प्रेरित 8:1 - लाहौली बाइबिल

¹ शाऊल, स्तिफनुस ओ हत्या शुहबी रंङ साते पुरा सहमत तोहई। दुहए ध्याड़ा यरूशलेम शहरो कलीसियाओ टोहकठे महसे सताव शुहबी लेहती दंङ प्रेरिता तिंङ केट्रा भत्ते कि भत्ते मीहरे यहुदिया ए सामरिया प्रदेशंङ तितर-बितर शुचि इलिर।

प्रेरित 8:1 Iomraidhean Croise

मत्ती 22:6

ऊहई मीहच़ी अरी केहषा इल्जी तोईरे दोऊ कहम लहज़ार च़ुमने दोतु बेज़ती लेह दोरे सच्चे च़रतिरे।

मत्ती 23:34

दिऊ थल्जी खंणुई, गेह केहतु कछंङ भविष्यवक्ता, बुद्धिमानरे दंङ यहुदी शास्त्रीरे चरच़ातग; दंङ केहरे दोतु बिचंङज़ि केहच़ी रेइरे सचे च़रपोंई ए रेह क्रूसंङ चड़ाएपोंई, रेहईतिंङ यहुदी सभा घरबारंङ कोड़े रंङ साते तेंङमोंई दंङ इच्च़ा इलाकाओ दोरच़ी अई इलाकारिंङ पोकफी लोहन।

मत्ती 5:13

केरे दिह संसारो मीहतु थल्जी छ़ाऊ ठ्रोह शुई; पर अगर छ़ाऊ स्वाद अच़ा इलि सईता, दंङ दुह अंऊ चीज़ा रंङ साते छ़कू लहज़ी दंङ दुह छोउला कमो माह शुहबी, सिर्फ दिऊ थल्जी शुहबी कि धह्तेका छङें मीहतु कोन्ज़ो पोयंङ ककट्रीमी थल्जी।

यहून्नो 15:20

हिद ताईन कि गेह केतंङ साते छि कुहतेग, परगर एनोह मालिका बे मोह्ड़े माह शुहबी, दोबि हिद तांई, अगर दोच़ी गिह्बी तंग लहतोर, ता केतिंङ ला तंग लोहर; अगर दोच़ी गिऊ शिक्षा मनेक्तिर, ता केहतु ला मनेक्पोर।

यहून्नो 16:2

दोरे केतिंङ यहुदी सभा घरबारंङ च़ि धह्तेका हुंच़े च़रपोर, देहर तचेक कि दिह झांह ठ्रोह टेम ला अपतो, अच़िला केतंङ सचे च़रपोर ता दोच़ी चेहपोर कि दोच़ी झांह लेह परमेश्वरो सेवा लहज़ातोर।

प्रेरित 1:8

पर अपेहल पवित्र आत्मा केहतु टोहकठे अपतो दोहपल केतिंङ सामर्थ खोकसोतो; दंङ यरूशलेम शहर ए भत्ते यहुदिया ए सामरिया प्रदेशारिंङ, दंङ संसारो भत्ते ठाहरीरिंङ मीहतिंङ गिऊ पाहठी कंड्रिमी थल्जी गिऊ गवाह शोंई।

प्रेरित 13:1

अन्ताकिया शहरो कलीसिया रिंङ महसे भविष्यवक्ता ए शिक्षा रंड्रा तोईरे; मतलब बरनबास ए शमौन अतु अई मिन नीगर (रोह्की) कुट्रातेर; दंङ लूकियुस अंऊ कुरेनो शहरो शुह, शाऊल दंङ मनाहेम अंऊ दोतु पालन-पोषण राज्यपाल हेरोदेस रंङ साते शुहते।

प्रेरित 13:36

छना कुचे रज्ज़ा दाऊद परमेश्वरो हिटी ऊ हिसाबे एनोह टेम पूरा लहज़िमी थल सी इलि, दंङ दुह एनोह बाह-मेमे तंङ साते पथेक्की च़रतिर, दंङ सुहषी ला इलि।

प्रेरित 2:47

दंङ परमेश्वरो अराधना लहज़ातेर, दंङ भत्ते मीहरे दोतंङ साते खुश तोईरे; दंङ अंऊ दोरे उद्धार खोक्शतेर, दोतिंङ प्रभु दोतंङ साते शामिल लेह चरच़ाते।

प्रेरित 22:20

दंङ दोच़ी दि ला ञेंओर कि अपेहल कांह गवाह स्तिफनुस ओ शुहई बहाची लेहकी तोईर दोहपल ला गेह दोर्तिंङ खड़े तोईग, दंङ दि गप्पा रंङ सहमत तोईग, दंङ दोऊ हत्यारातु खमज़ेतु रखवाली लहज़ी लेहकी तोईग।’

प्रेरित 26:10

दंङ गेह यरूशलेमंङ झांह ए लहरिगा; दंङ यहुदी मोह्ड़े पुरोहिता तु दोरच़ी अधिकार खोक्शे महसे परमेश्वरो मीहतिंङ कैदा रिंङ केहच़ी च़रतिगा, दंङ अपेहल दोरे सचे केट्रातेर, दंङ गेह ला दोतु विरोधा रिंङ शामिल शुहचे यवातेग।

