कुलुस्सियों 1:10 - लाहौली बाइबिल

¹⁰ दंङ ञेंहच़ी दि प्रार्थना लहज़ातंई ताकि केहच़ी झांह ठ्रोह जीवन श्रींङमोंई छना प्रभु ज़ि जुंज़ा, दंङ केहच़ी भत्ते पाहठी रंङ साते प्रभु बि खुश लोंहई, कि केरे भत्ते पाहठी रूठे कम लोहवा लंहि, दंङ परमेश्वरा बि ञेंहच़िमी थल्जी लगातार बणेक्पा लंहि,

कुलुस्सियों 1:10 Iomraidhean Croise

यहून्नो 15:16

केहच़ी गेह अंङषी माह शुगाह, पर गेह केतिंङ अंङषातग दंङ केहरे ठेहराएक्तग कि केहरे इलजे फल हतांई; दंङ केहतु फल हमेशा ओ थल्जी शोतो, कि केहरे गिऊ चेलारे शुई, दिऊ थल्जी छिला धिर पिता परमेश्वरो दोरच़ी पेपोंन, दोई केतिंङ रमतो।

यहून्नो 15:8

गिऊ पिता परमेश्वरो महिमा दिरंङ ए शवाह, कि केहरे महसे फल हतांई, दोथरे केहरे गिऊ चेलारे शोंई।

यहून्नो 17:3

दंङ अनंत जीवन दीह शुह कि मीहरे कनिंङ सेहपोर, मतलब सिर्फ इच्च़ा सच्चा परमेश्वरा बि, दंङ दोरे गिह्बी सेहपोर, मतलब यीशु मसीह बि, अरी केई च़रसी शुह।

रोमियो 1:13

दंङ हे गिऊ प्यारे साथी विशवासी रे, गेह मा जुंज़ातग कि केहच़ी ञेंई च़रतेंई कि गेह घड़ी-घड़ी केहतु कछंङ अपिमी जुन्ज़ातेग, कि गेह छना ऊईजाति तु बिचंङ लहज़ातेग, ध्वांए केहतु बिचंङ ला लोहग, पर एंतेग तचेक दिरिंङ रूकावट ए अपाते।

रोमियो 4:12

दंङ अब्राहम दुह खतना लहसी दोतु ला बाह बणेंके इलि, अंऊ माह सिर्फ खतना लहसी तु टोहकठे निर्भर बंङज़ातोर, पर अतु कछंङ ध्वांए ठ्रोह विशवास तोह, छना हेंदु पूर्वज अब्राहमो विशवास तोहई, अंऊ दोई एनोह खतना बे तुहई कंङाते।

रोमियो 6:4

अपेहल हेंज़ी बपतिस्मा लेहपच़ी च़रतुंई दि झांह ठ्रोह तोहई छना हेनर यीशु रंङ साते सिए इलजी तोतोंई दंङ दोरंङ साते पथेक्सा इलांई, ताकि छना मसीह बाह परमेश्वरो महिमा ओ दोरच़ी सिमी दोरच़ी श्रींङमी लहरी, ध्वांए हेनर ला खरकोई जीवनो ठ्रोह चाल चलेपोंई।

2 कुरिन्थियों 2:14

दंङ परमेश्वरो धन्यवाद शोतो, अंऊ मसीह रंङ साते हेंदु संबधो वहज़ा ज़ि, हेंदिंङ हमेशा ऐनाहरंङ साते चलाच़ा। दिऊ मतलब दि तोह कि हेनर अंऊर ला य्वातंई, हेनर रूठे खबर सुनाच़ातंई ताकि भत्ते मीहरे परमेश्वरो बि ञेंओर ए रेड्रोर।

2 कुरिन्थियों 4:6

झांह लेह कि परमेश्वरे कुहते, “हंयारो दोरच़ी छंङी चमकेक्पोतो,” दंङ परमेश्वरे छंङी ठ्रोह हेंदु सेहमरिंङ समझ रें च़रति, ताकि हेनर परमेश्वरो महिमा बि खंड्री तरपोंई अंऊ यीशु मसीह रिंङ प्रगट शवाह।

2 कुरिन्थियों 5:9

झांह लेह हेंदु सेहमो हिटी दि तोह, कि अगर हेनर दोरंङ साते स्वर्गंङ बंङज़ोंई या धरती रिंङ बंङज़ोंई, पर हेनर प्रभु बि खुश लोहवा लोहनि।

2 कुरिन्थियों 9:8

परमेश्वरो भत्ते धिरो मोह्ड़े दाह केतिंङ केहतु ज़रूरत बे महस रें तरपोतो। अंऊ दोरच़ी भत्ते गप्पा रिंङ ए भत्ते टेमारिंङ, भत्ते धिर, अंऊ केतिंङ जूंशी तोह केहतु कछंङ बंङज़ोतो, ताकि केहतु कछंङ रूठे कम लहज़िमी थल्जी ज़रूरत बे महस शोतो।

