लहज़ा, दोऊ हमेशा ओ थल्जी षटणा शुहबी जूंस। आमीन।

इफिसियों 1:10

अपेहल दि हिटी पूरे शुहबिमी टेम अपतो, दंङ परमेश्वर स्वर्ग ए धरतीऊ चीज़ातिंङ मसीहू अधीन लेह च़रपोतो, ताकि मसीह भत्ते चीज़ो मुख्या शोतो।

फिलिपियों 2:10

कि अंऊ स्वर्गारिंङ ए धरतीऊ टोईच़ी ए धरतीऊ योङ तोतोर, दोरे भत्ते यीशु मिन रि आदर रंड्रीमी थल्जी पुष्टू भारे बंङज़ोर;

कुलुस्सियों 1:15

अच़िला परमेश्वर बि खंड्री मरपोतो, पर अपेहल दोऊ योह इच्च़ा मीह बणेक्ति, दंङ दोई परमेश्वरा बि मीहतु तुहई ज़ि प्रगट लेह च़रति, अंऊ ला चीज़ा बणेक्पिमी तुहई दुह मौजूद तोहई दंङ भत्ते धरतीऊ टोहकठे भत्ते बे मोह्ड़े दोऊ अधिकार तोह।

कुलुस्सियों 1:20

परमेश्वरे एनोह योह च़रच़िमी फेंसला लहरी, अच़ि एनोह शुहई बहाएक्ति दंङ क्रूसो टोहकठे सिए इलि। परमेश्वरे झांह ठ्रोह एनोह ए दंङ भत्ते चीज़ा तु बिचंङ मेल मिलाप लहच़िमी थल्जी लहरी। झांह लेह, दोई एनोह ए, भत्ते चीज़ा तु बिचंङ शांति स्थापित लेह च़रति अंऊ स्वर्ग रिंङ तोह दंङ दुह भत्ते अंऊ धरतीरिंङ तोह।

कुलुस्सियों 2:10

दंङ मसीह संसारो शाक्ति ए अधिकारो टोहकठे भत्ते बे प्रधान तोह। झांह लेह अगर केरे मसीह रंङ जुड़ेके तोतोंई, दंङ केतिंङ छिल्ला धिरो कमी माह।

कुलुस्सियों 2:15

दंङ परमेश्वरे मसीहू क्रूसो टोहकठे सिमी दोरच़ी संसारो प्रधानता ए अधिकार यहरच़े दोतिंङ भत्ते तु तुईज़ी बेइज्ज़त लेह केह, दंङ दोतु टोईच़ी द्रक्शे दोतु खुले आम तमाशा बणाएतिर।

इब्रानियों 1:2

पर दि अन्तिम ध्याड़ारिंङ ञेंहच़ी हेंदु योह दोरच़ी गप्पा लहरिन। परमेश्वरे एनोह योह दोरच़ी भत्ते संसारो रचना लहरी दंङ दोबि भत्ते चीज़ा तु वारिस बणाके च़रति।

इब्रानियों 2:10

परमेश्वरे दि भत्ते चीज़ारे बणाएति दंङ भत्ते चीज़ारे एनोह थल्जी सोटेगी ततो। झांह लेह, कि महस मीहतिंङ एनोह महिमा रिंङ शामिल लोहतो, परमेश्वरे दि फेंसला लेहपति कि दिए हेले शोतो कि प्रभु यीशु दुख उठाके सिद्ध शुहचे योतो अंऊ चरित्रा रिंङ परिपूर्ण तोह छना कुचे यीशु ए तोह अंऊ दोतिंङ उद्धारो हखा रैंज़ा शिलज़ा।

1 पतरस 3:22

दंङ दुह स्वर्गो हखा अच़ा इलज़ा। हेंतेग दू दोर्तिंङ परमेश्वरो सुचंङ हासी भत्ते बे खास ठहरि बंङज़ा तोह, दंङ दू भत्ते स्वर्गदूत ए भत्ते अधिकारी दंङ शाक्ति तु टोईच़ी राज लहज़ा।