प्रेरित 5:18

दिऊ थल्जी दोच़ी प्रेरिता तिंङ च़ुमने जेलंङ बन्द लेह केहरिर।

प्रेरित 5:20

“ईलांई, यहुदी मंदिरो ल्वाड़िंङ खड़े शुहचे मीहतिंङ दिह खरकोई जीवनो पाहठी कंड्रुंई।”

प्रेरित 5:33

अपेहल सभा ओ मीहज़ी दिह रेड्रिर दोरे हट्रा इलिर, दंङ दोरे प्रेरितातिंङ सच़ी तरेर।

प्रेरित 5:40

दंङ दोच़ी दोऊ गप्पा मनेकी केहरिर, दंङ प्रेरितातिंङ बुलाके कोड़ार लगाएतिर; दंङ दोतिंङ दिह हुकुम रेंईर कि हेंतेग बे यीशु ऊ मिंदंङ छले थाकुंई दंङ दोतिंङ छोड़ेके च़रतिर।

प्रेरित 7:38

दंङ दिह ए मूसा भविष्यवक्ता ओ रुपंङ हेनातु बाह-मेमे तंङ साते तोहई अपेहल दोरे सुनसान ठहरि इच्च़ा साते ठ्रोहका तोईरे, दोर्तिंङ मूसा बि परमेश्वरो दोरच़ी अनंत जीवनो बचन खोकसिरी, दंङ दोई दोरे बचन ञेंहतु कछंङ तचेक पिपि लहरी।

प्रेरित 7:54

दिह गप्पारे रेड्राते यहुदी सेंहणार रोषेक्च़ा इलिर, दंङ स्तिफनुसो थल्जी महसे रोहष लहज़ी लेहतिर।

प्रेरित 7:58

स्तिफनुस बि च़ुमनिर दंङ दोबि षोह्के यरूशलेम शहरंङ च़ि धह्तेका हुंच़े रह्घ द्रले केट्री लेहतिर, दंङ स्तिफनुस ओ टोईच़ी दोष लगाएच़ा मीहज़ी एनातु धह्कतेकी खमज़ेर युप्शी ते शाऊल मिंदंङ इच्च़ा छ़ोकरा ओ कछंङ केह्चे च़रतिर।

प्रेरित 8:14

अंऊ मुक्का प्रेरिता ज़ि अंऊ यरूशलेम शहरंङ तोईरे, रेड्रीर कि सामरिया प्रदेशो मीहच़ी परमेश्वरो बचन ग्रहण लेह केहतोर ता पतरस ए यूहन्ना बि दोतु कछंङ च़रतिर।

प्रेरित 8:2

दंङ रेह भक्त गंङमी ज़ि स्तिफनुसो फुक कब्रङ केहरिर; दंङ दोऊ थल्जी महस शोक लहरिर।

प्रेरित 8:4

पर अंऊ बिशवासीर देखा-नोखा शुहचे तोईरे, अंऊर-अंऊर दोरे इलिर यीशु पाहठी रूठे खबरो प्रचार लहज़ी लेहतिर।

प्रेरित 8:5

दंङ फिलिप्पुस सामरिया प्रदेश ओ इच्च़ा शहरंङ इलजे मीहतु बिचंङ मसीहू पाहठी प्रचार लहज़ी लेहती।

प्रेरित 9:31

झांह लेह भत्ते यहुदिया प्रदेश, गलील प्रदेश दङ सामरिया प्रदेशंङ कलीसियाओ मीहतिंङ शांति खोकसिरी, दंङ कलीसियाओ तरक्की शुहवा लहरी; दंङ प्रभु ऊ बेह्द ए पवित्र आत्माओ मदत रंङ साते महसे मीहतिंङ हौंसला खोकसिरी दंङ प्रभु यीशु ऊ टोहकठे बिशवास लहरीर।

रोमियो 1:32

दंङ दोरे ता परमेश्वरो दि विधि ञेंच़ातोर कि झांह, झांह कम लहज़ा दुरे सिमी सज़ा जोगे शुहरे, तांला ऐनाह ए झांह ठ्रोह कम मा लहज़ा पर दि ठ्रोह कम लहज़ा दोतंङ साते ला खुश शुहवा।

फिलिपियों 1:12

हे विशवासी न्वारे, गेह जुंज़ातग कि केहच़ी दिह ञेंई च़रतेंई कि गिऊ टोईच़ी छि बितेक्पि लेहकी तोह, दोऊ वहज़ाज़ि महस मीहच़ी रूठे खबरो टोहकठे विशवास लहरिर।

इब्रानियों 11:27

विशवासो दोरच़ी रज्ज़ा ओ रोहष रंङ साते माह बेवा ते मूसा ज़ि मिस्त्र देश छोड़ेकी च़रति, छना कुचे दोई ञेंई च़रते कि दि झांह तोहई कि छना दोई परमेश्वरा बि तंङाते अंऊ तंङफिमी माह तोहई।