कुलुस्सियों 1:1 - लाहौली बाइबिल

¹ गेह पोलुस, गिऊ साथी विशवासी तीमुथियुस तरफे दि डाक चेहच़ातग। गेह परमेश्वरो हिटी रंङ यीशु मसीहू प्रेरित शुगाह।

कुलुस्सियों 1:1 Iomraidhean Croise

प्रेरित 16:1

पोलुस ए सिलास दिरबे शहरंङ इलिर दंङ दोरकी विशवासी तंङ दोआ दंङ दोरच़ी लुस्त्रो शहरो हखा इलिर। दंङ दोहर इच्च़ा विशवासी बंङज़ाते अतु मिन तीमुथियुस तोहई। दोऊ याह इच्च़ा यहुदी विशवासी तोहई, पर दोऊ बाह ऊई जातिऊ तोहई।

रोमियो 1:1

गेह पोलुस दि डाक च़ेहसी लेहकी तोतोग, अंऊ यीशु मसीहू परगर शुगाह, परमेश्वरे गेह प्रेरित शुहबिमी थल्जी अंङषी शुगाह, दंङ परमेश्वरो तरफे दुह रूठे खबरो प्रचार लहज़िमी थल्जी शत्‌ह लेह च़रति।

1 कुरिन्थियों 1:1

गेह, पोलुस दि डाक च़ेहसी लेहकी तोतोग। गेह परमेश्वरो हिटी रंङ साते यीशु मसीहू प्रेरित शुहबी थल्जी अंङषी शुगाह। गेह देर हेंदु साथी विशवासी सोस्थिनेस रंङ साते तोतोग।

2 कुरिन्थियों 1:1

गेह, पोलुस दि डाक च़ेहच़ी लेहकी तोतोग। गेह परमेश्वरो हिटी रंङ यीशु मसीहू प्रेरित शुगाह। दंङ हेंदु साथी विशवासी तीमुथियुसो तरफे परमेश्वरो दू कलीसिया बि च़ेहच़ी लेहकी तोतोग अंऊ कुरिन्थुस नगरंङ तोह, दंङ परमेश्वरो भत्ते मीहतिंङ अंऊ अखाया ओ नगरंङ बंङज़ातोर।

इफिसियों 1:1

गेह, पोलुस, दि डाक चेह्ची लेहकी तोतग। गेह परमेश्वरो हिटी ऊ हिसाबे यीशु मसीहू प्रेरित शुगाह, गेह दि डाक इफिसुस शहरो बंङज़ा परमेश्वरो मीहतिंङ चेहच़ातग, अंऊ मसीहू यीशु थल्जी वफादार तोह।

फिलिपियों 1:1

गेह पोलुस ए तीमुथियुस अंऊ यीशु मसीहू सेवक शुई, ञेंहतु तरफे केरे परमेश्वरो मीहतिंङ दंङ मुख्या तिंङ ए सेवका तिंङ दि डाक चेहच़ातग। अंऊ यीशु मसीह रिंङ शुहचे फिलिप्पी शहरारिंङ बंङज़ातोर।

1 थिस्सलुनीकियों 1:1

दि डाक पोलुसे सिलवानुस ए तीमुथियुसो तरफे। ञेंहच़ी दि डाक थिस्लुनीकियो शहरो कलीसियाबि च़ेहसी लेहकी तोतोंई, अंऊ हेंदु बाह परमेश्वर ए प्रभु यीशु मसीहरिंङ तोह। ञेंहच़ी प्रार्थना लहज़ातंई कि परमेश्वर केतिंङ मोह्ड़े दाह ए शांति रमतो।

1 थिस्सलुनीकियों 3:2

दंङ ञेंहच़ी तीमुथियुसबि केहतु कछंङ च़रतिन, अंऊ मसीहू रूठे खबरारिंङ ञेंहतु न्वा ए परमेश्वरो सेवक तोह। ताकि दोई केतिंङ विशवासरिंङ पक्‍का लोहतो, दंङ लगातार विशवास लहज़िमी थल्जी उत्साहित लोहतो।

2 थिस्सलुनीकियों 1:1

दि डाक पोलुस सिलवानुस ए तीमुथियुस तरफे। ञेंहच़ी दि डाक थिस्लुनीकियो शहरो कलीसियाबि च़ेहसी लेहकी तोतोंई, अंऊ हेंदु बाह परमेश्वर ए प्रभु यीशु मसीहू तोतोर।

फिलेमोंन 1:1

गेह पोलुस अंऊ यीशु मसीहू सेवकाई ऊ थल्जी जेलारिंङ तोतोग। दिह डाक चेहच़ातग। ञेंहतु विशवासी न्वा तीमुथियुसो तरफे कनिंङ फिलेमोनबि ला नमस्कार। काह हेंदु साथी मित्र शुनाह दंङ हेंदु ठ्रोह ए मसीहू सेवा लहज़ातन।

इब्रानियों 13:23

केतिंङ दि हिद शोतो कि, हेंदु विशवासी न्वा तीमुथियुस कैदो दोरच़ी रिहा शुहचे इलज़ा, दंङ अगर दू युरनाह अच़ा अति, दंङ गेह दोरंङ साते केहतु कछंङ दोहई अपोग।