इफिसियों 1:17

गेह प्रार्थना लहज़ातग कि परमेश्वर हेंदु प्रभु यीशु मसीहू महिमामय बाह, केतिंङ पवित्र आत्मा रमतो, अंऊ केतिंङ बुद्धिमान बणाके च़रपोतो दंङ परमेश्वरा बि केहतु टोहकठे प्रगट लोहतो, ताकि केहच़ी दू ञेंई तरपोंई।

इफिसियों 2:10

छना कुचे हेनर परमेश्वरे बणाषी शुई; दंङ यीशु मसीह रिंङ दू रूठे कमो थल्जी बणाषी अपि परमेश्वरे तुहई बेहच़ी हेंदु लहज़िमी थल्जी तेयार लहसी ततो।

इफिसियों 4:1

झांह लेह अंऊ गेह प्रभु यीशु सेवा लहज़िमी वहज़ा रिंङ जेलारिंङ तोतोग, केतंङ साते बिनती लहज़ातग, कि केरे दू बुलाहट रंङ साते अतंङ परमेश्वर एनोह कटुरे शुहबिमी थल्जी बुलाएक्तो, दोऊ हिसाबे केनातु जीवन श्रींङमातंई।

इफिसियों 4:13

दि दोहपल तचेक जारी बंङज़ोतो अपेहल तचेक कि हेनर हेंदु विशवास ए परमेश्वरो योह पाहठी हेंदु समझरिंङ इच्च़ा शुहचे माह योंई। दंङ हेनर सिद्ध शुहचे योंई, छना मसीह शुहचे तोह, दंङ हेनर भत्ते पाहठी दोऊ ठ्रोह शुहचे योंई।

इफिसियों 5:10

दि सिखेक्च़िमी कोशिश लंहि, कि प्रभुबि छि रूठे च़ेहसी।

इफिसियों 5:15

झांह लेह ध्यानारंङ साते खांई, कि केरे छना ठ्रोह जीवन श्रींङमी लेहकी तोतोंई, मुर्खा तु ठ्रोह मशत, पर बुद्धिमानो तु जीवन श्रींङमा तंई।

इफिसियों 5:2

मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

फिलिपियों 1:11

छना इच्च़ा बुट फल पैदा लहज़ा ध्वांए केहच़ी धर्मिकताऊ कम लोहवा लंहि अंऊ प्रभु यीशु मसीहू दोरच़ी शवाह दोरंङ साते भरपूर शुचे इलेंई अतु दोरच़ी यीशु मसीहू महिमा ए षटणा शुहबी जूंस।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

फिलिपियों 4:18

गिऊ दोर भत्ते धिर तोद पर महसे बे बढ़कर तोह; अंऊ चीज़ारे केहच़ी इपफ्रुदीतुसो गुह्ट्री दोरच़ी च़रसी तोहई, दुह खोक्शे गेह तृप्त शुहचे इलिगा, दि झांह ठ्रोह तग तोह अंऊ केहच़ी परमेश्वर बि चढ़ाके दंङ अंऊ रूठे वास रंड्रा। अंऊ परमेश्वर ग्रहण लहच़ी दंङ खुश शुहबी।

कुलुस्सियों 2:19

दंङ दोरे मीहरे मसीह रंङ साते ठ्रोहका शुहचे माह बंङज़ा तोर अंऊ भत्ते फुको पुंज़ा शुह। छना पुंज़ा भत्ते फुक काबू लहज़ा ध्वांए यीशु मसीह एनोह मीहतिंङ चलाच़ा, ताकि दोरे एनातु बिचंङ ठ्रोहका शुहचे बंङज़ोर दंङ दोरे मसीह रिंङ बणेक्पा लोहर छना फुको भत्ते जोड़ ए नसर भत्ते फुका बि चुमज़ा बंङज़ा तोर दंङ परमेश्वरो दोरच़ी बणेक्पा तोर।

कुलुस्सियों 2:6

दंङ छना केहच़ी मसीह यीशु बि प्रभु लहच़ी ग्रहण लेह केहरिन, ध्वांए लगातार दोऊ थलेच़ि ज़ोजा लंहि,

कुलुस्सियों 3:20

हे कटुरे, भत्ते गप्पारंङ केनातु-केनातु याह बाहऊ हुकुम भाषे लंहि, छना कुचे प्रभु दिरंङ साते खुश शुहबी।

कुलुस्सियों 4:5

हर मोका ओ रूठे रंङ इस्तेमाल लंहि दि कंड्रिमी थल्जी कि केरे विशवासी शुई दंङ अंऊ मीहरे यीशु मसीहू टोहकठे विशवास माह लहज़ातोर दोतंङ साते बुद्धिमानी रंङ साते बर्ताब लंहि।

