प्रेरित 8:3 - लाहौली बाइबिल

³ पर शाऊल कलीसियाओ मीहतिंङ परेशान लहज़ी लेहकी तोहई; दंङ हर इच्च़ा ओ चुंङ इलज़ा-इलज़ा बिशवासी मीह तिंङ च़ुमने जेलंङ केट्री चरच़ाते।

प्रेरित 8:3 Iomraidhean Croise

प्रेरित 16:19

अपेहल दोऊ मालिक ए दुह खांई, कि ञेंहतु कमाईऊ साधन योह्सा इलि, दंङ पोलुस ए सीलास बि च़ुमने चोको प्राधनो कछंङ षोह्के हतिर।

प्रेरित 22:19

गेह कुईग, ‘हे प्रभु, दोतिंङ ता पता तोह, कि गेह कांह टोहकठे बिशवास लहज़ा तिंङ जेलंङ केट्रा दंङ ठहरि-ठहरि यहुदी सभो घरबारंङ तेंङज़ि लहज़ातेग। दिऊ थल्जी गिह्बी समझ माह अति कि यरूशलेम शहरारिंङ यहुदी मीहरे गिऊ टोईच़ी भरोसा छिला माह लोहर।

प्रेरित 7:58

स्तिफनुस बि च़ुमनिर दंङ दोबि षोह्के यरूशलेम शहरंङ च़ि धह्तेका हुंच़े रह्घ द्रले केट्री लेहतिर, दंङ स्तिफनुस ओ टोईच़ी दोष लगाएच़ा मीहज़ी एनातु धह्कतेकी खमज़ेर युप्शी ते शाऊल मिंदंङ इच्च़ा छ़ोकरा ओ कछंङ केह्चे च़रतिर।

प्रेरित 8:2

दंङ रेह भक्त गंङमी ज़ि स्तिफनुसो फुक कब्रङ केहरिर; दंङ दोऊ थल्जी महस शोक लहरिर।

प्रेरित 9:21

दंङ भत्ते रेड्रा दोरे हेरान शुहचा ते कुट्री लेहतिर, “छि दिह दुह हे मीह माह शुह आ अंऊ यरूशलेम शहरा रिंङ दोतिंङ नाश लहज़ाते अंऊ मसीह यीशु ऊ बिशवासी तोईरे, दंङ देर्तिंङ ला दिऊ थल्जी अंज़े तोहई, कि दोतिंङ बन्दी लहज़ा यहुदी मोह्ड़े पुरोहिता तु कछंङ रेंज़ा शोतो?”

1 कुरिन्थियों 15:9

छना कुचे गेह प्रेरिता तु बिचंङ भत्ते बे कम खास शुगाह, हेले कोहग ता गेह प्रेरित कुट्रीमी जोगे ला माह शुगाह, छना कुचे गेह परमेश्वरो टोईच़ी विशवास लहज़ा मीहतिंङ तंग लहज़ातेग।

गलातियों 1:13

न्वारे केहच़ी ञेंहच़ातंई कि अपेहल गेह यहुदी धर्मो भाषे ए लहज़ातेग, दंङ छना श्रींङमातेग। गिऊ महसे साथी अंऊ गिऊ उम्रो तोईरे, पर गेह दुह भत्ते बे तुंखा तोईगा। छना कुचे गेह घेंङौ बाह-मेमेतु रिति रिवाज़ो भत्ते सेहमे भाषे लहज़ातग। दू टेमारिंङ यीशु थलेच़ि ज़ोज़ा दोरे अंऊ परमेश्वरो अराधना लहज़ातेर, सताच़िमी थल्जी हुंच़ा तोहई, गेह दू भत्ते तिंङ नाश लहज़िमी कोशिश लहरी। पर दोहपल परमेश्वरे फेंसला लहरी कि एनोह योह बि गिऊ टोईच़ी प्रगट लोहतो, ताकि गेह ऊईजाति मीहतु बिचंङ यीशु पाहठी प्रचार लेह तरपोग। परमेश्वरे ए तोह अच़ि गिह्बी जेह्कपिमी तुहई अंङे चरच़ाते, दंङ एनोह मोह्ड़े दाह ओ दोरच़ी दोई गिह्बी एनोह सेवाओ थल्जी बुलाके चरच़तो, अपेहल यीशु ज़ि एनाबि गिऊ टोहकठे प्रगट लहरी, दंङ दू मुक्का गेह सलाह लेहप्च़िमी थल्जी अतु कछंङ ला मेलिगा।

फिलिपियों 3:6

खुशीऊ पाहठी गेह कोग ता कलीसियाबि सताएच़ा दुह; दंङ यहुदी कानून मनेक्च़ा तु, इच्च़ा धर्मी मीह तोहई, छना कुचे गेह दोऊ भत्ते पालन लाहतेर।

1 तीमुथियुस 1:13

गेह विशवासी बणेक्पिमी तुहई, मसीहू पाहठी मदम कुट्रा ए विशवासीतिंङ तंग लहज़ा ठ्रोह ए झखंजी मीह तोहई, तांला परमेश्वरे गिऊ टोहकठे दाह लहरी छना कुचे गेह अयता तचेक मसीहू टोहकठे विशवास माह लहज़ातेग दंङ झांह लेह गेह समझेके मरतिगा कि छि गेह लहच़ी लेहकी तोईग दुह गलत शुह।

याकूब 2:6

पर केहच़ी दुह गरीबो अपमान लहरिन, केहच़ी ञेंच़ातंई कि दि साहुकार मीहरे अंऊ केहतु टोईच़ी अत्याचार लहज़ा तोर। दोरे ए शुहर अंऊ केतिंङ ज़बरदस्ती कोर्टंङ शिलज़ा तोर।