प्रेरित 7:51 - लाहौली बाइबिल

⁵¹ “हे ज़िद्दी ए सेहमो बिधर्मि दंङ रेड्रो टंऊंणे मीहरे, केहरे हमेशा पवित्र आत्माओ विरोध लहज़ातन, छना केहतु बाह-मेमेर लहज़ातेर, ध्वांए केहच़ी ला लहज़ातोनि।

प्रेरित 7:51 Iomraidhean Croise

प्रेरित 6:10

पर स्तिफनुसे छिला धिर कुहते, दोरे मीहरे दोऊ छले जुबाब रेह मरतिर छना कुचे पवित्र आत्माज़ि दोबि महसे समझदारी रंङ साते कुट्रिमी मदत लहरी।

प्रेरित 7:27

पर अंऊ एनोह पड़ोसी टोईच़ी अन्याय लहज़ाते, दोई दि कुजी मूसा बि धक्का रें च़रति, कनिंङ अच़ि ञेंहतु टोईच़ी अधिकारी ए न्याय लहज़ा ठेहराएक्तो?

प्रेरित 7:35

दिह दुह ए मूसा शुह अतु इस्राएली मीहज़ी इन्कार लहतेर, दंङ अंऊ दोच़ी कुहतेर, कनिंङ अच़ि ञेंहतु टोईच़ी अधिकारी ए न्याय लहज़ा ठेहराक्तो? परमेश्वरे दिए मीहबी केहतु टोईच़ी राज लहज़िमी थल्जी ठहरासी तते दंङ दुह स्वर्गदूतो दोरच़ी केतिंङ आज़ाद लहज़िमी थल्जी अंऊ मुसा बि छ्वाक्तु बिचंङ प्रकट शुह्ते।

प्रेरित 7:39

पर हेनातु बाह-मेमे मूसा ओ गप्पा मनेक्च़ी माह जुंज़ातेर; पर दोऊ इन्कार लेह मिस्त्र देशो हखा वापिस इबि तातेर।

प्रेरित 7:9

“दंङ दि याकूबो सनी योहज़ि एनोह न्वा यूसुफ रंङ साते रोह्षेक्च़े दुह मिस्त्र देशो हखा इलज़ा मीहतिंङ लंङे च़रति, पर परमेश्वर दोरंङ साते तोहई।”

रोमियो 2:25

खतना लहज़िमी फायदा सिर्फ दुह ए मुक्का तोह अपेहल केहच़ी कानूनो मनेक्च़ातंई। पर अगर केरे कानूनो माह मनेक्च़ातंई, दंङ केरे खतना लहसी यहुदी मीहरे दुह मीहतु ठ्रोह ए तोतोंई अंऊ यहुदी माह तोतोर दंङ अतु खतना शुहचे माह।

इफिसियों 4:30

केनातु कमो दोरच़ी पवित्र आत्माबि दुखी थालंही, अंऊ केहतु छुटकारो थल्जी बयाना ओ रूपारिंङ रांहषी तोह।

फिलिपियों 3:3

छना कुचे परमेश्वरो सच्चा मीह ता हेनर शुई, अंऊ परमेश्वरो अराधना दोऊ आत्माओ दोरच़ी लहज़ातोर दंङ एनोह जीवनारिंङ मसीह यीशु एकता रिंङ खुश शवाहतोर दंङ एनोह कोशिशो टोहकठे भरोसा माह लहज़ातोर।

कुलुस्सियों 2:11

अपेहल केहच़ी मसीहू टोहकठे विशवास लहतंई, दंङ केहतु खतना मीहतु दोरच़ी माह शुई छना यहुदी मीहच़ी लेह, पर मसीहू दोरच़ी केहतु खतना शुहचे इलि अंऊ केहतु पापी स्वाभाव बि केहतु दोरच़ी शत्‌ह लेह च़रति।