1 थिस्सलुनीकियों 2:12

ताकि केहतु चाल चलनो दोरच़ी परमेश्वराबि महस इज्ज़त खोकसोतो, अंऊ केतिंङ एनोह राज ए महिमारिंङ भागीदार शुहबिमी थल्जी बुलाएच़ा।

1 थिस्सलुनीकियों 4:1

हे गिऊ प्यारे साथी विशवासी रे, थल मुखंङ ञेंरे प्रभु यीशु मसीहू मिंदंङ केतंङ साते बिनती लहज़ातंई दंङ केतिंङ समझाएक्च़तंई, कि केरे झांह ठ्रोह चाल ज़ोई अंऊ परमेश्वराबि खुश लोहतो। अंऊ गेह केतिंङ सिखाएकातग केरे तुहई बेहच़ी ध्यांए ठ्रोह तोहई, दंङ ञेंरे केतिंङ ध्यांए लहच़िमी थल्जी ऊई ला उत्साहित लोहनि।

2 तीमुथियुस 2:4

इच्च़ा सेनिक अंऊ सेना रिंङ शवात, दुह एनोह कम ओ छोड़ेके ऊई छल्ले कम माह लहज़ा, छना कुचे दुह एनोह अधिकारी बि खुश लहज़ी जुंज़ा।

तीतुस 3:1

विशवासी मीहतिंङ हिद दिलाएच़ा लोह, कि हाकिम ए अधिकारी तु अधीन बंङज़ु, दंङ दोतु हुकुम मनेक्तु, दंङ ऊईतु थल्जी हर इच्च़ा रूठे कमो थल्जी तेयार बंङज़ुंई,

तीतुस 3:14

सिर्फ धोंण ए मशत, कनिंङ विशवासी तिंङ सिखासी जूंशी तोह कि रूठे कम लहज़िमी थल्जी लगातार मेहनत लोहवा लंहि ताकि दुह मीहतु ज़रूरत पूरा लहज़िमी थल्जी रूठे कम लहज़िमी दोतिंङ महस मेहनत लेह जुंशी तोह। झांह लेह विशवासी तिंङ इच्च़ा मकसद रंङ साते जीवन श्रींङमी मदत खोकसोतो।

इब्रानियों 11:5

विशवासो दोरच़ी ए हनोक मिन्दु इच्च़ा मीह स्वर्गंङ श्रींङी ए उठाइगी रेंज़ा शिली, दंङ दुह सिए माह अतिंङ ला दोऊ सिए फुक माह खोकसिरी; छना कुचे विशवासो दोरच़ी परमेश्वरे दोबि स्वर्गंङ उठाके च़रति, दंङ स्वर्गंङ शिल्ज़िमी तुहई दोऊ पाहठी पवित्रशास्त्रारिंङ कुहषी तोह, कि हनोके परमेश्वरा बि खुश लाहते।

इब्रानियों 13:16

केरे भलाई लहच़ी ए इदि-अई दिऊ मदत लहज़िमी थल्जी तेयार बंङज़ुंई, छना कुचे परमेश्वर झांह ठ्रोह बलिदाना रंङ साते खुश शवाह।

2 पतरस 1:8

अगर दि भत्ते गप्पारे केहतु अंदरेग तोह, दंङ दि केतिंङ हेंदु प्रभु यीशु मसीहू ज्ञानो थल्जी महस जूंशी ए फलदायी शुहबिमी थल्जी मदत लोहतो।

2 पतरस 3:18

पर केतिंङ हेंदु प्रभु ए उद्धारकर्ता यीशु मसीहू मोह्ड़े दाह बि ऊई महसे बे महसे महसूस लेह जूंशी तोह, दंङ दोऊ थल्जी हेंदु समझा रिंङ बढ़ेक्पि जूंशी तोह। दोऊ महिमा हेंतेग हमेशा थल्जी शुहबी जूंस। अमीन।

1 यूहन्ना 3:22

दंङ छिल्ल धिर हेंज़ी परमेश्वरो दोरच़ी पेट्रातंई, दुह हेन्दिंङ दोऊ दोरच़ी खोकसा, छना कुचे हेनर दोऊ हुकुम मनेक्च़ा तोंई, दंङ अंऊ परमेश्वरा बि रूठे च़ेहसा दुह ए लहज़ातंई।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।

3 यूहन्ना 1:6

दोतु बिचंङ ज़ि रेह मीहच़ी देहर कि कलीसिया ओ विशवासी तिंङ दिह कांहषी ततोर कि केई केनोह साथी विशवासी तंङ साते धिंङघा दाह लहज़ातन। दा गेह कनिंङ कुट्री तातग कि कनिंङ झांह ठ्रोह मीहतु मदत लहच़ी ज़रूरी तोह, अपेहल दोरे कांह कछंङ ज़ि अच्च़ा योर। छना कुचे परमेश्वरा बि खुशी शुहबी