कुलुस्सियों 1:11 - लाहौली बाइबिल

¹¹ ञेंहच़ी प्रार्थना लहज़ातेंई कि परमेश्वर एनोह महिमा ओ शक्ति ऊ हिसाबे केतिंङ महस बलवन्त लोहतो, ताकि केरे सामर्थ ए खुशी रंङ साते केनातु दुख सहन लेह तरपोंई,

कुलुस्सियों 1:11 Iomraidhean Croise

प्रेरित 1:8

पर अपेहल पवित्र आत्मा केहतु टोहकठे अपतो दोहपल केतिंङ सामर्थ खोकसोतो; दंङ यरूशलेम शहर ए भत्ते यहुदिया ए सामरिया प्रदेशारिंङ, दंङ संसारो भत्ते ठाहरीरिंङ मीहतिंङ गिऊ पाहठी कंड्रिमी थल्जी गिऊ गवाह शोंई।

प्रेरित 5:41

दंङ दोरे यहुदी सभा ओ तुईज़ी हुंच़ा इलिर। दंङ छना दोरे वापिस यवातेर दोरे दि गप्पा रंङ खुश शुचे तोईरे कि ञेंरे यीशु थल्जी निरादर शुहबिमी जोगे शुईरे।

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

1 कुरिन्थियों 16:13

खबरदार बंङज़ुंई, विशवासा रिंङ ढकाह तोहई, हिम्मत तंही, दंङ विशवासा रिंङ पक्‍का शुहचे तोहई।

2 कुरिन्थियों 4:7

हेंतेग हेंदु सेहमरिंङ दि छंङी चमकेपी लेहकी तोह, पर हेनर षोह नाजुक नन्देतु ठ्रोह तोतोंई अंऊर दि खज़ाना पिंङषी तोह, ताकि गप्पाऊ दोरच़ी दि गप्पा साफ शुहचे योतो कि दि अद्धभुत सामर्थ हेंदु दोरच़ी मशत, पर परमेश्वरो दोरच़ी शुह।

इफिसियों 3:16

गेह प्रार्थना लहज़ातग कि, परमेश्वर एनोह महिमा दू खज़ाना दोरच़ी केतिंङ दि दान रमतो, कि केरे दोऊ आत्माओ दोरच़ी केनातु-केनातु अंदरेग सामर्थ खोकच़े बलवन्त शुचे योंई।

इफिसियों 4:2

मतलब भत्ते दीनता ए नम्रता रंङ साते, दंङ धीरज़ तहच़ि दाह रंङ साते इदि-अई दिऊ व्यवहार सहन लंहि।

इफिसियों 6:10

आखरी गप्पा दि तोह कि केरे प्रभु सामर्थो दोरच़ी आत्मिक तरीका रंङ पक्‍का शुहचे इलांई।

फिलिपियों 4:13

मसीहू दोरच़ी अंऊ गिह्बी दोई सामर्थ रंड्रा दोऊ मदते गेह भत्ते धिर ले तरच़ातग।

2 पतरस 1:6

दंङ माह सिर्फ दि ञेंहच़ी जूंशी तोह कि समझदारी रंङ साते छना व्यवहार लेह जूंशी तोह, बल्कि केतिंङ केनातु टोईच़ी काबू ला लहज़ी जूंशी तोह, बल्कि केतिंङ मुसीबता रिंङ ला धीरज़ तहच़ि जूंशी तोह।

प्रकाशित वाक्य 14:12

दिऊ थल्जी ज़रूरी तोह कि परमेश्वर ओ मीहरे दुह भत्ते दुख सहन लोहर अंऊ दुख दोच़ी सहन लहज़ातोर। दोच़ी दुह ए लहज़ातोर अंऊ परमेश्वरे हुकुम रंड्रा अंऊ दोतिंङ यीशु टोईच़ी विशवास लहज़ी बंद लेह माह जूंस।