प्रेरित 9:3 - लाहौली बाइबिल

³ पर ज़ोजा-ज़ोजा अंऊ मुक्का शाऊल ए दोऊ साथिरे दमिश्क नगरो कछंङ पिरिर ता अचानक सर्गंङज़ि दोऊ पीला हासी छंङी शुई,

प्रेरित 9:3 Iomraidhean Croise

प्रेरित 22:6

अपेहल गेह यात्रा लहज़ा दमिश्क नगरो कछंङ पिचे इलिग, दंङ झांह शुई कि निरो लगभग अचानक इच्च़ा मोह्ड़े छंङी सर्गंङ च़ि गिऊ फेरे च़मकेकी इलि।

प्रेरित 9:17

दोथर हनन्याह खड़े अच़ा दुह चुंङ अति दंङ शाऊला रंङ साते दोहरी दंङ दोऊ टोईच़ी एनोह गुड़ केट्रा ते कुई, “हे न्वा शाऊला, प्रभु यीशु ज़ि, अच़ि कनिंङ देर्तिंङ अपिमी मुक्का दमिशको शहरो इबिमी मुक्का अमरिंङ दर्शन रेंई, दोई ए गिह्बी चरच़तो, कि कांह यच़ाह खांई तरपोन दंङ पवित्र आत्मा रंङ साते परिपूर्ण शुहचे योंई।”

प्रेरित 9:27

पर बरनबास शाऊला बि ऐनारंङ साते प्रेरितातु कछंङ शिल्ज़े दोतंङ साते कुंई, कि दोच़ी छना ठ्रोह दमिश्क इलाकाओ हखा इबिमी अमरिंङ प्रभु यीशु बि खांई, दंङ प्रभु ज़ि दिरंङ साते गप्पा लहरी; दोथर दमिश्क शहरंङ दिह छना दोई याहब रंङ साते मीहतिंङ यीशु पाहठी प्रचार लहरी।

1 कुरिन्थियों 15:8

दंङ भत्ते तु थल गिह्बी ला तंङसिरी, अंऊ कि दुह कटु ठ्रोह तोहई, अंऊ टेम बे तुहई जेह्कते।

1 कुरिन्थियों 9:1

छिल्ला धिर गेह लहज़ी जुंज़ातग, दुह लहज़िमी थल्जी गेह आज़ाद तोतोग, गेह प्रेरित शुगाह, गेह हेंदु प्रभु यीशु बि तंङातेग, केरे प्रभु रिंङ लहसी गिऊ सेवा ऊ नतीज़ा शुईं।

1 तीमुथियुस 6:16

सिर्फ दुह ए तोह अंऊ हमेशा ओ थल्जी श्रींङी तोह, दुह धोंण चमकदार छंङीरिंङ बंङज़ा, कि अरिला दोऊ कछंङ अपि मरछा, माह ता दोबि अच़िया मीह खंड्री तरपोतो। दोऊ महिमा ए सामर्थ युगानयुग बंङज़ोतो। अमीन।

प्रकाशित वाक्य 21:23

दुह शहरा बि छंङी ओ थल्जी ऐके या लच़ंङो ज़रूरत माह। छना कुचे परमेश्वरो महिमा दुह शहरारिंङ चमक्केपा, दंङ कुरच़ा ला तोह अंऊ दिबी छंङी लहज़ा।

प्रकाशित वाक्य 22:5

दोर्तिंङ यह्च़ा अपेहला रात माह शोतो, अंऊ मीहरे दोर्तिंङ बंङज़ातोर, दोतिंङ एनोह अमरिंङ छंङी ओ थल्जी छंङीऊ ज़रूरत माह शोतो। माह ए दोतिंङ छंङी रंड्रीमी थल्जी ऐकेऊ ज़रूरत तोह। छना कुचे परमेश्वर ए तोह अंऊ मीहतु थल्जी छंङी रंड्रा। दंङ दिरे मीहरे अंऊ दोर्तिंङ बंङज़ातोर दोरे हमेशा ओ थल्जी राज लोहरे।